Jo 11:17 - Sơ̆p Hlabơar Nơ̆r 'Bok Kei-Dei

¹⁷ Na Inh gô jur, pơma dơnuh hăm ih tơ noh; Inh gô iŏk ăn Yang Bơhngol Inh oei lăm ih păng oei lăm lu sư mơ̆n, wă kơ lu sư wang pŭ tơdrong trăp kon pơlei hơdai ih păng ih huay pă pŭ minh drô̆ ih.

Jo 11:17 Referans Kwoze

I Sam 10:6

Yang bơhngol Kră Yang gô mơ̆t lăm ih gô suang khan lê̆ adrol hăm lu sư, ih gô jing bơngai nai.

Jo 11:25

Kră Yang jur hăm hơmơ̆l, pơma hăm Môis. Sư iŏk Yang Bơhngol ăn oei hăm Môis păng ăn kơ tơpơh-jĭt 'nu lu kră wei-lăng. Lăp Yang Bơhngol jur oei hăm lu kră, lu sư pơtơm pơma khan lê̆ adrol, mă-lei lu sư ưh kơ pơma khan lê̆ adrol ling-lang hloi ôh.

I Kor 2:12

Mă-lei bơ̆n bơngai lui ưh kơ wă iŏk ôh tơdrong tơchĕng ala teh âu. Bơ̆n đei Yang Bơhngol 'Lơ̆ng jur tơ bơ̆n, wă kơ bơ̆n băt tôm tơdrong 'Bok Kei-Dei pơkă khan wă ăn kơ bơ̆n.

II Pot 2:9

Lăp bre sư tŏk hlôi bơih, Êli khan kơ Êlisê: “Roi kơ inh bĕ: Ih wă kơ inh pơm kơ ih tơdrong kiơ, adrol kơ Kră Yang pôk iŏk inh tŏk tơ plĕnh tơklah đơ̆ng ih” Êlisê tơl khan: “Ơ 'bok thây, apinh ăn kơ inh yang bơhngol đơ̆ng ih hơtŭt lăm inh thim 'bar wơ̆t kơ noh dơ̆ng.”

Jôel 2:28

Năr ei kơnh Inh gô tuh ăn Yang Bơhngol 'Lơ̆ng Inh kơ đĭ-đăng kon bơngai. Lu kon drŏ-nglo kon drŏ-kăn gô pơma khan lê̆ adrol; dôm lu kră iĕm gô hơpo 'bôh, păng dôm lu kon hơ'lơ̆p iĕm gô 'bôh tơdrong tơ'bôh đơ̆ng Kră Yang.

II Pot 2:15

Kơplah lu khŭl bơngai khan lê̆ adrol oei lăm Pơlei Jêrikô, lu sư 'bôh Êlisê, na lu sư khan: “Yang Êli mơ̆t tơ Êlisê bơih.” Lu sư năm tơ'bơ̆p Êlisê păng drap bon 'bơ̆t anăp Êlisê.

Rom 8:9

Mă-lei gah iĕm, iĕm ưh kơ gơnang kơ akâu iĕm kơdih ôh, iĕm gơnang kơ Yang Bơhngol 'Lơ̆ng, yua kơ Yang Bơhngol 'Lơ̆ng 'Bok Kei-Dei oei hăm iĕm. Yua kơ Yêsu Krist ăn noh, Sư ăn kơ rim 'nu bơngai bu mă lui kơ Sư. Bơngai mă ưh kơ đei Yang Bơhngol 'Lơ̆ng, bơngai noh ưh kơ lui kơ Yêsu ôh.

I Tes 4:8

Thoi noh boih na bơngai bu mă ưh kơ chu iŏk nơ̆r nhôn bơtho âu, bơngai 'noh sư ưh kơ chu nơ̆r 'Bok Kei-Dei, yua kơ nhôn bơtho nơ̆r 'Bok Kei-Dei tơpă. 'Bok Kei-Dei ăn kơ iĕm Yang Bơhngol 'Lơ̆ng Sư, na iĕm athei pơm 'lơ̆ng tơpăt.

Ne 9:20

Ih ăn boih kơ lu sư yang Bơhngol 'lơ̆ng tơpăt Ih wă bơtho tơ'bôh ăn kơ lu sư, kư̆m ưh kơ sơngah mana kơ 'bơ̆r lu sư sa păng đak nhă kơ lu sư rơhing.

Le 18:22

Wă kơ lu sư chă sek tơlang ăn kơ kon pơlei rim năr. Tơdah đei tơdrong truh tih, lu sư athei ba tơ ih; na mă dôm tơdrong iĕ, lu sư chă sek tơlang kơdih. Lei na tơdrong jang ih hơiơch 'biơ̆; lu sư gô wang pŭ tơdrong jang hơdai ih.

Ju 1:19

Lu bơngai noh pơm tơdrong tơhiŭl wă tơklah đon lu bơngai lui. Lu sư bơngai kiơ̆ kơ jơhngơ̆m kơdih 'maih pơm, ưh kơ đei Yang Bơhngol 'Lơ̆ng oei hơdai ôh.

I Pet 1:22

Bơ̆n chu lui kơ tơdrong 'Bok Kei-Dei boih, bơ̆n băt kơ lê̆ đĭ dôm tơdrong yoch, băt 'mêm mơnat kơ bôl buăl 'nhŏng oh bơngai lui. Bơ̆n athei iŏk tơdrong 'mêm mơnat dih băl ling-lang khŏm khŏm hăm đĭ jơhngơ̆m.

Jo 12:5

Kră Yang jur hăm hơmơ̆l dơ̆ng 'bơ̆t 'măng Bơsŭn Anih Akŭm, na krao Arôn păng Miriam; na bre sư năm.

Le 19:20

Kră Yang jur kơpal kơ̆l kông Sinai, Krao Môis tŏk tơ kông Môis tŏk hloi.

Bl 11:5

Kră Yang jur lăng pơlei hnam thôt mă kon bơngaib đei pơm.

Yo 7:39

Sư khan thoi noh dang khan kơ lu bơngai lui kơ Sư gô đei Yang Bơhngol 'Lơ̆ng đơ̆ng 'Bok Kei-Dei ăn jur oei păng lu sư. Mă-lei kơplah noh 'Bok Kei-Dei tam mă ăn Yang Bơhngol 'Lơ̆ng ôh, kơlih Yêsu tam mă lôch iung arih tŏk tơ plĕnh.

Yo 3:13

Đĭ-đăng bơngai ala teh âu, ưh tam đei bu tŏk tơ plĕnh ti boih ôh. Inh Kon Bơngai, pôm Inh đĕch đơ̆ng plĕnh ti jur tơ ala teh âu.

Êsai 44:3

Inh gô tuh ăn đak tơ tơring char rơhing. Ăn đak glung ro tơ anih hrĕng kro, Inh gô tuh Yang Bơhngol Inh tơ adrĕch adrung lu iĕm, Inh gô ăn pŭn hiôk kơ lu kon sâu iĕm.

Jo 27:18

Kră Yang khan kơ Môis thoi âu: Iŏk bĕ Jôsuê kon drŏ-nglo Nun, bơngai đei Yang Bơhngol 'lơ̆ng lăm sư; pel bĕ kơ̆l sư.

Jo 12:8

Inh pơma dơnuh hăm sư 'bơ̆r păng 'bơ̆r, hơđăl hơdah, ưh kơ đei tơdrong pơpơn ôn ôh; păng sư 'bôh boih rup Kră Yang. Thoi noh, liơ lu iĕm ưh kơ hli pơ̆n pơma 'bơm kơ đĭch đam Inh Môis?

Le 34:5

Kră Yang jur lăm hơmơ̆l, dơ̆ng hơdai hăm Môis tơ noh păng roi anăn sư.

Le 19:11

Ăn kơ lu sư kơchăng lăm năr mă pêng, yua năr noh Kră Yang wă jur tơ kơpal kông Sinai 'bơ̆t anăp kon pơlei.

Bl 18:33

Lăp Kră Yang pơma đang boih hăm Abraham, na sư tŏk tơ ti, gah Abraham wih brŏk tơ bơsŭn sư.

Bl 17:22

Đang kơ Kră Yang 'Bok Kei-Dei đei khan boih, na sư weh đơ̆ng Abraham tŏk tơ plĕnh.

Bl 17:3

Abram drap bon tơ teh, Kră Yang 'Bok Kei-Dei khan kơ Abram thoi âu:

Le 18:18

Tơpă, ih hăm kon pơlei oei hơdai ih gô rơdu rơmơ̆n ưh kơ weh ôh, tơdrong noh trăp dêh kơ ih, minh 'nu ih pŭ ưh kơ kĕ ôh.

Êsai 63:11

Na kon pơlei 'blŏk hơdơ̆r dơ̆ng kơ đơ̆ng sơ̆, 'blŏk kơ Môis păng kon pơlei Kră Yang na jet: Tơ'ngla mă hơtŏk lu sư păng bơngai wei khŭl sem dơrong Kră Yang, hlôi đơ̆ng đak dơsĭ tơ yơ bơih? Tơ'ngla ăn Yang Bơhngol Sư oei hơdai hăm kon pơlei tơ yơ bơih?

Jo 7:89

Kơplah Môis mơ̆t tơ lăm Bơsŭn Anih Akŭm wă pơma dơnuh hăm Kră Yang, na sư kơtơ̆ng nơ̆r pơma hăm sư đơ̆ng lăm Tơnglơ̆p Mơnat ăn dan kơpal Hom tơdrong Roi Tơbăt, tŏk-bŏk sơlam kơ 'bar tŏ chêrubim; Kră Yang pơma dơnuh hăm sư.