Jo 14:3 - Sơ̆p Hlabơar Nơ̆r 'Bok Kei-Dei

³ Liơ mă Kră Yang chông ba lu nhôn mơ̆t tơ lăm dêh char 'nâu wă ăn kơ lu nhôn lôch ngôi kơ đao gưm đe? Kon akăn lu nhôn jing tơmam đe plah tơgar iŏk đĕch. Hăm trŏ 'lơ̆ng hloh lu nhôn jah wih hơlơ̆k tơ char Êyiptơ hă?

Jo 14:3 Referans Kwoze

Je 9:3

“Lu sư gŭt hơpiĕt thoi gŭt hră. Wă prah tơlĕch nơ̆r hơlĕnh pơdăr. Lu sư jing gơh pơgơ̆r lăm char đơ̆ng tơdrong hơlĕnh pơdăr. Ưh kơ trŏ tơdrong sĭt tơpă. Lu sư pơm yoch 'nâu pơm yoch plơ̆ng dơ̆ng. Păng đĭ ưh pă băt kơ Inh,” noh Kră Yang khan.

Horiso 78:40

Băt đei hơdôm wơ̆t lu sư pơm kơnê̆ hăm Kră Yang tơ char 'blach, păng pơm ăn kơ Sư sơ'ngon tơ teh dơnă!

Jang 7:39

“Mă-lei lu kơdră bơ̆n sơ̆ ưh kơ chu kơ Môis ôh, ưh kơ wă kơ Môis pơgơ̆r lu sư. Lu sư 'maih wih tơ dêh Êyiptơ đĕch.

Le 5:21

na khan; “măr iĕm pơm kiơ kơ lu nhôn. Apinh Kră Yang lăng păng phak măr iĕm. Yua kơ kiơ măr iĕm ăn kơ Pharaôn păng linh bơ̆jang kơ sư hil areh kơ lu nhôn, thoi ăn đao gưm lăm ti lu sư wă kơ pơlôch lu nhôn.”

Le 16:3

Lu bơngai Isơrael khan kơ bre sư: Ô! Kơtrơ̆m lu nhôn jah lôch lăm tơpang ti Kră Yang tơ dêh Êyiptơ đĕch, kơplah oei jê̆ gŏ 'nhĕm păng sŏng sa phĭ! Mă-lei măr iĕm chông ba lu nhôn năm tơ tơmăn glă 'nâu wă kơ lu nhôn lôch đĭ kơ pơngot.

Jo 16:13

Tơdrong 'nâu iĕ đĕch hă? Ih chông anhăk nhôn lĕch đơ̆ng dêh char đak toh đak sut đei tơmam sa rơkah rơkai, wă pơlôch lu nhôn tơ lăm char glă, mă ih kư̆m oei 'maih pơm yŏng pơjuă kơ̆l nhôn dơ̆ng hă?

Jo 20:3

Kon pơlei hil kơ Môis păng khan: Kuă kơ kiơ lu nhôn lôch hơdai lu 'nhŏng oh nhôn mă lôch boih 'bơ̆t anăp Kră Yang sơ̆!

Jo 21:5

Lei na, lu kon pơlei pơma hil plơ̆ kơ Kră Yang 'Bok Kei-Dei păng Môis khan: Liơ ih chông tơlĕch nhôn đơ̆ng dêh Êyiptơ wă pơlôch nhôn lăm char glă hă? Yua kơ tơ âu por sŏng 'bĕng sa sap ưh kơ đei, đak kư̆m ưh kơ đei păng lu nhôn đĭ bơ̆l boih kơ sa tơmam sa tơdrong kơ đei lâu.

Both 1:39

Lu kon hơ'lơ̆p lu iĕm păng lu iĕm khan thoi kơ minh pôm tơmam prăn đĕch păng lu kon drŏ-nglo iĕm dang ei tam mă băt ôh tơdrong 'lơ̆ng dah tơdrong kơnê̆, gô mơ̆t tơ dêh noh; Inh gô ăn kơ lu sư dêh âu bơ̆jang sa,

Jo 11:20

Mă-lei dĭng truh tơ minh khei hloi, dĭng mă 'nhĕm iĕm 'bĕnh mah lĕch trong muh păng lu iĕm đĭ pă 'maih sa, yua kơ lu iĕm achăng lê̆ Kră Yang mă oei tŏk-bŏk lu iĕm păng nhơ̆m krao 'bơ̆t anăp Sư khan: Yua kơ kiơ lu nhôn mă lĕch đơ̆ng char Êyiptơ.

Ne 9:17

Lu sư ưh kơ chu kiơ̆ păng ưh kơ 'blŏk dôm tơdrong mơsêh mơyang Ih đei pơm boih tŏk-bŏk lu sư; mă-lei lu sư arăng kơ̆l, lăm tơdrong lu sư pơm kơchu rơih chă minh 'nu bơngai pơm yŏng wă chông hơlơ̆k brŏk tơ dêh char Êyiptơ dơ̆ng mă đêl lu sư pơm đĭch. Mă-lei Ih boih Kră Yang 'Bok Kei-Dei huay kơ jô̆ yo băt kơ 'mêm mơnat, hiơ̆ kơ hil păng 'bĕnh hăm tơdrong 'mêm mơnat, Ih ưh kơ achăng lê̆ lu sư ôh.

Je 42:14

na khan: “Ưh lu nhôn gô jur năm tơ dêh char Êyiptơ, tơ noh lu nhôn gô ưh kơ 'bôh tơdrong tơblah wang păng ưh kơtơ̆ng đe hlôm keng dơ̆ng; tơ noh lu nhôn ưh kơ pơngot rơwĕt; lu nhôn gô năm oei tơ noh.’

Je 42:19

Kră Yang bơtho khan boih kơ lu iĕm, lu bơngai mă oei oei lăm dêh char Juđa: ‘'Nĕ kơ năm ôh tơ char Êyiptơ,’ lu iĕm băt boih năr 'nâu Inh đei roi tơbăt kơ lu iĕm,