Jo 14:9 - Sơ̆p Hlabơar Nơ̆r 'Bok Kei-Dei

⁹ Lăp kơ bơ̆n 'nĕ kơ hil blah Kră Yang; păng kư̆m 'nĕ kơ hli kơ lu kon pơlei lăm char noh, yua kơ lu sư jing thoi tơmam sa bơ̆n boih, ưh pă đei bu tơgŭm lu sư kĕ blah bơ̆n dơ̆ng păng 'nĕ pă hli Kră Yang oei gah bơ̆n.

Jo 14:9 Referans Kwoze

Both 7:18

'Nĕ kơ hli kơ lu sư, mă-lei iĕm athei 'blŏk dôm tơdrong kiơ, mă Kră Yang 'Bok Kei-Dei iĕm đei pơm boih kơ Pharaôn păng đĭ dêh Êyiptơ.

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

Both 31:6

Athei nuih pran kơtang bĕ. 'Nĕ kơ hli tơrơ krưp dêh 'bơ̆t anăp lu kon pơlei noh yua kơ Kră Yang 'Bok Kei-Dei iĕm kư̆m gô năm hơdai hăm iĕm; Sư ưh kơ đei layơ achăng lê̆ iĕm kư̆m ưh kơ weh ataih đơ̆ng iĕm.

Horiso 74:14

Kră Yang Ih pơjuă pơhĕch lê̆ kơ̆l Lêwiathan; Pơm kơ sư jing tơmam sa kơ lu bơngai mă oei tơ char 'blach.

II Ho 32:8

Oei hăm lu sư noh kon bơngai hmă đĕch; bĕ gah bơ̆n đei Kră Yang 'Bok Kei-Dei lu bơ̆n wă tơgŭm păng tơblah tang lu bơ̆n.” Kon pơlei đei jơhngơ̆m nuih đơ̆ng nơ̆r Hesekia pơtao Juđa.

II Ho 20:17

Lu iĕm huay kơ kăl kơ tơblah; săp bĕ, lu linh oei hreh tơ noh, na lăng tơdrong Kră Yang, Tơ'ngla oei hơdai iĕm gô dŏng pơklaih iĕm. Ơ bơngai Juđa păng kon pơlei Jêrusalem 'nĕ kơ hli 'nĕ kơ tơrơ. Dơning năm tơ'bơ̆p lu sư bĕ! Kră Yang oei hơdai iĕm.”

Both 31:8

Kră Yang boih gô năm adrol kơ ih, Sư gô oei hơdai hăm ih păng Sư ưh kơ achăng lê̆ ih, kư̆m ưh kơ weh ataih đơ̆ng ih. Ih 'nĕ kơ hli păng 'nĕ kơ rơdu jơhngơ̆m.

Jo 24:8

Kră Yang 'Bok Kei-Dei chông tơlĕch sư đơ̆ng dêh Êyiptơ, jơhngơ̆m lu sư pran kơtang thoi rơmo bri. Luăn sa lu dêh char nai, wă khan lu ayăt kơ sư. Gơ̆ pơchah lê̆ kơting lu sư, 'bet lu sư hăm 'brơ̆m hră,

Jôsuê 1:5

Đĭ lăm chăl arih ih, ưh kơ đei bu kĕ blah ih, Inh gô oei hơdai hăm ih thoi Inh oei hơdai hăm Môis, Inh ưh kơ achăng ih păng ưh kơ lê̆ ih ôh.

Horiso 121:5

Kră Yang Tơ'ngla wei-lăng ih. Kră Yang yơ̆p pơyơ̆l kơ ti 'ma ih.

Horiso 14:4

Hăm trŏ kơ đĭ-đăng lu bơngai pơm kơnê̆, ưh kơ đei đon băt? Na lu sư luăn sa kon pơlei Inh nhen thoi sa 'bĕng. Păng kư̆m ưh kơ đei apinh Kră Yang ôh.

Both 9:7

Iĕm athei 'blŏk, 'nĕ kơ hiơt lu iĕm hlôi tơblĕk Kră Yang 'Bok Kei-Dei tơ lăm char glă, đơ̆ng năr iĕm lĕch hlôi kơ dêh Êyiptơ truh tơ năr 'nâu, iĕm ling-lang blah pơm plơ̆ kơ Kră Yang.

Both 1:26

Mă-lei lu iĕm ưh kơ wă năm ôh păng sơngah kơ nơ̆r đơ̆ng Kră Yang 'Bok Kei-Dei lu iĕm tơtă.

Da 9:9

Kră Yang 'Bok Kei-Dei Ih đei tơdrong mơnat ăn păng huay kơ jô̆ yo, Ih Kră Yang 'Bok Kei-Dei lu nhôn; mă khan lu nhôn ưh kơ chu Ih.

Both 32:42

Inh gô ăn 'brơ̆m hră Inh huch pham; dĭng thoi et sik suai, Đao gưm Inh gô sa sĕch, Pham lu bơngai bơnă đe koh pơlôch. Chơ̆ng kơ̆l lu yŏng ayăt.

Both 7:21

'Nĕ hli tơrơ kơ lu sư; yua kơ Kră Yang 'Bok Kei-Dei iĕm oei hơdai iĕm, noh jơ̆ Kră Yang 'Bok Kei-Dei mă pran kơtang hloh păng trŏ kơ hli.

Both 1:21

To, Kră Yang 'Bok Kei-Dei ih pơjao boih dêh âu kơ ih; năm tŏk bĕ, iŏk dêh noh, kiơ̆ thoi Kră Yang 'Bok Kei-Dei 'bok iĕm đei khan boih kơ lu iĕm; 'nĕ kơ rơdu 'nĕ kơ hli.

Philip 1:27

Mă-lei iĕm athei lui mă kơjăp, pơm kiơ̆ mă 'blep trŏ thoi tơdrong Yêsu Krist. Thoi noh na mă inh gơh năm tơ iĕm, mă ưh, inh gô kơtơ̆ng tơdrong iĕm lui kơjăp pơgơ̆p băl minh jơhngơ̆m minh đon jang tơdrong Yêsu Krist na jơhngơ̆m inh hiôk.

Mathiơ 1:23

“Đei minh 'nu adruh gô anăp wă tơpŭ kon drŏ-nglo, Đe anăn kon Sư noh Êmanuel,” Êmanuel wă khan: 'Bok Kei-Dei oei hơdai hăm bơ̆n.

Je 48:45

Lu bơngai kơdâu klĕnh lap rơmơ̆n lu sư ôn pơdơh lăm yơ̆p pơlei Hesbôn; ưh pă đei bu gơh tơgŭm yua kơ đei ŭnh sa lĕch đơ̆ng pơlei Hesbôn, pla ŭnh đơ̆ng hnam pơtao Sihôn; ŭnh noh soh pơrăm đĭ char Môap, păng sa kơting kơ̆l lu bơngai jreo tơkĕch kơ chu, pơang dih kâu.

Êsai 63:10

Mă-lei lu sư oei ayăt plơ̆, păng pơm ăn kơ Yang Bơhngol 'Lơ̆ng Kră Yang sơ'ngon. Na Kră Yang jing ayăt hăm lu sư; Kră Yang kơdih tơblah hăm lu sư.

Êsai 41:14

Ơ adrĕch Jakôp thoi hơdrông, ơ lu kon pơlei Isơrael, 'nĕ kơ hli kơ kiơ, Inh gô tơgŭm iĕm, Kră Yang pơma thoi noh, Tơ'ngla 'Lơ̆ng tơpăt đe Isơrael păng Tơ'ngla huai iŏk lu iĕm.

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 32:2

Rim 'nu bơngai nhen thoi anih kơ'nơp kơ kial, thoi anih pĕng kơ hơbŭt, nhen glung đak ro lăm anih hrĕng kro, nhen thoi yơ̆p tơmo tih lăm teh đak kro krĕnh.

Êsai 1:2

Ơ lu tăl plĕnh mơ̆ng bĕ! Ơ teh pơgling đon mơ̆ng bĕ, yua kơ Kră Yang pơma khan: “Inh wei rong lu kon hơ'lơ̆p Inh, dĭng truh kơ 'lŏ mă-lei lu sư plơ̆ blah Inh.

Horiso 91:1

Bơngai bu oei lăm anih hlơp Kră Yang mă Tih Hloh. Gô oei lăm yơ̆p Tơ'ngla mơsêh mơyang.

Horiso 46:11

Kră Yang Tih Hloh oei hăm lu nhôn, Kră Yang 'Bok Kei-Dei Jakôp jơ̆ anih lu nhôn kơ'nơp. Sêla

Horiso 46:7

Kră Yang Tih Hloh oei hơdai lu nhôn. Kră Yang 'Bok Kei-Dei Jakôp jơ̆ anih mă lu nhôn kơ'nơp. Sêla

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

II Ho 13:12

Kră Yang 'Bok Kei-Dei oei hơdai nhôn, pơgơ̆r lu nhôn, lu 'bok soi Kră Yang chĕp keng hlôm re wă lĕch tơblah hăm lu iĕm. Ơ lu kon sâu Isơrael! 'Nĕ kơ tơblah hăm Kră Yang 'Bok Kei-Dei lu 'bok yă iĕm, ưh kơ kĕ jei iĕm ôh”

Lu 1:22

Na adrĕch adrung Jôsep kư̆m tŏk blah pơlei Bethel păng Kră Yang oei hơdai lu sư.

Le 33:16

Lei liơ đe gơh băt kơnăl kơ inh hăm lu kon pơlei pơla Ih? Đei tơdrong mơnat 'bơ̆t anăp Ih, Dah Ih ưh kơ năm hơdai hăm nhôn? Mưh Ih năm hơdai inh hăm kon pơlei pơla Ih âu phara kơ kon pơlei pơla nai oei lăm teh đak âu?

Bl 48:21

Jakôp khan kơ Jôsep thoi âu: 'Nâu, 'bă wă jê̆ lôch, mă-lei Kră Yang 'Bok Kei-Dei gô tơgŭm dŏng lu đe kon wih brŏk tơ dêh char 'bok yă.

Da 9:5

Lu nhôn pơm yoch boih, pơm tơdrong ưh kơ trŏ, oei arih sa kơnê̆, lu nhôn ưh kơ chu păng achăng lê̆ tơdrong juăt păng nơ̆r Ih tơtă.

Both 1:29

Na inh khan kơ lu iĕm: Lu iĕm 'nĕ kơ hli tơrơ kơ kiơ.

Ne 4:14

Inh iung chă lăng păng pơma dơnuh hăm lu bơngai mơdrŏng, lu bơngai pơm kuan tih păng lu kon pơlei thoi âu: 'Nĕ kơ hli kơ lu sư; athei 'blŏk kơ Kră Yang Tih Hloh păng trŏ kơ pơyom kơkuh, adrin tơblah dŏng lu 'nhŏng oh, dŏng kon tơdăm kon adruh lu bơ̆n, dŏng akăn păng hnam dơnŏ lu bơ̆n.

Je 1:19

Lu sư gô tơblah hăm ih; mă-lei lu sư ưh kơ kĕ kơ ih ôh, yua kơ Inh oei hơdai ih, dŏng pơklaih ih, Kră Yang khan.a

Je 42:11

'Nĕ kơ hli kơ pơtao Babilôn, bơngai mă lu iĕm oei hli.’ ” Kră Yang khan: “'Nĕ pă hli dơ̆ng, yua kơ Inh oei hơdai iĕm gô dŏng pơklaih iĕm đơ̆ng ti sư.

Le 14:13

Môis drơ̆ng kon pơlei khan: 'Nĕ kơ hli ôh, oei mă kơjăp bĕ, na lăng lu iĕm gô 'bôh tơdrong dŏng pơklaih đơ̆ng Kră Yang năr âu, lu bơngai Êyiptơ mă lu iĕm 'bôh lu sư năr 'nâu, lu iĕm ưh pă đei layơ wă 'bôh lu sư dơ̆ng.

Jo 13:30

Kalep pơm ăn kơ lu kon pơlei oei hreh 'bơ̆t anăp Môis, na sư khan: Lu bơ̆n athei năm tŏk blah iŏk oei hloi lăm char noh, gô jei lu bơ̆n.

Jo 17:6

Môis khan kơ kon pơlei Isơrael, hăm đĭ-đăng lu yŏng kơdră, kiơ̆ kơ rim adrĕch sư kơdih, năm ba 'long jra, wă khan mơjĭt-'bar tŏ 'long jra, 'long jra Arôn dan tŏk-bŏk lu 'long jra noh.

Jo 20:2

Kơplah noh, đak nhă ưh kơ đei kơ lu bơngai akŭm wă nhă; lu sư iung pơma kơ Môis păng Arôn.

Jôsuê 14:12

Hrei âu ăn bĕ kơ inh teh kông groi âu, mă Kră Yang pơkă boih wă ăn kơ inh lăm năr noh sơ̆, ih kư̆m kơtơ̆ng băt boih năr noh sơ̆ đei kon pơlei Anakim oei tơ noh păng đei pơlei tih să kơjăp, mă-lei đei Kră Yang tơgŭm inh, na inh gô pơpuh lu sư, kiơ̆ thoi Kră Yang khan boih.

Horiso 46:8

Lăng bĕ dôm tơdrong jang Kră Yang. Tơdrong sư pơrăm, boih tơ teh đak âu?

Horiso 106:24

Lu sư lăng hơi đĕch dêh char 'lơ̆ng rŏ. Ưh kơ lui kơ nơ̆r Kră Yang pơkă.