Jo 30:12 - Sơ̆p Hlabơar Nơ̆r 'Bok Kei-Dei

¹² Tơdah klo sư băt boih, lei dôm tơdrong đêl sư pơkă păng tơdrong đêl sư pơkăm noh kư̆m huay pă đei jô̆ boih; lei na dôm tơdrong đêl sư pơkă pơkăm Kră Yang kư̆m mơnat ăn huay pă jô̆ yo kơ tơdrong noh.

Jo 30:12 Referans Kwoze

Jo 30:8

Mă-lei dah klo sư băt tơdrong noh, na khă sư, thoi noh nơ̆r sư pơkă noh ưh pă sĭt, gô hiong tôch mă nơ̆r ayơ sư pơma 'bơm ưh kơ đei tơchĕng đơ̆ng 'bơ̆r sư, yua kơ noh na sư chu pŭ, na Kră Yang gô mơnat ăn kơ sư.

I Kor 11:3

Mă-lei inh wă kơ iĕm hlôh tơdrong âu: Yêsu Krist pơm Yŏng kơ đĭ-đăng drŏ-nglo, drŏ-nglo pơm yŏng kơ akăn sư; na 'Bok Kei-Dei pơm Yŏng kơ Yêsu Krist.

Jo 30:5

Tơdah 'bă sư kơtơ̆ng na khă hloi kon sư 'bơ̆t sư băt lei na nơ̆r kon sư pơkă pơkăm noh kon sư huay pă pŭ boih. Kră Yang gô mơnat kơ sư yua kơ 'bă sư khă găn.

Jo 15:28

'Bok soi gô soi sơmah huai yoch ăn kơ bơngai mă glăi 'bơm pơm yoch thoi noh 'bơ̆t anăp Kră Yang păng dah đei soi sơmah huai đơ̆ng yoch thoi noh na bơngai noh gơh klaih đơ̆ng yoch.

Jo 15:25

'Bok soi gô soi sơmah huai iŏk đơ̆ng tơdrong yoch ăn kơ đĭ-đăng tơpôl kon pơlei Isơrael, lei na tơdrong yoch đĭ tơpôl kon pơlei noh gô mơnat ăn, yua kơ noh tơdrong yoch glăi hơch 'bơm păng kon pơlei đei anhăk ba 'bơ̆t anăp Kră Yang tơmam soi kơdih, wă khan tơmam soi yua ŭnh soh pơyơ̆r, hơdai hăm tơmam soi huai tơdrong yoch.

Jo 30:11

păng dah klo sư băt boih tơdrong 'nei, mă-lei huay kơ pơma kơ sư, huay kơ khă sư, lei bơngai drŏ-kăn noh athei pơm kiơ̆ kơ tơdrong mă đêl sư pơkă păng tơdrong mă sư đei pơkăm oei sĭt.

Jo 30:13

Klo sư jô̆ yoch dah huay dôm tơdrong sư đei pơkă pơkăm hăm dih kâu sư.

Je 44:17

Mă-lei lu nhôn gô pơm keh dôm nơ̆r lu nhôn pơkă boih, lu nhôn gô soh nhang 'bâu phu kơ Pơtao Drŏ-kăn kơpal Plĕnh păng tuh sik pơyơ̆r ăn kơ sư, thoi lu nhôn đei pơm boih, lu 'bok yă lu nhôn, lu pơtao nhôn, lu yŏng pơgơ̆r lu nhôn lăm lu pơlei lăm dêh char Juđa păng tơ rok trong lăm pơlei tih Jêrusalem; kơplah noh lu nhôn đei tơmam sa phĭ rơkah rơkai, jang sa hiôk-hian ưh kơ đei tơdrong kiơ truh.

I Sam 1:23

Êlkana klo sư khan kơ sư, pơm bĕ thoi ih tơchĕng khan 'lơ̆ng. Gô bĕ dĭng tơ sư lê̆ mŏm. Wă kơ apinh Kră Yang pơsĭt nơ̆r ih pơma. Thoi noh sư oei hnam, rong kon drŏ-nglo noh truh tơ sư lê̆ mŏm.

Je 44:19

Lu drŏ-kăn khan: “Kơplah lu nhôn soh nhang 'bâu phu kơ pơtao Drŏ-kăn kơpal plĕnh tuh pơyơ̆r sik ăn kơ sư, lei na klo lu nhôn ưh kơ lăp ôh hă, lei liơ lu nhôn pơ̆n man 'bĕng pơtŏ pơm thoi rup yang pơtao Drŏ-kăn kơpal plĕnh na pơyơ̆r sik tơmam huch ăn kơ yang pơtao Drŏ-kăn tơ plĕnh?”