Jo 16:29 - Sơ̆p Hlabơar Nơ̆r 'Bok Kei-Dei

²⁹ tơdah lu đe noh lôch kư̆m thoi lu bơngai nai lôch, tơdah lu sư kư̆m chu pŭ thoi lu bơngai nai pŭ, lei Kră Yang ưh kơ đei wơh athei inh.

Jo 16:29 Referans Kwoze

Nhom 4:22

Ơ kon adruh Siôn, tơdrong phak yoch e truh boih, Kră Yang huay kơ puh e pơm bơnă dơ̆ng. Ơ kon adruh Eđôm, Kră Yang gô phak yoch e; gô tơ'bôh tơdrong kơnê̆ e!

I Pot 22:28

Mikai tơl: “Tơdah ih brŏk hiôk-hian lei Kră Yang ưh kơ yua nơ̆r inh pơma ôh.” Sư khan dơ̆ng: “Ơ rim 'nu kon pơlei pơla, iĕm athei 'blŏk nơ̆r inh pơma.”

Je 5:9

Kră Yang khan: “Lei na Inh ưh kơ hil kơ lu sư yua kơ tơdrong noh hă? Hăm adrĕch adrung thoi noh na Inh wă ưh kơ pơm tơdrong tơpăt hă?

Êsai 10:3

Lăm năr sek tơlang, Kơplah đei tơdrong kơnê̆ truh đơ̆ng ataih lu iĕm gô pơm kiơ? Lu iĕm kơdâu tơ bu mă lu iĕm wă gơnang dŏng tơgŭm? Lu iĕm wă 'măn mŭk tơmam iĕm tơ yơ?

Bôk Bơthô 3:19

Yua kơ tơdrong kon bơngai đei thoi yơ, kon sem brem đei thoi noh mơ̆n; kon bơngai lôch, kon sem brem kư̆m lôch; 'bar khŭl noh tă kơ dui jơhngơ̆m ngăl, kon bơngai ưh kơ đei kiơ hloh kơ kon sem brem; đĭ-đăng tă kơ tơdrong kơđei ngăl.

Jop 35:15

Dang ei, yua kơ Sư ưh kơ sek tơlang kiơ̆ kơ tơdrong blĕk ôh. Ưh pă đei hiơ̆k bơih mă tơdrong yoch lơ,

II Ho 18:27

Mikaia khan: “Tơdah pơtao wih brŏk hiôk-hian, lei Kră Yang ưh kơ đei wă yua inh khan.” Sư khan dơ̆ng: “Ơ kon pơlei, đĭ-đăng iĕm mơ̆ng nơ̆r inh.”

Le 32:34

Dang ei năm bĕ chông lu kon pơlei pơla năm tơ anih mă Inh đei khan bơih kơ ih. Âu, linh jang 'lơ̆ng Inh gô năm adrol kơ ih. Mă-lei năr ayơ Inh tơiung kơting, lei Inh gô phak lu sư yua kơ tơdrong yoch lu sư pơm bơih.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Tơdrông Tơ'bôh 11:5

Tơ̆ng bơngai bu wă pơrăm bre sư, bre sư tơlĕch ŭnh đơ̆ng 'bơ̆r bre sư, na ŭnh noh sa hloi bơngai mă wă pơrăm bre sư noh. Thoi noh tơ̆ng bu wă pơrăm bre sư, bơngai noh sư 'maih chă tơdrong lôch.

I Pot 18:36

Gah kơsơ̆, truh jơ pơyơ̆r tơmam soi, Êli bơngai khan lê̆ adrol năm dơ̆ng jê̆ chơnang soi 'noh păng krao khan: “Ơ Kră Yang, 'Bok Kei-Dei Abraham, Isăk păng Isơrael, năr 'nâu apinh ih ăn kơ đe băt Ih boih Kră Yang 'Bok Kei-Dei lăm khŭl bơngai Isơrael. Inh đĭch đam Ih, chu nơ̆r Ih pơm kiơ̆ tôm tơdrong Ih bơtho akhan.