Jêphania 3:17 - Sơ̆p Hlabơar Nơ̆r 'Bok Kei-Dei

¹⁷ Kră Yang 'Bok Kei-Dei ih oei tŏk-bŏk ih; Sư boih mơsêh gô dŏng pơklaih ih. Sư gô chơt hiôk đĭ-đăng yua kơ đơ̆ng ih. Yua kơ tơdrong 'mêm mơnat Sư, Sư gô ĕnh; păng yua kơ đơ̆ng ih, Kră Yang gô hơri chơt hiôk.”

Jêphania 3:17 Referans Kwoze

Horiso 149:4

Yua kơ Kră Yang hiôk lăp đon kơ kon pơlei pơla Sư; Sư iŏk tơdrong dŏng pơklaih pơhrôp ăn kơ lu bơngai iŏk đon ala.

Horiso 147:11

Mă-lei Kră Yang lăp đon kơ bu mă hli yom kơ Sư, păng lu bơngai mă chang hơmĕng kơ tơdrong Sư 'mêm.

Je 32:41

Na jơhngơ̆m Inh hiôk ăn kơ lu sư pŭn hiôk, hăm đĭ tơdrong tơpăt lăm jơhngơ̆m Inh wă pơtăm lu sư lăm teh đak âu.”

Hêbrơ 7:25

Thoi noh na mă layơ Sư oei pơklaih ling-lang dôm lu bơngai mă gơnang kơ Sư, wă kơ bơ̆n gơh brŏk tơ 'Bok Kei-Dei, kơlih kơ Sư arih ling-lang ưh kơ tôch. Păng Sư oei apinh 'Bok Kei-Dei ling-lang wă tơgŭm bơ̆n.

Êsai 12:2

Ih bơih Kră Yang 'Bok Kei-Dei dŏng pơklaih inh, Inh gô gơnang kơ Ih păng ưh kơ hli tơrơ ôh. Kră Yang boih tơdrong inh hơri bơnê, Sư bơih dŏng pơklaih inh.”

Both 30:9

Kơplah noh Kră Yang 'Bok Kei-Dei iĕm: Sư gô ăn tơdrong pŭn tih lăm dôm tơdrong jang đơ̆ng tơpang ti iĕm pơm ăn kơ kon sâu iĕm hrôh ngôh rai lơ, sem dơrong, chek lar păng 'ba hơ'bo đơ̆ng chŭn mir gơh đei mah rơkah rơkai; Kră Yang lăp đon mơnat ăn pŭn hiôk kơ iĕm, thoi Sư lăp đon ăn pŭn hiôk kơ lu 'bok iĕm.

Jêphania 3:15

Kră Yang, huay pă sek tơlang ih boih, pơm ăn kơ lu ayăt kơ ih weh ataih đơ̆ng ih; pơtao Isơrael, wă khan Kră Yang, oei tŏk-bŏk ih, ih gô huay pă tơ'bơ̆p tơdrong gleh truh dơ̆ng.

Yo 15:11

“Inh roi ăn kơ iĕm dôm tơdrong âu wă kơ iĕm chơt hiôk kư̆m thoi Inh chơt hiôk. Thoi noh na lu iĕm gô chơt hiôk tơpă.

Êsai 65:19

Inh gô hiôk chơt yua kơ Jêrusalem, Inh gô 'nă hal kơ kon pơlei Inh; Tơ anih noh ưh pă đei kơtơ̆ng nơ̆r nhơ̆m ôr pơret dơ̆ng bơih.

Jo 14:8

tơdah Kră Yang lăp đon hăm bơ̆n sư chông ba ăn kơ bơ̆n mơ̆t oei lăm char noh; char noh đei mơ̆r 'lơ̆ng tơmam sa rơkah rơkai. Kră Yang gô ăn char noh kơ lu bơ̆n.

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Luka 15:32

Trŏ mơ̆n ba ngôi păng oh e, yua kơ sư nhen lôch boih mă-lei dang ei sư arih dơ̆ng; sư hiong đơ̆ng ba, mă-lei dang ei ba 'bôh sư dơ̆ng.’ ”

Jêphania 3:5

Kră Yang oei tŏk-bŏk sư jơ̆ tơdrong tơpăt, ưh kơ đei pơm kơnê̆, rim pơgê sư pơdah tơdrong tơpăt Sư, tơ hơdah ưh kơ đei layơ ưh. Mă-lei lu bơngai kơnê̆ ưh kơ băt mơlâu.

Yo 13:1

Năr ei minh năr hơdrol kơ Năr Giĕng Năm Brih. Yêsu băt năr Sư wă jăk đơ̆ng ala teh âu tŏk brŏk tơ 'Bă Sư wă jê̆ truh boih. Sư 'mêm tơpă kơ lu bơngai lui kơ Sư, na Sư khŏm ăn akâu Sư lôch tang bơ̆n.

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Bl 18:14

Hăm đei tơdrong kiơ mă Kră Yang ưh kơ gơh pơm? Truh năr đêl pơkă, lăm minh sơnăm dơ̆ng, inh gô hơlơ̆k tơ ih păng Sara gô đei tơpŭ kơ minh 'nu kon drŏ-nglo.”

Êsai 18:4

Kră Yang khan bơih kơ inh thoi âu: “Inh gô oei hreh păng Inh gô răp lăng đơ̆ng anih Inh oei, thoi drang tŏ pơchrang hơdah đơ̆ng măt 'năr, thoi hơiuh đak ngom năr tŏ bơyan yuă.”

Bl 17:1

Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

Bl 1:31

Kră Yang 'Bok Kei-Dei 'bôh dôm tơdrong đơ̆ng Sư pơjing 'lơ̆ng tơpă. Đơ̆ng noh đei kơsơ̆ păng pơgê noh năr mă tơdrâu.

Êsai 63:1

Bu Tơ'ngla mă truh đơ̆ng char Eđôm. Đơ̆ng pơlei Bôsra? Na hrŭk hơbĕn ao gôh rang hơdah, yak năm hăm tơdrong pran kơtang. Noh Inh bơih Tơ'ngla pơma nơ̆r 'lơ̆ng tơpăt Tơ'ngla mơsêh mơyang tih-tin wă dŏng pơklaih.”

Êsai 63:12

Tơ'ngla mă pơm kơ kơkŏng ti ư-ang pran kơtang Kră Yang năm gah ti 'ma Môis. Mă pơm kơ đak dơsĭ tơklah 'bơ̆t anăp lu sư? Wă kơ anăn Kră Yang oei đei ling-lang ưh kơ đei tôch.

Bl 2:2

Năr mă tơpơh Kră Yang 'Bok Kei-Dei pơm keh boih dôm tơdrong jang Sư.

Hôsia 14:4

Inh gô ming pơklaih tơdrong lu sư blơ̆ blĕch kơ Inh, Inh 'mêm tơpă kơ lu sư boih, Inh pă hil kơ lu sư boih.

Jôel 2:21

Ơ teh đak, 'nĕ kơ hli ôh, chơt hiôk 'nă hal bĕ, yua kơ Kră Yang đei pơm boih tơdrong mơsêh tih.

Both 23:15

Tơdah đĭch kơdâu ôn đơ̆ng yŏng tơ'ngla sư truh tơ hnam iĕm, 'nĕ kơ năm ba pơdrâu ăn kơ yŏng sư dơ̆ng,

Horiso 78:65

Đơ̆ng noh Kră Yang hơdơ̆r thoi iung đơ̆ng tep. Thoi bơngai nuih pran jreo tơkĕch đơ̆ng tơdrô pơm.