Jo 28:25 - Sơ̆p Hlabơar Nơ̆r 'Bok Kei-Dei

²⁵ Năr mă tơpơh iĕm athei akŭm rơgoh 'lơ̆ng lu iĕm ưh kơ gơh jang kiơ gah sĕch akar ôh.

Jo 28:25 Referans Kwoze

Lêwi 23:8

Mă-lei lu iĕm athei pơyơ̆r kơ Kră Yang tơmam soi yua 'buh lăm ŭnh lăm tơpơh năr; truh năr mă tơpơh gô đei tơdrong akŭm kơkuh 'lơ̆ng rơgoh; lu iĕm 'nĕ kơ pơm minh tơdrong jang kiơ kơ sĕch akar ôh.

Jo 28:18

Lăm năr mă mônh gô đei akŭm 'lơ̆ng rơgoh, lu iĕm ưh kơ gơh kơ jang dah pơm minh tơdrong kiơ gah sĕch akar ôh.

Le 13:6

Lăm tơpơh năr ih athei sa 'bĕng ưh kơ đei 'buih pông, truh năr tơpơh gô đei et sa bơnê kơkuh kơ Kră Yang.

Le 12:16

Năr blŭng-a, lu iĕm athei đei năr akŭm 'lơ̆ng rơgoh păng truh năr tơpơh lu iĕm gô akŭm lei-lăi mơ̆n. Lăm năr noh ưh gơh jang tơdrong kiơ, lăp gơh pai hơmet tơmam sa ăn kơ rim 'nu sa đĕch.

Jo 29:35

Năr mă tơhngam, lu iĕm athei akŭm tih; ưh kơ gơh jang minh tơdrong jang kiơ kơ sĕch akar;

Jo 29:12

Lăm năr mơjĭt-pơđăm khei tơpơh lu iĕm athei akŭm tih 'lơ̆ng rơgoh, 'nĕ kơ jang minh tơdrong jang kiơ gah sĕch akar, iĕm athei pơm giĕng bơsŭn kơ Kră Yang lăm tơpơh năr.

Jo 29:1

Lăm năr mônh khei tơpơh, lu iĕm gô đei akŭm hơdai 'lơ̆ng rơgoh; ưh kơ gơh kơ jang minh tơdrong kiơ gah sĕch akar lu iĕm, năr noh năr giĕng hlôm keng.

Jo 28:26

Lăm năr giĕng phĕ yuă blŭng-a, lăp iĕm đei plei blŭng-a kĕch yuă đei 'ba hle lăm bơyan, kơplah iĕm pơyơ̆r ăn kơ Kră Yang tơmam soi phe 'ba hle, iĕm athei akŭm 'lơ̆ng rơgoh; lăm năr noh lu iĕm ưh kơ gơh jang minh tơdrong kiơ gah sĕch akar.

Lêwi 23:25

Lu iĕm ưh kơ gơh bơ̆jang kơ sĕch akar ôh; iĕm athei pơyơ̆r tơmam soi 'buh hăm ŭnh kơ Kră Yang.

Lêwi 23:21

Lu iĕm athei roi tơ'băt: Tơdrong akŭm tơm năr noh athei đei tơdrong akŭm rơgoh, ưh kơ gơh kơ bơ̆jang tơdrong sĕch akar. Noh jing tơdrong juăt pơkă ling-lang ăn kơ adrĕch adrung lu iĕm, mă tơ anih yơ yơ lu iĕm oei.

Lêwi 23:3

Đe gô bơ̆jang lăm tơdrâu năr; mă-lei năr tơpơh, noh năr Sa'bat, năr đe pơdơh wă khan năr akŭm kơkuh 'lơ̆ng rơgoh. 'Nĕ kơ bơ̆jang kiơ; noh năr Sa'bat kơ Kră Yang tơ lăm jơ̆p-jang anih lu iĕm.

Lêwi 23:7

Năr blŭng-a lu iĕm athei akŭm 'lơ̆ng rơgoh, ưh kơ gơh bơ̆jang kiơ kơ sĕch akar.

Both 16:8

Lăm tơdrâu năr, iĕm athei sa 'bĕng ưh kơ đei 'buih pông, truh năr mă tơpơh, gô đei akŭm kơkuh tih ăn kơ Kră Yang 'Bok Kei-Dei iĕm, iĕm ưh kơ gơh jang minh tơdrong kiơ.