Je 9:18 - Sơ̆p Hlabơar Nơ̆r 'Bok Kei-Dei

¹⁸ Athei lu sư mă kuăng jah nhơ̆m hmoi kơ bơ̆n, Wă kơ măt lu bơ̆n kư̆m lĕch đak măt ăn kơ kon-ngai lăm măt lu bơ̆n đei đak măt ro.

Je 9:18 Referans Kwoze

Je 14:17

Apinh ih khan kơ lu sư nơ̆r 'nâu: Ăn kơ măt inh lĕch đak măt ling-lang, Măng năr ưh kơ pơdơh, yua kơ kon adruh inh, kơ kon pơlei inh, răm-'băm jĭ rơka hơbur dêh, đe pơm jĭ pơmat dêh kơ lu sư.

Je 9:1

Ô! Rŏ kơ kơ̆l inh jing đak mơlĕch, măt inh jing tu đak măt! Wă kơ inh kĕ nhơ̆m hmoi prăt năr prăt măng kơ lu kon pơlei inh mă lôch boih!

Êsai 22:4

Thoi noh na inh khan: “Iĕm 'nĕ lăng tơ inh, lê̆ inh nhơ̆m ơh ol, 'nĕ chă pơlung inh yua kơ tơdrong pơrăm lu kon pơlei inh!

Nhom 2:18

Jơhngơ̆m kon pơlei ih ôr krao truh tơ Kră Yang, Ơ dur pơlei kon adruh Siôn, Ăn bĕ đak măt iĕm ro thoi đak glung. Iĕm 'nĕ pă pơhơi; măt iĕm lăng 'nĕ pă pơdơh.

Nhom 2:11

Măt inh đĭ hrŏ yua kơ đak măt lĕch, jơhngơ̆m inh rŭng răng. Păng huŏng tơ teh, Yua kơ đơ̆ng đe pơrăm kon adruh pơlei inh. Yua kơ lu kon hơ'lơ̆p, yua kơ lu kon nge hơngơ̆t tơ rok trong lăm pơlei tih.

Nhom 1:2

Sư nhơ̆m ơh ol kơmăng, đak măt lĕch 'bĕnh kơ tơ'bŏk. Dôm lu bơngai mă 'mêm kơ sư, ưh kơ đei bu pơlung sư. Buôl buăl sư pơm tơwih kơ sư, tă kơ jing ayăt ngăl.

Je 13:17

Mă-lei tơdah lu iĕm kuă kơ mơ̆ng, inh gô nhơ̆m lăm to, yua kơ tơdrong lu iĕm pơang. Măt inh gô nhơ̆m ơh ol dêh, đak măt inh gô lĕch ro, yua kơ triu Kră Yang đe gô rôp pơm bơnă.

Je 9:20

Ơ lu drŏ-kăn mơ̆ng bĕ nơ̆r Kră Yang; Pơih đon lu iĕm mơ̆ng iŏk bĕ nơ̆r đơ̆ng 'bơ̆r Sư pơma. Bơtho pơhrăm bĕ kơ lu kon drŏ-kăn iĕm tơdrong nhơ̆m hmoi, bơtho băl hmoi jô̆.

Je 9:10

“Inh gô nhơ̆m hmoi kơ kông, nhơ̆m hmoi kơ tơmăn 'nhĕt lăm char glă, đe pơrăm lê̆ lu sư boih: ‘Ô dĭng mah pă đei bơngai yak găn rok noh. Tơ noh kư̆m pă đei kơtơ̆ng lu kon rơmo hmoi, Mă lu sem păr kư̆m pă kơtơ̆ng asi, lu sem bri kư̆m kơdâu đĭ tơ nai.’

Je 6:26

Ơ kon drŏ-kăn pơlei Inh, tơ̆n bĕ 'bi tơ kơiĕng, tơglăng akâu tơ lăm tơnuh. Nhơ̆m hmoi bĕ, thoi đe sơ'ngon kơ kon dăm lôch, nhơ̆m hmoi ơh sơ'ngon bĕ, yua kơ lu bơngai wă pơrăm blư bla truh blah lu bơ̆n.”

Luka 19:41

Yêsu năm wă jê̆ truh tơ Pơlei Jêrusalem. Lăp Sư tơmang 'bôh Pơlei Jêrusalem Sư nhơ̆m hmoi mơnat kơ Pơlei Jêrusalem.

Horiso 119:136

Đak măt inh lĕch ro nhen thoi đak glung. Yua kơ đe kuă kơ wei răk khôi juăt Ih.

Je 7:29

Hơkôih bĕ sŏk kơ̆l lu iĕm păng klơ̆m lê̆ mă ataih; ôr nhơ̆m hmoi bĕ tơ kơpal groi, yua kơ Kră Yang sơngah hŭt lê̆ boih adrĕch adrung mă Sư hil mĭl 'nâu.’ ”

Nhom 3:48

Đak măt inh lĕch ro thoi đak, yua kơ kon adruh inh đe pơlôch.

Am 5:16

Thoi noh na Kră Yang 'Bok Kei-Dei Tih hloh, khan thoi âu: Tơ rim anih lăm pơlei đe gô nhơ̆m hmoi: Tơ rim trong đe ôr krao ơu pơmat dêh! Ơu pơmat dêh! Đe gô pơtơm lu bơngai choh mir chŭn năm truh tơ anih ơh sơ'ngon păng chă lu bơngai gơh hmoi năm nhơ̆m hmoi.

Je 3:24

Đơ̆ng lu nhôn oei 'lơ̆p, tơdrong mơlâu sa pơrăm lê̆ đĭ, dôm tơdrong jang đei đơ̆ng 'bok yă lu nhôn, lu triu, rơmo, kon drŏ-nglo, kon drŏ-kăn lu sư.

Je 3:25

Ăn kơ nhôn oei 'bĭch lăm tơdrong mơlâu lu nhôn păng pŭ iŏk tơdrong đe pơjăm lu nhôn! Lu nhôn păng 'bok yă lu nhôn đei pơm yoch boih hăm Kră Yang 'Bok Kei-Dei lu nhôn, đơ̆ng oei 'lơ̆p sơ̆ khơ̆ dang ei; lu nhôn ưh kơ chu kiơ̆ nơ̆r Kră Yang 'Bok Kei-Dei lu nhôn.”

Je 4:20

Tơdrong đe pơrăm, truh pơrăm rai dêh, Jơ̆p kơ char pơrăm đĭ boih 'biao pă tam băt bơsŭn inh anih inh răm đĭ.

Nhom 2:13

Liơ inh gơh pơting hăm iĕm, Wă kơ gơh pơlung iĕm; Ơ kon adruh pơlei Siôn? Yua kơ rơka lu iĕm jrŭ thoi đak dơsĭ. Bu wă gơh ming klaih?