Jo 27:3 - Sơ̆p Hlabơar Nơ̆r 'Bok Kei-Dei

³ 'Bă lu nhôn lôch boih tơ lăm char glă; sư ưh kơ kiơ̆ ôh lu tơpôl akŭm wă blah Kră Yang, wă khan lu khŭl Kôrê, mă-lei sư lôch yua kơ tơdrong yoch sư kơdih; păng sư ưh kơ đei kon drŏ-nglo ôh.

Jo 27:3 Referans Kwoze

Êsêkiên 18:4

Yua kơ đĭ-đăng tơdrong arih lăm Inh, tơdrong arih 'bă kư̆m thoi tơdrong arih kon oei lăm Inh ngăl na Bơngai bu pơm yoch gô lôch.

Jo 14:35

Inh Kră Yang khan boih: Inh gô pơm kơ lu tơpôl adrĕch kon pơlei kơnê̆ 'nâu, mă lu sư đei pơgơ̆p pôm đon pơm kơnê̆ kơ Inh; lu sư gô lôch huach hiong tơ lăm char glă 'nâu.

Rom 6:23

Bu jang chă tơdrong yoch, apah sư tơdrong lôch. Mă-lei gah lu bơ̆n, dang ei 'Bok Kei-Dei ăn đĕch kơ bơ̆n arih ling-lang yua kơ bơ̆n lui kơ Kră Yang bơ̆n Yêsu Krist.

Rom 5:21

Tơdrong yoch pơm kơ kon bơngai jing lôch, mă-lei 'Bok Kei-Dei Sư 'mêm na jô̆ bơ̆n jing bơngai 'lơ̆ng, ăn kơ bơ̆n arih ling-lang yua kơ Kră Yang bơ̆n Yêsu Krist.

Rom 5:12

Yua kơ minh 'nu bơngai đĕch, đĭ-đăng bơngai jing yoch. Yua kơ đơ̆ng sư pơm yoch na sư lôch. Thoi noh đĭ-đăng kon bơngai gô lôch ngăl yua kơ đĭ-đăng kon bơngai pơm yoch ngăl boih.

Yo 8:24

Kơlih kơ thoi noh na Inh khan kơ iĕm boih, iĕm gô lôch yua kơ tơdrong yoch iĕm. Dah iĕm ưh kơ lui kơ Inh đơ̆ng plĕnh ti iĕm gô lôch yua kơ tơdrong yoch iĕm tơpă.”

Yo 8:21

Yêsu bơtho dơ̆ng lu sư thoi âu: “Inh gô jăk tơ nai, na iĕm gô chă Inh mă-lei ưh kơ 'bôh. Păng iĕm gô lôch yua kơ tơdrong yoch iĕm. Iĕm ưh kơ gơh truh tơ anih Inh ôh.”

Jo 26:33

Sêlôpêhat kon drŏ-nglo Hêpher ưh kơ đei kon drŏ-nglo ôh, đei kon drŏ-kăn đĕch. Anăn lu kon drŏ-kăn Sêlôpêhat, Mahla, Nôa, Hogla, Mika păng Tirsa.

Jo 16:49

Đei mơjĭt-puăn rơbâu tơpơh-hrĕng 'nu bơngai lôch yua kơ tơdrong gleh truh 'nâu; ưh kơ jô̆ lu bơngai lôch yua kơ Kôrê.

Jo 16:19

Kơplah Kôrê pơtơm akŭm, lu kon pơlei iung pơma blah Môis păng Arôn 'bơ̆t 'măng Bơsŭn Anih Akŭm; tơdrong rang hơdah Kră Yang pơchrang kơ đĭ-đăng khŭl kon pơlei akŭm.

Jo 27:2

Lu sư năm dơ̆ng 'bơ̆t anăp Môis păng Êlêasar 'bok soi, 'bơ̆t anăp lu kră pơgơ̆r păng 'bơ̆t 'măng Bơsŭn Anih Akŭm păng khăn, na khan:

Jo 27:4

Yua kơ kiơ anăn 'bă lu nhôn sŭt lê̆ ưh kơ đei chih tơmơ̆t lăm lu adrĕch adrung sư yua kơ sư ưh kơ đei kon drŏ-nglo ôh? Asong bĕ lu nhôn teh jang sa hơya minh lăm lu 'nhŏng oh 'bă lu nhôn.