Jo 3:12 - Sơ̆p Hlabơar Nơ̆r 'Bok Kei-Dei

¹² 'Nâu, lăm adrĕch bơngai Isơrael Inh, rơih iŏk boih bơngai Lêwi tơplih ăn kơ đĭ-đăng lu kon kơdră bơngai Isơrael. Thoi noh, bơngai Lêwi noh lu sư gah Inh,

Jo 3:12 Referans Kwoze

Jo 8:16

Yua kơ Inh rơih iŏk lu bơngai Lêwi kơ Inh kơdih, wă tơplih lu kon kơdră bơngai Isơrael.

Jo 3:41

Inh boih Kră Yang. Ih athei chă rơih ăn kơ Inh kon kơdră drŏ-nglo đơ̆ng adrĕch bơngai Lêwi wă tơplih kơ kon drŏ-nglo kơdră lăm adrĕch bơngai Isơrael; kư̆m athei rôp sem dơrong tuh blŭng-a đơ̆ng bơngai Lêwi wă tơplih kơ dôm kon sem dơrong tuh blŭng-a kơ bơngai Isơrael.

Jo 18:6

'Nâu Inh đei iŏk boih lu 'nhŏng oh ih, adrĕch bơngai Lêwi đơ̆ng lăm khŭl bơngai Isơrael, yua kơ đei pơyơ̆r kơ Kră Yang boih, wă bơ̆jang lăm Bơsŭn Anih Akŭm.

Jo 8:18

Păng Inh kư̆m rơih iŏk lu bơngai Lêwi tơplih kơ kon kơdră lu bơngai Isơrael.

Jo 3:45

Iŏk bĕ đĭ-đăng kon kơdră bơngai Lêwi tơplih kơ lu kon kơdră bơngai Isơrael păng lu sem dơrong bơngai Lêwi tuh blŭng-a noh tơplih kơ sem dơrong bơngai Isơrael mă tuh blŭng-a; thoi noh, lu bơngai Lêwi lu sư gah Inh. Inh boih Kră Yang.

Le 13:2

Lăm kon pơlei Isơrael mă bơngai dah sem dơrong, athei pơyơ̆r 'măn lê̆ kơ Inh dôm kon kơdră yua kơ kon kơdră noh gah Inh.

Jo 3:11

Kră Yang khan kơ Môis thoi âu:

Jo 8:14

Thoi noh ih athei rơih 'măn lê̆ lu bơngai Lêwi đơ̆ng lăm lu bơngai Isơrael, lu bơngai noh gô jing gah Inh.