Jo 27:7 - Sơ̆p Hlabơar Nơ̆r 'Bok Kei-Dei

⁷ Lu kon drŏ-kăn Sêlôpêhat pơma noh trŏ; ih athei asong lu sư teh jang sa minh đơ̆ng lăm lu 'nhŏng oh 'bă lu sư, wă khan ăn kơ lu sư teh jang sa đơ̆ng 'bă lu sư.

Jo 27:7 Referans Kwoze

Galati 3:28

Kră Yang Yêsu Krist đih sơng glơng iŏk đĭ-đăng bơngai lui kơ Sư, ưh kơ đei achăng lê̆ bu bu ôh, mă khan bơngai Juđê, bơngai tơmoi nai, mă bơngai đĭch đe, mă bơngai rơngei, bơngai drŏ-nglo dah drŏ-kăn, đĭ-đăng kơ bơ̆n pôm đon dih băl păng pôm đon hăm Yêsu Krist.

Je 49:11

Lê̆ bĕ lu kon mơti iĕm kơ inh; Inh gô wei rong lu sư; Lu drŏ-kăn adro kư̆m gơh lui gơnang kơ inh.’ ”

Jôsuê 17:4

Lu kon drŏ-kăn âu dơ̆ng 'bơ̆t anăp 'bok soi Êlêasar, 'bơ̆t anăp Jôsuê, kon drŏ-nglo Nun păng 'bơ̆t anăp lu kră pơgơ̆r pơlei, na khan: Kră Yang khan kơ Môis asong ăn kơ lu nhôn đei teh jang sa lăm lu 'nhŏng oh lu nhôn. Jôsuê chu kiơ̆ nơ̆r Kră Yang pơkă sư asong ăn teh jang sa kơ lu sư hơdai lăm lu 'nhŏng oh lu sư.

Horiso 68:5

Kră Yang 'Bok Kei-Dei oei tơ anih rơgoh. Sư jing 'Bă kơ lu mơti, Păng jing Tơ'ngla wei lu drŏ-kăn adro.

Jo 27:6

Kră Yang khan kơ Môis thoi âu:

Jo 27:8

Ih kư̆m athei roi tơbăt ăn kơ lu adrĕch adrung Isơrael thoi âu: Tơdah đei minh 'nu bơngai bu lôch mă ưh kơ đei kon drŏ-nglo, lei lu iĕm athei jao ăn teh jang sa sư noh kơ lu kon drŏ-kăn sư.

Jo 36:6

'Nâu tơdrong Kră Yang đei khan gah lu kon drŏ-kăn Sêlôpêhat; lu sư wă oei kơ bu mơ̆ng kơ wă, mă-lei kư̆ oei lăm adrĕch adrung 'bok lu sư kơdih.

Jo 36:5

Môis tơtă ăn hloi kơ bơngai Isơrael kiơ̆ thoi Kră Yang đei khan kơ sư thoi âu: Adrĕch kon sâu Jôsep pơma noh trŏ.

Jop 42:15

Lăm đĭ-đăng dêh char noh ưh kơ đei bơngai drŏ-kăn ayơ 'lơ̆ng guăng lei-lăi thoi pêng 'nu kon drŏ-kăn Jop, 'bă lu sư kư̆m asong ăn kơ lu sư mŭk tơmam lei-lăi thoi lu 'nhŏng oh drŏ-nglo lu sư.