Jo 14:43 - Sơ̆p Hlabơar Nơ̆r 'Bok Kei-Dei

⁴³ To, kon pơlei Amalek păng kon pơlei Kanaan oei 'bơ̆t anăp iĕm, lu iĕm gô pơ̆k lôch kơ đao gưm đĭ, yua kơ lu iĕm blah Kră Yang boih, Kră Yang ưh kơ oei hơdai iĕm.

Jo 14:43 Referans Kwoze

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

Jo 14:25

Kon pơlei Amalek păng kon pơlei Kanaan oei lăm thŭng; dơning lu iĕm athei kơdŭn tơ rŏng 'biơ̆, năm rok char glă gah đak Dơsĭ 'Brê.

Jo 13:29

Kon pơlei Amalek oei tơ gah gơal, kon pơlei Hêtit, kon pơlei Jêbus păng kon pơlei Amôrit oei lăm tơring jê̆ kông, kon pơlei Kanaan oei cheng dơsĭ păng rok kiơ̆ đak Krong Jôrđăn.

Hôsia 9:12

Mă khan lu sư 'me rong lu kon hơ'lơ̆p, Inh gô pơlôch lê̆ đĭ-đăng pă đei bu oei arih dơ̆ng. Răm-'băm dêh kơ lu sư. Mưh inh achăng lê̆ lu sư!

Êsai 63:10

Mă-lei lu sư oei ayăt plơ̆, păng pơm ăn kơ Yang Bơhngol 'Lơ̆ng Kră Yang sơ'ngon. Na Kră Yang jing ayăt hăm lu sư; Kră Yang kơdih tơblah hăm lu sư.

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

Lu 16:20

Drŏ-kăn ei khan: Ơ Samsơn bơngai Philistin năm blah rôp ih. Sư iung khan: Inh gô lĕch klaih hlôi thoi brei mơsơ̆ păng inh gô klaih đơ̆ng ti lu sư. Mă-lei sư ưh kơ băt ôh Kră Yang lĕch jăk đơ̆ng sư boih.

Both 28:25

Kră Yang gô ăn lu bơngai ayăt blah pơrăm iĕm jei lu sư; lu iĕm gô năm blah sư minh trong, lĕch kơdâu ôn kơ lu sư tơpơh trong; lu adrĕch adrung kơpal teh 'bôh iĕm gô hli tơrơ.

Lêwi 26:17

Inh gô wih rŏng hil mĭl kơ iĕm, lu bơngai ayăt kơ iĕm gô teh dong iĕm, lu bơngai areh kơ iĕm gô pơgơ̆r iĕm, lu iĕm gô kơdâu ôn mă khan ưh kơ đei bu druh.

Jo 14:42

'Nĕ tŏk tơ noh, kơnh hli kơ lu ayăt blah lu iĕm, yua kơ Kră Yang ưh pă oei hơdai iĕm boih.

Jo 14:44

Mă-lei kon pơlei năm tơ anăp khŏm tŏk kơpal kông noh; gah Hom Tơdrong Pơgơ̆p Kră Yang păng Môis ưh kơ năm ôh đơ̆ng kơđông.

Jôsuê 7:12

yua kơ thoi noh, kon pơlei Isơrael ưh kơ kĕ tơblah hăm lu bơngai ayăt kơ lu sư ôh, lu sư kơdŭn tơ rŏng kơdâu ôn, pơm kơdih pŭ iŏk tơdrong pơlôch pơrăm. Tơdah lu iĕm ưh kơ đei pơrăm lê̆ tơmam đe trŏ kơ pơyơ̆r pơrăm noh đơ̆ng lăm lu iĕm, lei Inh ưh pă đei oei hơdai lu iĕm boih.

Jôsuê 22:15

Lăp lu sư năm truh tơ adrĕch Rubên, adrĕch Gat păng minh puăt adrĕch Manase lăm char Gileat, khan:

Horiso 44:10

Ih pơm ăn kơ lu nhôn kơdŭn 'bơ̆t anăp lu ayăt, Păng lu areh kơ nhôn, tơgar iŏk tơmam đơ̆ng lu nhôn