Jo 31:41 - Sơ̆p Hlabơar Nơ̆r 'Bok Kei-Dei

⁴¹ Môis pơjao ăn kơ Êlêasar, 'bok soi, tơmam na jing tơmam pơyơ̆r ăn kơ Kră Yang, trŏ thoi nơ̆r Kră Yang đei khan kơ Môis.

Jo 31:41 Referans Kwoze

Jo 18:19

Inh pơkă 'nâu ling-lang ăn kơ ih, lu kon drŏ-nglo lu kon drŏ-kăn ih, đĭ-đăng tơmam pơyơ̆r 'lơ̆ng rơgoh mă bơngai Isơrael đei pơyơ̆r kơ Kră Yang; noh tơdrong pơgơ̆p pơkă 'bohb pơm ling-lang, ưh kơ gơh hiơt ôh, 'bơ̆t anăp Kră Yang ăn kơ ih păng adrĕch adrung ih.

Jo 18:8

Kră Yang khan kơ Arôn: 'Nâu Inh ăn kơ ih wei-lăng tơmam mă Inh đei iŏk akŭm đơ̆ng lu kon pơlei Isơrael pơyơ̆r kơ Inh, jing tơmam 'lơ̆ng rơgoh; Inh ăn boih tơmam 'nâu jing tơmam ih păng lu kon drŏ-nglo ih, tơdrong juăt 'nâu yua ling-lang hlŏng hloi.

I Tim 5:17

Lu kră wei-lăng bơngai lui bơngai bu jang 'lơ̆ng iĕm thim 'biơ̆ jên khei sư, mă loi lu bơngai bơtho tơdrong 'Bok Kei-Dei.

Galati 6:6

Gah lu 'bok thây mă bơtho tơdrong 'Bok Kei-Dei kơ lu bơ̆n, bơ̆n athei tơgŭm asong sư tơmam bơ̆n.

Mathiơ 10:10

'Nĕ kơ chĕp kơdŭng tah tơmam, dah hrŭk 'bar blah ao, dah chĕp hiă chơkhŏ, dah 'long jra, yua kơ iĕm dang bơngai jang sa apah, iĕm jang tơgŭm đe, đe 'me sa iĕm.

Jo 5:9

Đĭ-đăng tơmam pơyơ̆r 'lơ̆ng rơgoh đơ̆ng lu bơngai Isơrael pơyơ̆r ăn kơ lu 'bok soi boih noh lê̆ kơ lu 'bok soi.

Jo 5:10

Tơmam ayơ bơngai Isơrael pơyơ̆r 'măn lê̆ pơm tơmam 'lơ̆ng rơgoh dôm lu tơmam noh ăn kơ 'bok soi; tơmam kiơ mă đe ăn kơ 'bok soi noh tơmam sư boih.

Jo 31:40

mơjĭt-tơdrâu rơbâu 'nu bơngai păng na pơyơ̆r ăn kơ Kră Yang pêng-jĭt 'bar 'nu,

Jo 31:42

Minh puăt tơmam noh ăn kơ adrĕch Isơrael mă Môis đei klah lê̆ boih minh puăt kơ lu linh năm tơblah,

Le 12:28

Kon pơlei Isơrael pơm kiơ̆ thoi nơ̆r Kră Yang tơtă boih kơ Môis păng Arôn.