Jo 24:18 - Sơ̆p Hlabơar Nơ̆r 'Bok Kei-Dei

¹⁸ Gô blah iŏk char Eđôm păng kư̆m gô blah iŏk char Seir, mă ayăt kơ Sư; Isơrael gô tơ'bôh tơdrong pran kơtang sư.

Jo 24:18 Referans Kwoze

Am 9:12

Ăn kơ kon pơlei Inh blah iŏk lu kon pơlei Eđôm mă oei oei. Păng đĭ-đăng kon pơlei jơ̆p kơ dêh char gô ư-ang anăn Inh”

II Sam 8:14

Sư pơm kơđông pơgơ̆r jơ̆p kơ dêh Eđôm, păng đĭ kon pơlei Eđôm bơ̆jang kơ Đawit. Kră Yang ăn kơ Đawit kĕ jei tơ rim anih mă sư tơblah.

Bl 27:29

Đĭ kon bơngai gô chu yom kơ kon. Đĭ lu dêh char gô drap kơkuh 'bơ̆t anăp kon! E athei gơh pơgơ̆r lu 'nhŏng oh, dôm lu 'nhŏng oh kon mĕ e gô kơkuh 'bơ̆t anăp e. Bu pơjăm, hiap e Kră Yang 'Bok Kei-Dei gô hiap tơwih. Bu sơkat pŭn hiôk ăn kơ e, Kră Yang 'Bok Kei-Dei gô sơkat ăn kơ sư pŭn hiôk mơ̆n!

Êsai 63:1

Bu Tơ'ngla mă truh đơ̆ng char Eđôm. Đơ̆ng pơlei Bôsra? Na hrŭk hơbĕn ao gôh rang hơdah, yak năm hăm tơdrong pran kơtang. Noh Inh bơih Tơ'ngla pơma nơ̆r 'lơ̆ng tơpăt Tơ'ngla mơsêh mơyang tih-tin wă dŏng pơklaih.”

Êsai 34:5

Mưh đao gưm Inh huch suai bơih tơ kơpal plĕnh. Na 'nâu sư gô jur tơ Eđôm, jur tơ kon pơlei mă Inh đei sek wă pơrăm lu sư.

Horiso 60:1

Ơ Kră Yang 'Bok Kei-Dei! Ih achăng lê̆ lu nhôn, pă đei dŏng lu nhôn; Ih hil boih, apinh Ih tơiung lu nhôn dơ̆ng.

Bl 32:3

Jakôp wơh đam sư năm tơ 'nhŏng sư Êsâu adrol tơ lăm dêh char Sir tơring Eđôm:

Bl 27:40

E gô arih đơ̆ng đao, Păng gô jing đĭch kơ lu oh e. Đơ̆ng rŏng kơnh e gô arih thông mang, năr 'nâu tơ âu, dơning tơ nai, E gô hrĕch lê̆ 'long ăt sư đơ̆ng hơko e.

Jo 20:18

Mă-lei pơtao Eđôm khan kơ sư: Ih ưh kơ gơh yak rok trong sơlam noh, tơdah ưh kơ chu inh gô iŏk đao gưm năm găn tơblah hăm ih.

Jo 24:19

Đei minh 'nu yŏng pơgơ̆r gô lĕch đơ̆ng Jakôp, gô pơlôch pơrăm đĭ lu bơngai oei klaih đơ̆ng lăm pơlei tih.

Am 9:11

“Lăm năr noh, inh gô tơiung pơdơ̆ng bơsŭn Đawit, mă đêl păk boih păng hơmet ming lu bơlôh hiah sư. Inh gô pơdơ̆ng ming lu đêl pơchah păng man ming thoi sơ̆,

Ob 1:2

Âu, Inh pơm ăn kơ iĕm jing iĕ hloh lăm lu teh đak âu. Đe lăng iĕm ưh kơ ai.

I Pot 11:14

Kră Yang atŏk minh 'nu bơngai ayăt tơblah hăm Sôlômôn, 'noh Hađat bơngai Eđôm; sư bơngai adrĕch adrung pơtao Eđôm.

I Pot 11:15

Kơplah Đawit 'nao oei lăm Eđôm na Jôap yŏng linh tŏk năm 'bŭ lu bơngai lôch, đei pơlôch pơđĭ lu bơngai drŏ-nglo lăm char Eđôm.