Je 9:20 - Sơ̆p Hlabơar Nơ̆r 'Bok Kei-Dei

²⁰ Ơ lu drŏ-kăn mơ̆ng bĕ nơ̆r Kră Yang; Pơih đon lu iĕm mơ̆ng iŏk bĕ nơ̆r đơ̆ng 'bơ̆r Sư pơma. Bơtho pơhrăm bĕ kơ lu kon drŏ-kăn iĕm tơdrong nhơ̆m hmoi, bơtho băl hmoi jô̆.

Je 9:20 Referans Kwoze

Jop 22:22

Athei sơng iŏk bĕ nơ̆r đơ̆ng 'bơ̆r Kră Yang bơtho, păng athei wei răk nơ̆r Sư lăm jơhngơ̆m ih.

Êsai 3:16

Kră Yang khan: “Lu kon drŏ-kăn Siôn pơrŏ yak toh hơko, măt lu sư lăng cheng hơ'nhưp wă kơ đe hưch, lu sư yak nơnăm mơtuĭ mơtuă, mơgriu re kong jơ̆ng.

Êsai 3:4

Inh gô ăn kơ lu nge pơm yŏng lu sư, lu hơ'lơ̆p gô pơgơ̆r lu sư.

Je 9:12

Bơngai bu gơh hơgei kĕ băt hlôh kơ tơdrong 'nâu? Bơngai bu mă Kră Yang pơhrăm boih wă kơ sư tơblang tơdrong 'nâu? Liơ mă dêh char pơrăm đĭ jing juơ rơhiăng thoi lăm char glă, dĭng mah pă đei bơngai bu yak rok noh?

Je 23:16

Kră Yang Tih Hloh khan: “'Nĕ pă mơ̆ng lu bơngai khan lê̆ adrol noh roi kơ iĕm. Lu sư roi ăn kơ iĕm tơdrong hơmĕng ưh kơ đei, lu sư khan lê̆ adrol kiơ̆ thoi lu sư chă đon kơdih, ưh kơ trŏ kơ đơ̆ng nơ̆r Kră Yang bơtho khan ôh.

Je 23:28

Bơngai khan lê̆ adrol ayơ đei apo 'bôh, roi bĕ tơdrong sư apo, na bơngai bu mă đei iŏk boih nơ̆r đơ̆ng Inh ră roi bĕ mă tơpăt!” Kră Yang khan: Hơnong 'ba hăm gơh yua tơplih kơ găr 'ba?

Je 6:11

Gah inh, Kră Yang hil 'bĕnh kơ inh, inh ưh kơ kĕ kơ dơ̆ng ôh. “Tuh bĕ tơdrong noh tơ lu bơngai hơ'lơ̆p tơ rok trong pơlei, Tơ lu bơngai tơdăm oei akŭm băl; tơ klo hăm akăn, tơ lu kră păng lu kră jơnei.

Je 7:29

Hơkôih bĕ sŏk kơ̆l lu iĕm păng klơ̆m lê̆ mă ataih; ôr nhơ̆m hmoi bĕ tơ kơpal groi, yua kơ Kră Yang sơngah hŭt lê̆ boih adrĕch adrung mă Sư hil mĭl 'nâu.’ ”

Je 8:2

Đe gô sơ̆k kơting noh tơ tŏ măt 'năr măt khei păng lu sơnglŏng đơ̆ng plĕnh ti, noh tơmam mă lu sư 'mêm kơeng, chơchă kơkuh awih awăn, kiơ̆. Lu kơting noh đe ưh pă đei dônh pơpôi, ưh pă 'bŭ dơ̆ng; gô jing thoi mơ̆r kơpal teh.

Je 14:16

Lu kon pơlei mă mơ̆ng lu sư khan lê̆ adrol noh kư̆m lôch kơ đao gưm, pơngot rơwĕt hơdai hăm akăn, hăm kon drŏ-nglo kon drŏ-kăn lu sư. Akâu lu sư đe gô klơ̆m lê̆ hnơ̆k hnăk tơ rok trong pơlei Jêrusalem, ưh kơ đei bu 'bŭ. Inh gô tuh tơdrong kơnê̆ đêl lu sư pơm tơ kơ̆l lu sư.”

Nhom 2:19

Iung ôr krao bĕ kơmăng, thoi đe pơtơm gak kơmăng. Tuh bĕ jơhngơ̆m iĕm thoi đak 'bơ̆t anăp Kră Yang. Yơ̆r bĕ ti gah Kră Yang yua kơ tơdrong arih lu kon hơ'lơ̆p iĕm, lu sư lôch hơngơ̆t yua kơ pơngot tơ mum kơ̆l trong tih.

Nhom 2:21

Lu kon hơ'lơ̆p păng lu kră 'bĭch sơ̆k tơ teh rok trong lăm pơlei tih. Lu adruh 'lơ̆p păng tơdăm 'lơ̆p inh pơ̆k lôch kơ đao gưm. Lăm năr Ih hil, Ih pơlôch lu sư boih, Ih pơlôch pă đei mơnat.