Jo 31:2 - Sơ̆p Hlabơar Nơ̆r 'Bok Kei-Dei

² Năm blah bĕ adrĕch Madian pơm 'mong ăn kơ adrĕch bơngai Isơrael; đơ̆ng noh na ih gô wih brŏk hơdai 'bok yă.

Jo 31:2 Referans Kwoze

Jo 27:13

Đang kơ ih lăng dêh char noh boih, ih kư̆m gô wih kiơ̆ 'bok yă ih, thoi 'nhŏng ih Arôn kư̆m wih kiơ̆ 'bok yă boih.

Tơdrông Tơ'bôh 6:10

Đĭ dôm lu sư pơma pơret khan: “Ơ 'Bok Kei-Dei, Ih Kră Yang 'lơ̆ng tơpăt. Layơ Ih wă sek tơlang phak lu bơngai mă oei tơ ala teh pơlôch nhôn sơ̆?”

Lu 2:10

Đĭ-đăng jơhnơr ei lĕch kiơ̆ yă 'bok lu sư; na đei minh jơhnơr nai iung dơ̆ng mă ưh kơ băt kơ Kră Yang păng kư̆m ưh kơ 'bôh dôm tơdrong mơsêh Kră Yang đei pơm yua kơ lu bơngai Isơrael.

Tơdrông Tơ'bôh 19:2

Sư sek tơlang trŏ tơpă. Sư phak boih bơngai đi mă pơm jơ̆p kơ teh đak jing kơnê̆ 'mê̆-'mach, yua kơ tơdrong sư pơm kư̆ kă păng yua kơ sư pơlôch lu đĭch đam 'Bok Kei-Dei.”

Tơdrông Tơ'bôh 18:20

Đơ̆ng noh inh kơtơ̆ng 'bơ̆r nai dơ̆ng khan thoi âu: “Ơ lu đe mă oei tơ plĕnh, ơ lu kon 'Bok Kei-Dei, lu jơ̆ng 'bang Yêsu, lu bơngai pơtruh nơ̆r 'Bok Kei-Dei, hiôk bĕ lu iĕm yua kơ 'Bok Kei-Dei phak pơrăm boih pơlei noh mă pơm kơnê̆ kơ iĕm.”

Hêbrơ 10:30

Yua kơ 'Bok Kei-Dei khan sơ̆ boih thoi âu: “Lê̆ kơ Inh pơm tơwih kơ lu bơngai pơm kơnê̆.” Sư khan dơ̆ng thoi âu: “Inh gô sek tơlang lu kon pơlei pơla Inh.” Sư khan thoi noh, bơ̆n băt kơ Sư wă pơm tơpă.

I Tes 4:6

Sư wă kơ bơ̆n gơ̆t tơdrong pơ'brơh kơ klo đe, dah akăn đe. Hơtai ki nhôn bơtho iĕm boih tơdrong 'noh khan 'Bok Kei-Dei wă phak dôm lu bơngai mă pơm kư̆ kă thoi noh.

Rom 13:4

Lu bơngai pơgơ̆r noh lu sư dang jang tơdrong 'Bok Kei-Dei, wă kơ kon bơngai arih hiôk-hian. 'Noh na tơ̆ng bơ̆n pơm kơnê̆, bơ̆n hli kơ lu sư. Lu bơngai pơgơ̆r chĕp tak đao, lu sư trŏ tơdrong gơh chĕp. Yua kơ lu sư jang tơdrong 'Bok Kei-Dei, lu sư gơh rôp phak lu bơngai pơm kơnê̆ mă 'Bok Kei-Dei ưh kơ lăp đon.

Rom 12:19

Ơ 'nhŏng oh mă inh 'mêm kơeng, bơ̆n 'nĕ kơ pơm tơwih kơ đe tơdrong kơnê̆ hŏ, gô mơ̆ng kơ 'Bok Kei-Dei pơm tơwih đĕch 'bơ 'bang. Yua kơ tơdrong noh sơ̆ 'Bok Kei-Dei đei khan thoi âu: “Lê̆ kơ Inh pơm tơwih kơ bơngai pơm kơnê̆ noh; Inh gô phak sư yua kơ sư pơm kơnê̆.”

Jang 13:36

Gah Đawit, lăp sư oei arih sư pơm kiơ̆ kơ 'Bok Kei-Dei wă. Na sư lôch, đe 'bŭ akâu sư hơdai păng lu 'bok sư, akâu sư jing ôm.

Luka 21:22

Năr noh kơnh trŏ kơ năr 'Bok Kei-Dei wă phak lu bơngai Juđê thoi sơ̆p hla bơar 'Bok Kei-Dei khan mă đơ̆ng sơ̆, gô trŏ kơ năr noh tơpă.

Na 1:2

Kră Yang jơ̆ 'Bok Kei-Dei gar păng pơm 'mong; Kră Yang pơm tơwih păng 'bĕnh kơ tơdrong hil mĭl. Kră Yang pơm 'mong kơ bu mă blah Sư păng hil kơ lu đe bu mă ayăt kơ Sư.

Êsai 1:24

Thoi noh bơih na Kră Yang Tih Hloh, Tơ'ngla Mơsêh Mơyang lu bơngai Isơrael khan: “Âu! Inh gô tuh tơdrong hil tơ lu bơngai blah Inh păng pơm 'mong kơ lu bơngai ayăt kơ Inh!

Lu 16:24

Wă kon pơlei 'bôh Samsơn, lu sư bơnê ư-ang kơ yang lu sư: Yang lu bơ̆n pơjao boih bơngai ayăt kơ bơ̆n, bơngai mă pơrăm chŭn mir lu bơ̆n păng đei pơlôch ưh kơ băt dôm yơ bơngai bơ̆n.

Both 32:35

Tơdrong pơm 'mong gô lê̆ kơ Inh, Inh gô pơm tôm. Trŏ năr jơ̆ng lu sư tơsĕr pơ̆k. Tơdrong răm wă jê̆ truh kơ lu sư bơih. Tơdrong pơlôch lu sư, gô truh tĕnh.

Jo 31:3

Thoi noh, Môis khan tơbăt ăn kơ kon pơlei thoi âu: Lăm lu iĕm athei hơmet hơlă đao kơtuang năm blah adrĕch Madian wă pơm 'mong ăn kơ Kră Yang.

Jo 25:6

Âu, đei minh 'nu bơngai drŏ-nglo Isơrael chông ba minh 'nu drŏ-kăn bơngai Madian kơ lu 'nhŏng oh sư, 'bơ̆t anăp Môis păng 'bơ̆t anăp đĭ-đăng kon pơlei Isơrael oei akŭm, kơplah lu sư oei nhơ̆m 'bơ̆t 'măng Bơsŭn Anih Akŭm.

Jo 20:26

plôh bĕ ao tai Arôn na pơhrŭk ăn kơ Êlêasar, kon drŏ-nglo sư, Arôn gô lôch tơ anih noh,

Jo 20:24

Arôn gô lôch brŏk tơ anih yă 'bok sư, yua kơ sư ưh kơ gơh kơ mơ̆t ôh tơ dêh char mă inh wă ăn kơ bơngai Isơrael yua kơ sư sơngah pơjah kơ nơ̆r Inh tơtă tơ anih đak Mêriba.

Le 2:16

Kơplah noh, đei tơpơh 'nu kon adruh 'bok soi dêh Mađian; năm tơ đak sơlŭng noh sŏ đak tuh tơ bơng wă ăn khŭl kon triu 'bă sư nhă.

Bl 25:17

Ismael arih đei minh-hrĕng pêng-jĭt tơpơh sơnăm, na kơtĕch jơhngơ̆m lôch; na brŏk kiơ̆ yă 'bok.

Bl 25:8

Sơnăm sư đĭ lơ, akâu đĭ kră, arih kư̆m hrăp boih, đơ̆ng noh sư kơtĕch jơhngơ̆m, brŏk kiơ̆ yă 'bok.

Bl 15:15

Gah ih gô arih sot dĭng kră truh tơ ih lôch, na ih gô brŏk tơ yă 'bok hiôk-hian;a

Jo 25:1

Kơplah lu bơngai Isơrael oei 'bơ̆t Sitim lu kon pơlei pơtơm ngôi kư̆ kă hăm lu drŏ-kăn Môap.

Jo 31:1

Kră Yang khan dơ̆ng kơ Môis thoi âu:

Both 4:22

Inh gô lôch tơ lăm dêh âu, ưh kơ gơh tŏk hlôi kơ đak Krong Jôrđăn, mă-lei lu iĕm gô năm hlôi păng iŏk dêh 'lơ̆ng rŏ ei.