Jo 13:28 - Sơ̆p Hlabơar Nơ̆r 'Bok Kei-Dei

²⁸ Mă-lei kon pơlei oei lăm char noh bơngai pran kơtang, anih pơlei dur kơjăp păng tih; mă-lei lu nhôn 'bôh đei kon sâu Anak oei tơ noh.

Jo 13:28 Referans Kwoze

Both 1:28

Lu bơ̆n wă năm tơ yơ? 'Nhŏng oh lu bơ̆n pơm kơ lu bơ̆n hli na khan: Adrĕch noh tih păng kơjung hloh kơ lu bơ̆n; pơlei lu sư ei tih păng man dur kơjăp kơjung truh tơ plĕnh; tơ noh lu nhôn kư̆m 'bôh lu kon sâu kon pơlei Anakim tih kơjung.

Jôsuê 11:22

Ưh pă đei minh 'nu bu bơngai Anakim oei hơdai lăm char lu bơngai Isơrael; oei đei đăi arih lăp lu bơngai lăm pơlei Gasa, pơlei Gat păng lăm pơlei Asdôt.

Jo 13:33

Lu nhôn 'bôh lu sư tih kơjung, noh lu kon sâu Anak, adrĕch bơngai nuih pran kơtang; lu nhôn lăng bơ̆n kơdih rŏ thoi lep 'ba, lu sư lăng lu nhôn kư̆m thoi noh mơ̆n.

Jôsuê 15:14

Đơ̆ng pơlei Hêbrôn Kalep puh tơweh pêng adrĕch Anak noh adrĕch Sêsai, Ahiman păng Thalmai noh adrĕch adrung Anak ngăl.

Both 3:5

Đĭ-đăng lu pơlei tih noh jơ̆ pơlei kơjăp đei dur kơjung, 'măng jang păng đei 'long chơkăl; hloh kơ noh dơ̆ng kư̆m đei lơ lu pơlei mă ưh kơ đei dur.

Both 2:21

Minh adrĕch kon pơlei tih păng lơ, hơbŏ sư tih kơjung thoi adrĕch kon pơlei Anakim, mă-lei Kră Yang pơrăm lê̆ lu sư 'bơ̆t anăp kon pơlei Amôn; kon pơlei Amôn puh tơgar iŏk dêh noh păng oei hloi tơ noh;

Lu 1:20

Kiơ̆ kơ Môis athei, lu sư jao pơlei Hêbrôn ăn kơ Kalep. Kalep pơpuh tơweh pêng 'nu kon drŏ-nglo Anak lĕch đơ̆ng pơlei ei.

II Sam 21:16

Isbi Benop minh 'nu bơngai Philistin gah adrĕch adrung bơngai Rapha tih kơjung đei tơju pơm păng kong trăp pêng kĭ minh puăt, păng kiĕo đao 'nao tơ kơiĕng, wă pơlôch pơtao Đawit.

Jôsuê 14:12

Hrei âu ăn bĕ kơ inh teh kông groi âu, mă Kră Yang pơkă boih wă ăn kơ inh lăm năr noh sơ̆, ih kư̆m kơtơ̆ng băt boih năr noh sơ̆ đei kon pơlei Anakim oei tơ noh păng đei pơlei tih să kơjăp, mă-lei đei Kră Yang tơgŭm inh, na inh gô pơpuh lu sư, kiơ̆ thoi Kră Yang khan boih.