Jo 22:34 - Sơ̆p Hlabơar Nơ̆r 'Bok Kei-Dei

³⁴ Balaam tơl Linh jang Kră Yang khan: Inh pơm glăi boih, ưh kơ băt kơ ih dơ̆ng 'bơ̆t trong găn inh, na dang ei, tơdah ih ưh kơ wă kơ inh năm, inh wih brŏk.

Jo 22:34 Referans Kwoze

II Sam 12:13

Đawit khan kơ Nathan: “Inh pơm yoch boih hăm Kră Yang.” Nathan tơl: “Mă-lei Kră Yang sŭt boih tơdrong yoch ih, ih huay kơ lôch ôh.

I Sam 15:24

Sôl chu iŏk nơ̆r Samuel khan: Inh đei pơm yoch boih ưh kơ wă chu nơ̆r Kră Yang tơtă păng đơ̆ng nơ̆r ih bơtho khan. Inh hli kơ lu kon pơlei na mơ̆ng pơm kiơ̆ nơ̆r lu sư.

I Sam 26:21

Sôl tơl: Inh đei tơdrong yoch tơpă Ơ Đawit, kon inh, wih brŏk bĕ! Inh ưh pă wă pơrăm kon dơ̆ng, yua kơ năr 'nâu, kon lăng gĭt kơ tơdrong arih inh. Tơpă, inh hlôi pơm boih thoi bơngai wơnh, pơm glăi tih dêh.

I Sam 15:30

Sôl apinh lung: Inh đei yoch; mă-lei apinh ih pơyom kơ inh 'bơ̆t anăp lu đe kră wei-lăng kon pơlei inh păng 'bơ̆t anăp lu bơngai Isơrael; apinh ih wih jơ̆ inh dơ̆ng na inh gô kơkuh kơ Kră Yang 'Bok Kei-Dei ih.

Tơdrông Pơđơk 24:18

Kơnh Kră Yang 'bôh tơdrong noh Sư ưh kơ lăp đon. Na ưh pă hil kơ sư.

Horiso 78:34

Kơplah Kră Yang pơlôch lu sư, lu sư krao apinh Kră Yang. Tơbral chơchă krao apinh Kră Yang 'Bok Kei-Dei.

I Ho 21:7

Nơ̆r tơtă âu jơ̆ minh nơ̆r tơtă kơnê̆ dêh 'bơ̆t anăp Kră Yang 'Bok Kei-Dei na sư phak pơmat lu bơngai Isơrael.

I Sam 24:17

Sôl khan kơ Đawit: Kon pơm tơpăt hloh kơ 'bă, yua kơ iŏk tơdrong 'lơ̆ng, na pơm 'mong tơdrong kơnê̆ 'bă hlôi pơm ăn kơ kon.

Jo 22:12

Kră Yang 'Bok Kei-Dei khan kơ Balaam thoi âu: “Ih 'nĕ kơ năm hơdai lu sư, 'nĕ kơ hiap khŭl kon pơlei 'nâu yua kơ adrĕch kon pơlei 'nâu lu sư đei tơdrong pŭn hiôk.”

Jo 14:40

Lu kon pơlei iung đơ̆ng hrôih tŏk năm tơ kơpal kông păng khan: Lu nhôn 'nâu gô năm tŏk truh tơ char Kră Yang mă đei pơkă boih, yua kơ lu nhôn pơm yoch boih.

Jo 11:1

Kon pơlei pơma jŏk, kơ tơdrong pơmat-tat anat anot. Kră Yang kơtơ̆ng tơdrong noh, Kră Yang hil mĭl, ŭnh đơ̆ng Kră Yang soh sa khơ̆ng lăm kon pơlei păng ŭnh sa đơ̆ng jih kơđông.

Le 9:27

Pharaôn wơh đe krao hloi Môis păng Arôn khan: Wơ̆t 'nâu inh yoch boih; Kră Yang jơ̆ Tơ'ngla 'lơ̆ng tơpăt; inh păng kon pơlei inh yoch tơpă.

Jo 22:33

Thoi noh, aseh sư 'bôh inh na weh đơ̆ng anăp inh pêng wơ̆t kơ 'nâu, tơdah sư ưh kơ weh trong nai đơ̆ng anăp inh lei inh pơlôch ih boih, na lê̆ sư arih.