Jo 15:20 - Sơ̆p Hlabơar Nơ̆r 'Bok Kei-Dei

²⁰ Iĕm iŏk minh tơpei 'bĕng wă pơm tơmam soi, wă khan đơ̆ng tơpŭng blŭng-a iĕm tam mă bơlŭ hrâu; lu iĕm pơyơ̆r lei-lăi thoi tơmam soi đơ̆ng anih đe preh 'ba noh mơ̆n.

Jo 15:20 Referans Kwoze

Lêwi 2:14

Tơdah ih wă pơyơ̆r tơmam soi hăm tơpŭng plei 'long, phe 'ba blŭng-a lăm bơyan ăn kơ Kră Yang athei iŏk hơie 'ba oei adrih peh pơhĕch păng hơdrĕng lê̆ sư.

Le 34:26

Ih athei chĕp ba tơ hnam Kră Yang 'Bok Kei-Dei plei blŭng-a đơ̆ng mir ih. Ih 'nĕ kơ pai 'nhĕm bơbe kon lăm đak toh mĕ sư ôh.

Êsêkiên 44:30

Lu plei 'long blŭng-a 'lơ̆ng hloh lăm tôm tơmam, lăm đĭ-đăng tơmam soi mă lu sư pơyơ̆r, noh gah lu 'bok soi ngăl. Lu iĕm kư̆m pơyơ̆r ăn kơ lu 'bok soi tơpŭng bơlah blŭng-a mă 'lơ̆ng hloh; wă kơ đei tơdrong pŭn hiôk pơdơh tơ hnam lu iĕm.

Ne 10:37

Lu nhôn pơkă chĕp ba tơpŭng 'ba hle lu nhôn, dôm lu tơmam plei 'long, sik hơmu 'nao păng đak rơmă ôliwơ, na pơjao ăn kơ 'bok soi tah lăm hnam mong hnam akŭm 'Bok Kei-Dei lu nhôn; gah minh lăm mơjĭt lu nhôn chĕp ba ăn kơ bơngai Lêwi; yua kơ lu bơngai Lêwi boih gơh iŏk tơmam noh đơ̆ng kon pơlei pơla lăm đĭ pơlei iĕ lu nhôn.

Lêwi 23:10

Khan bĕ kơ kon pơlei Isơrael: Tơdah lu iĕm mơ̆t tơ lăm char mă Inh ăn kơ lu iĕm păng lu iĕm đei kĕch yuă, bơyan 'ba tơ noh, iĕm athei năm ba minh hơchô̆ ba plei blŭng-a ăn kơ 'bok soi.

Le 23:19

Dôm lu plei bơyan blŭng-a đơ̆ng teh, athei năm ba tơ hnam Kră Yang 'Bok Kei-Dei iĕm, iĕm 'nĕ kơ pai hơbĭ bơbe triu kon lăm đak toh mĕ sư.

Tơdrông Tơ'bôh 14:4

Lu sư bơngai rơgoh 'lơ̆ng ngăl ưh kơ đei kiơ̆ lu bơngai ưh kơ lui pơm yoch ôh. Lu sư thoi bơngai drŏ-nglo mă ưh kơ pơ̆n ngôi jê̆ bơngai drŏ-kăn, thoi bơngai drŏ-kăn mă ưh kơ pơ̆n ngôi jê̆ hăm bơngai drŏ-nglo. Kon Triu 'Bok Kei-Dei năm tơ yơ lu sư kiơ̆ tơ noh, yua kơ 'Bok Kei-Dei huai iŏk lu sư đơ̆ng khŭl kon bơngai, na lu sư dang tơmam đe pơyơ̆r ăn kơ 'Bok Kei-Dei păng pơyơ̆r ăn kơ Kon Triu.

Ya 1:18

'Bok Kei-Dei ăn kơ bơ̆n jing bơngai 'nao Sư wă kơdih đĕch, na Sư ăn kơ bơ̆n kơtơ̆ng tơdrong Sư, lu bơ̆n jing thoi 'ba hrôih kơ lu bơngai nai yua kơ bơ̆n lui hơdrol.

I Kor 15:20

Mă tơpă 'Bok Kei-Dei tơiung arih Yêsu Krist boih, thoi noh bơ̆n băt 'Bok Kei-Dei kư̆m wă tơiung arih lu bơ̆n mơ̆n. Pơtih gia, Yêsu Krist thoi lĕ 'ba hrôih kơ lu bơngai mă lôch boih.

Rom 11:16

Âu inh wă pơma kơ iĕm gah tơdrong đe pơyơ̆r kơ 'Bok Kei-Dei 'ba hrôih. Sư ăn pơgia lăp tŏ sĕt đĕch mă-lei dang sư ăn đĭ kơ 'ba sư mơ̆n. Bơ̆n 'bôh tơm 'long ayơ 'lơ̆ng, đĭ kơ dơng sư kư̆m 'lơ̆ng mơ̆n. Lu bơngai Isơrael kư̆m thoi noh, sơ̆ 'bok kơdră lu sư pơyơ̆r ăn akâu sư kơ 'Bok Kei-Dei, noh kư̆m dang sư pơyơ̆r đĭ lu kon sâu sư mơ̆n; tơm sư ăn kơ 'Bok Kei-Dei boih, wĕch kư̆m thoi noh.

Mathiơ 6:33

Thoi noh na iĕm athei ăn kơ Sư pơgơ̆r iĕm, hăm adrin pơm 'lơ̆ng thoi Sư wă, noh kăl hloh kơ dôm tơdrong nai; pơm thoi noh na Sư gô ăn kơ iĕm tôm tơmam iĕm kăl yua.

Both 14:22

Lu iĕm 'nĕ kơ hiơt kơ pơyơ̆r minh lăm mơjĭt gah tơmam bơ̆n đêl rei bơih, mă đơ̆ng lăm mir chŭn bơ̆n đei lăm rim sơnăm.

Jo 18:12

Inh kư̆m đei ăn kơ ih dôm tơmam bơngai Isơrael pơyơ̆r plei blŭng-a kơ Kră Yang, đĭ-đăng pơyơ̆r tơmam blŭng-a, sik hơmu păng 'ba tơ'bâu iŏk lu 'lơ̆ng hloh.

Lêwi 23:20

'Bok soi gô iŏk tơmam soi noh hơdai hăm 'bar tŏ 'bĕng pơm păng 'ba blŭng-a lăm bơyan hơdai hăm 'bar tŏ kon triu na pơyơ̆r ba 'ma 'ngiĕo 'bơ̆t anăp Kră Yang, lu tơmam noh athei 'măn lê̆ rơgoh pha ăn kơ Kră Yang păng gô ăn kơ 'bok soi.

Jo 15:21

Đơ̆ng jơhnơr âu truh tơ jơhnơr ning-mônh, lu iĕm athei pơyơ̆r yơ̆r ti tơpơng ăn kơ Kră Yang tơmam soi gah tơpŭng phe 'ba blŭng-a lu iĕm kĕch yuă.

Both 14:23

Lu iĕm gơh sa tơmam pơyơ̆r minh lăm mơjĭt noh lu phe 'ba, sik hơmu, đak rơmă, plei 'long ôliwơ păng lu kon gơgơ̆l rơmo kơdră dah triu 'bơ̆t anăp Kră Yang 'Bok Kei-Dei iĕm, lăm anih Sư gô rơih iŏk wă 'măn Anăn Sư wă kơ iĕm pơhrăm iŏk băt hli yom kơ Kră Yang 'Bok Kei-Dei iĕm ling-lang.

Both 16:13

Iĕm kĕch yuă iŏk 'ba păng phĕ plei hơmu đang boih, iĕm athei pơm giĕng Bơsŭn lăm tơpơh năr.

Lêwi 2:12

Lu iĕm gơh pơyơ̆r tơmam soi noh ăn kơ Kră Yang thoi tơmam soi pơyơ̆r plei blŭng-a. Mă-lei iĕm 'nĕ kơ 'buh tơ ŭnh tơ kơpal chơnang soi thoi tơmam soi đei 'bâu phu.