Jo 24:10 - Sơ̆p Hlabơar Nơ̆r 'Bok Kei-Dei

¹⁰ Balak hil areh kơ Balaam, tap ti păng khan kơ Balaam: Inh krao ih wă kơ ih hiap lu bơngai ayăt kơ inh; na ih rai sơkat pŭn hiôk ăn kơ lu sư đei pêng wơ̆t boih.

Jo 24:10 Referans Kwoze

Êsêkiên 21:14

Ơ kon bơngai, gah ih, khan lê̆ adrol bĕ, tap bĕ ti ih ăn kơ đao koh 'bar dah pêng wơ̆t; đao koh pơlôch lơ bơngai, pơrăm lơ bơngai: Đao gô wang chĭt tăp tang kơ lu sư.

Jo 23:11

Balak khan kơ Balaam: Ih đei pơm kiơ kơ inh bơih? Inh apinh ih năm tơ âu wă kơ ih hiap lu bơngai ayăt kơ inh na mă rai hơpơi ăn kơ lu sư pŭn hiôk dơ̆ng!

Êsêkiên 22:13

Inh gô tap ti hil, kơ tơdrong ih iŏk sa lơi dêh păng pơlôch lơ bơngai lăm lu iĕm.

Êsêkiên 21:17

Inh gô tap ti wă kơ pơhrăp kơ tơdrong inh hil. Inh Kră Yang, khan thoi noh.

Jop 27:23

Kial oei bah tơ lu sư thoi đe tap ti che bơle Păng hơhôch pơklai puh lu sư đơ̆ng anih lu sư oei.

Ne 13:2

Yua kơ lu sư ưh kơ đei sơng păng glơng ăn 'bĕng păng đak nhă kơ kon pơlei Isơrael, mă-lei mơng apah Balaam hiap pơtê̆ kon pơlei Isơrael, mă-lei Kră Yang 'Bok Kei-Dei lu nhôn tơplih tơdrong hiap pơtê̆ noh jing tơdrong hơpơi ăn pŭn hiôk.

Jo 22:17

yua kơ inh gô apah ih tih tơpă păng gô pơm kiơ̆ ih athei inh pơm. Apinh ih năm hiap pơrăm adrĕch 'nâu.

Jo 22:11

Lăng deh, đei minh khŭl kon pơlei 'nao lĕch đơ̆ng char Êyiptơ lơ 'bĕnh jơ̆p-jang kơ teh; apinh ih năm hiap lu sư hrei âu hloi; wă kơ inh blah pơrăm păng puh tơweh lu sư.”

Jo 22:6

Thoi noh, inh apinh ih năm hiap lu sư dang ei hloi, yua kơ lu sư pran hloh kơ inh. Wă kơ inh kĕ blah pơrăm păng puh lu sư weh đơ̆ng char, yua kơ inh băt tơdah ih hơpơi kơ đe pŭn hiôk đei pŭn hiôk, tơdah ih hiap bu bơngai noh gô răm gô pŭ hơngiap.

Jo 24:9

lu sư drap, drum thoi dăm-brang tơno, kư̆m thoi dăm-brang akăn: Bu pơ̆n râu tơiung lu sư? Pŭn hiôk dêh kơ bơngai bu hơpơi ăn pŭn hiôk kơ ih, Hiap bĕ lu bơngai bu hiap ih.

Jo 24:11

Yua kơ thoi noh, dang ei kơdâu wih bĕ tơ tơring ih kơdih! Inh khan boih, inh gô pôk apah kơ ih tơpă, mă-lei dang ei Kră Yang găn ih ưh kơ wă ih đei iŏk.

Both 23:6

'Nĕ kơ layơ pơgơ̆p hơdai hăm 'bar khŭl adrĕch 'nâu.

Jang 11:10

Pêng 'măng inh kơtơ̆ng nơ̆r đơ̆ng plĕnh pơma thoi noh. Đơ̆ng rŏng kơ noh che 'noh tŏk dơ̆ng tơ plĕnh.