Jo 24:4 - Sơ̆p Hlabơar Nơ̆r 'Bok Kei-Dei

⁴ nơ̆r hơri đơ̆ng bơngai mă sư kơtơ̆ng nơ̆r Kră Yang 'Bok Kei-Dei boih, Bơngai mă 'bôh tơdrong tơ'bôh đơ̆ng Kră Yang mơsêh mơyang sư bon drap kơkuh păng măt sư lar boih.

Jo 24:4 Referans Kwoze

Tơdrông Tơ'bôh 1:17

Kơplah noh lăp inh 'bôh Sư, inh pơ̆k hloi 'bơ̆t jơ̆ng Sư, inh hli tơrơ kơmăp lăl pă băt kơ akâu. Mă-lei ti 'ma Sư pel inh păng khan: “Ih 'nĕ kơ hli, Inh 'Bok tơm rơh hăm Inh ưh kơ đei layơ tôch.

Tơdrông Tơ'bôh 1:10

Đei minh năr, mă năr giĕng kơkuh kơ Kră Yang, na Yang Bơhngol 'Lơ̆ng tơ'bôh kơ inh tơdrong hlĭch. Inh kơtơ̆ng tơ rŏng inh nhen đei nơ̆r pơma re jơwa thoi đe hlôm keng

Êsêkiên 1:28

Inh 'bôh hơdah rang tăp dăr thoi plĕnh chro tơ hơmơ̆l wă 'mi. Tơdrong noh thoi 'lơ̆ng rŏ rang mơnhal Kră Yang. Lăp inh 'bôh inh kŭp muh măt tơ teh păng kơtơ̆ng nơ̆r minh 'nu pơma khan.

Jo 12:6

Kră Yang khan kơ bre sư thoi âu: Mơ̆ng mă nhen bĕ nơ̆r Inh. Tơdah lăm lu iĕm đei bơngai bu pơma khan lê̆ adrol, Inh boih Kră Yang gô tơ'bôh kơ sư lăm tơdrong sư 'bôh, păng pơma kơ sư lăm tơdrong sư apo.

Jang 22:17

“Inh brŏk tơ Pơlei Jêrusalem. Hơtai inh oei krao khan kơ 'Bok Kei-Dei tơ lăm hnam akŭm 'Bok Kei-Dei tơm, inh 'bôh Kră Yang Yêsu nhên tơpă. Sư khan kơ inh: ‘Ih dah lĕch đơ̆ng Pơlei Jêrusalem mă tĕnh bĕ. Lu kon pơlei pơla ưh kơ wă lui kơ tơdrong ih bơtho gah Inh.’

Jang 10:19

Pêtrôs sư oei tơchĕng tơdrong sư 'bôh hei, na Yang Bơhngol 'Lơ̆ng khan kơ sư: “Pêng 'nu bơngai truh tơ âu, sư chă ih.

Jang 10:10

Sư pơngot wă sa. Kơplah đe oei hơmet tơmam sa kơ sư, sư 'bôh plĕnh tơpơih păng 'bôh anŭng che đơ̆ng plĕnh jruh 'bơ̆t anăp sư.

Horiso 89:19

Sơ̆ lăm tơdrong tơ'bôh, Ih đei pơma hăm lu bơngai 'lơ̆ng rơgoh Ih. Na khan: “Inh tơgŭm ăn boih kơ bơngai pran kơtang Inh hơtŏk bơngai mă đei rơih iŏk boih đơ̆ng lăm kon pơlei

I Sam 19:24

Sư kư̆m plôh lê̆ ao sư kơdih, suang pơplŏng pơma khan lê̆ adrol 'bơ̆t anăp Samuel, na pơtao suang pơ̆k 'bĭch hloi tơ teh akâu hoh prăt măng lăm măng noh. Kơlih kơ thoi noh na, đei nơ̆r khan: Sôl kư̆m wang mơ̆t hơdai lu bơngai khan lê̆ adrol mơ̆n hă?

Jo 22:31

Kră Yang pơih măt Balaam, na Balaam 'bôh Linh jang Kră Yang dơ̆ng tŏk-bŏk trong ti sư chĕp minh hlak đao gưm. Balaam kŭp kơ̆l drap tơ teh.

Jo 22:20

Kơplah kơmăng Kră Yang 'Bok Kei-Dei jur tơ Balaam păng khan: Tơdah lu đe noh năm truh krao ih, iung năm kiơ̆ lu sư bĕ; mă-lei ih athei pơm kiơ̆ kơ nơ̆r đơ̆ng Inh gô khan,

Bl 15:12

Kơplah noh măt 'năr 'nao wă mơ̆t, na Abram tep hlơ̆k. Âu đei tơdrong truh hli krưp, măng mu gom akâu sư.

Bl 15:1

Đơ̆ng rŏng kơ tơdrong noh, đei nơ̆r Kră Yang khan dơ̆ng kơ Abram lăm tơdrong tơ'bôh thoi âu: “Ơ Abram ih 'nĕ kơ hli; Inh âu jơ̆ khêl pĕng ih; ih gô đei tơmam apah tih tơpă.”

Jo 24:5

Ơ Jakôp anih kơđông ih 'lơ̆ng pă băt dang yơ! Ơ Isơrael bơsŭn ih 'lơ̆ng tơpă!

Jo 24:15

Balaam hơri khan lê̆ adrol thoi âu: Nơ̆r hơri khan lê̆ adrol Balaam, kon drŏ-nglo Bêôr, Nơ̆r hơri khan lê̆ adrol đơ̆ng bơngai mă măt đei 'bôh hơdah boih.

I Pot 22:17

Mikai khan: “Inh 'bôh đĭ-đăng bơngai Isơrael tơklah tơklang jơ̆p kơ kông kŏ thoi triu ưh kơ đei bơngai wei; păng Kră Yang khan: ‘Lu sư ưh kơ đei tơ'ngla, rim 'nu kơ lu sư athei brŏk tơ hnam kơdih hăm tơdrong hiôk-hian.’ ”