Jo 22:31 - Sơ̆p Hlabơar Nơ̆r 'Bok Kei-Dei

³¹ Kră Yang pơih măt Balaam, na Balaam 'bôh Linh jang Kră Yang dơ̆ng tŏk-bŏk trong ti sư chĕp minh hlak đao gưm. Balaam kŭp kơ̆l drap tơ teh.

Jo 22:31 Referans Kwoze

Bl 21:19

Đơ̆ng noh Kră Yang 'Bok Kei-Dei tơ'bôh hloi kơ sư tơ noh đei đak sơlŭng. Sư năm sŏ 'bĕnh kơ get akar na ăn kơ kon sư nhă.

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

Luka 24:31

Na 'bơ̆t ei bre sư 'nao kơnăl kơnăi kơ Yêsu. Lăp kơnăl na jua pă 'bôh hloi.

Luka 24:16

Mă-lei bre sư ưh kơ kơnăl kơ Yêsu ôh.

Yo 18:6

Truh Yêsu khan: “Inh boih,” na lu sư kơdŭn tơ rŏng, pơ̆k tơ teh.

Horiso 9:20

Ơ Kră Yang, pơm bĕ kơ lu sư hli, Ăn kơ kon bơngai băt, sư jing bơngai hmă đĕch. Sêla

I Ho 21:16

Đawit lăng 'bôh linh jang 'lơ̆ng Kră Yang dơ̆ng tŏk-bŏk teh hăm plĕnh. Ti sư chĕp đao yơ̆r tơ gah pơlei Jêrusalem. Kơplah noh Đawit hăm kră pơlei hrŭk 'bi sơtơ̆p kŭl-tăng kŭp muh măt tơ teh.

Jo 24:16

Nơ̆r hơri khan lê̆ adrol đơ̆ng bơngai mă kơtơ̆ng nơ̆r Kră Yang 'Bok Kei-Dei pơma, Băt hlôh tơdrong gơh hơgei Kră Yang Tih Hloh, Lăng 'bôh tơdrong tơ'bôh đơ̆ng Kră Yang Mơsêh Mơyang. Drap bon tơ teh na măt sư lar 'bôh hơdah boih.

Jo 24:4

nơ̆r hơri đơ̆ng bơngai mă sư kơtơ̆ng nơ̆r Kră Yang 'Bok Kei-Dei boih, Bơngai mă 'bôh tơdrong tơ'bôh đơ̆ng Kră Yang mơsêh mơyang sư bon drap kơkuh păng măt sư lar boih.

Le 34:8

Môis hăt hot kŭp kơ̆l tơ teh kơkuh pơyom.

Jo 22:30

Aseh tơl Balaam khan: Inh hăm trŏ kơ aseh ih mă ih juăt kơ yua hao rim năr dĭng truh năr 'nâu? Inh hăm ngăl lah kơ pơm thoi âu? Balaam tơl: Ưh.

Jôsuê 5:13

Kơplah Jôsuê năm jê̆ pơlei Jêrikô, wă sư ngơk lăng, blư 'bôh hloi minh 'nu bơngai chĕp đao dơ̆ng tơklă 'bơ̆t anăp sư, Jôsuê năm tơ sư păng jet: Ih bơngai gah nhôn dah gah bơngai ayăt kơ nhôn?

Jôsuê 5:14

Sư tơl: Ưh, Inh Yŏng Linh Kră Yang. Jôsuê drap tơ teh kŭp kơ̆l kơkuh: Jet “Kră Yang athei đĭch đam Ih 'nâu pơm kiơ?”