Jo 21:34 - Sơ̆p Hlabơar Nơ̆r 'Bok Kei-Dei

³⁴ Mă-lei Kră Yang khan kơ Môis, 'nĕ hli kơ sư ôh, yua kơ Inh jao tơring sư hăm kon pơlei sư tơ lăm ti ih boih; pơm bĕ kơ lu sư thoi ih pơm kơ Sihôn pơtao Amôrit, bơngai mă lăm pơlei Hesbôn.

Jo 21:34 Referans Kwoze

Jôsuê 8:7

lu iĕm lĕch đơ̆ng anih iĕm răp iung kơdâu năm mơ̆t blah iŏk pơlei; Kră Yang 'Bok Kei-Dei lu bơ̆n gô ăn pơlei noh tơ lăm tơpang ti lu bơ̆n.

Êsai 41:13

Yua kơ Inh bơih Kră Yang 'Bok Kei-Dei lu iĕm: Tơ'ngla rôp ti 'ma lu iĕm, păng khan kơ lu iĕm, 'nĕ kơ hli ôh Inh gô tơgŭm lu iĕm;

II Pot 3:18

Mă-lei Kră Yang lăng tơdrong noh iĕ đĕch. Sư gô jao hloi lu bơngai Môap lăm tơpang ti lu iĕm.

I Pot 20:28

Đei minh 'nu bơngai Kră Yang 'Bok Kei-Dei yua năm jê̆ pơtao Isơrael păng khan: “Kră Yang khan: Yua kơ kon pơlei Siri khan kơ Kră Yang noh yang kông, ưh kơ trŏ kơ yang thŭng dơnă ôh. Thoi noh na inh gô pơjao lu linh lơlap 'nâu lăm tơpang ti ih păng iĕm gô băt Inh bơih Kră Yang.”

I Pot 20:13

Đei minh 'nu bơngai khan lê̆ adrol năm tơ'bơ̆p Ahap, pơtao đe Isơrael păng khan: “Kră Yang khan: ‘Ih hăm 'bôh ưh minh khŭl linh lơlap 'nâu? Năr 'nâu Inh gô pơjao lu sư lăm tơpang ti ih, wă kơ ih băt Inh bơih Kră Yang.’ ”

II Sam 5:19

Đawit krao apinh Kră Yang: “Inh hăm gơh năm blah bơngai Philistin ưh? Ih hăm jao lu sư lăm tơpang ti inh?” Kră Yang tơl: Năm bĕ yua kơ Inh jao boih lu sư lăm tơpang ti ih.

I Sam 23:4

Đawit krao apinh dơ̆ng Kră Yang; Kră Yang tơl sư: Iung bĕ, jur năm tơ Kêila; Inh gô jao kon pơlei bơngai Philistin lăm tơpang ti ih.

Lu 11:30

Jeptha krao apinh pơkă hăm Kră Yang, khan: Tơdah Ih pơjao lu kon pơlei Ammôn lăm tơpang ti inh,

Jôsuê 10:25

Jôsuê khan kơ lu sư, athei chơ̆n jơhngơ̆m nuih pran. 'Nâu boih Kră Yang wă pơm kơ đĭ-đăng bơngai ayăt kơ lu iĕm, mă lu iĕm wă blah.

Jôsuê 10:8

Kră Yang khan kơ Jôsuê: 'Nĕ kơ hli kơ lu sư, yua kơ Inh jao ăn boih lu sư lăm tơpang ti ih, ưh kơ đei bu kĕ tơblah hăm ih ôh.

Both 31:6

Athei nuih pran kơtang bĕ. 'Nĕ kơ hli tơrơ krưp dêh 'bơ̆t anăp lu kon pơlei noh yua kơ Kră Yang 'Bok Kei-Dei iĕm kư̆m gô năm hơdai hăm iĕm; Sư ưh kơ đei layơ achăng lê̆ iĕm kư̆m ưh kơ weh ataih đơ̆ng iĕm.

Both 20:3

Na sư khan: Ơ lu bơngai Isơrael mơ̆ng bĕ! Năr âu lu bơ̆n gô năm tơblah hăm lu bơngai ayăt lu iĕm 'nĕ rơdu lêl 'nĕ kơ hli, 'nĕ kơ tơrơ, 'nĕ kơ lăng krưp.

Both 7:24

Sư gô pơjao lu pơtao lăm tơpang ti iĕm, na iĕm gô sŭt đĭ anăn lu sư đơ̆ng ala teh âu; ưh kơ đei bơngai bu kĕ dơ̆ng 'bơ̆t anăp iĕm, dĭng truh tơ iĕm pơlôch đĭ lu sư.

Both 3:11

Gah adrĕch Rêphaim oei đei minh 'nu Ôka arih pơtao char Basan, giơng sư pơm păng mam tor giơng tơsĭn hơgăt, wơ̆l giơng puăn hơgăt. Oei đei tơ Raba pơlei tih kon sâu Ammôn,

Jo 14:9

Lăp kơ bơ̆n 'nĕ kơ hil blah Kră Yang; păng kư̆m 'nĕ kơ hli kơ lu kon pơlei lăm char noh, yua kơ lu sư jing thoi tơmam sa bơ̆n boih, ưh pă đei bu tơgŭm lu sư kĕ blah bơ̆n dơ̆ng păng 'nĕ pă hli Kră Yang oei gah bơ̆n.

Jo 32:4

Pơlei tơring mă Kră Yang ăn tơblah jei 'bơ̆t anăp lu tơpôl akŭm adrĕch Isơrael, noh jơ̆ minh tơring 'lơ̆ng trŏ kơ wei rong sem dơrong păng lu đĭch đam ih đei sem dơrong lơ.

Both 2:30

Mă-lei Sihôn, pơtao Hesbôn, ưh kơ ăn kơ lu nhôn yak năm rok teh đak lu sư ôh; yua kơ Kră Yang 'Bok Kei-Dei pơm jơhngơ̆m kơ̆l pơtao arăng, wă jao sư lăm tơpang ti nhôn, kư̆m thoi năr 'nâu.

Both 3:1

Kơplah noh lu bơ̆n wơ̆t hơlơ̆k rok trong char Basan păng Ôk pơtao char Basan iung blah bơ̆n, sư păng đĭ-đăng lu kon pơlei sư wă tơblah lu bơ̆n tơ Êdrei.

Both 7:17

Lu iĕm 'nĕ kơ khan lăm jơhngơ̆m iĕm: Lu adrĕch 'nâu lơ pran hloh kơ bơ̆n, liơ bơ̆n gơh kĕ puh tơweh lê̆ lu sư?

Both 7:18

'Nĕ kơ hli kơ lu sư, mă-lei iĕm athei 'blŏk dôm tơdrong kiơ, mă Kră Yang 'Bok Kei-Dei iĕm đei pơm boih kơ Pharaôn păng đĭ dêh Êyiptơ.

Both 7:21

'Nĕ hli tơrơ kơ lu sư; yua kơ Kră Yang 'Bok Kei-Dei iĕm oei hơdai iĕm, noh jơ̆ Kră Yang 'Bok Kei-Dei mă pran kơtang hloh păng trŏ kơ hli.