Je 9:11 - Sơ̆p Hlabơar Nơ̆r 'Bok Kei-Dei

¹¹ Inh gô pơm kơ pơlei Jêrusalem jing anih rơ̆m rĕk. Jing anih kơ lu kŏ bri oei; păng kơ char Juđa jing juơ, ưh kơ đei bơngai bu gơh oei.”

Je 9:11 Referans Kwoze

Êsai 25:2

Ih pơm bơih kơ lơ pơlei jing anih pôi teh rơ̆m rĕk, pơlei tih kơjăp jing pơchah hĕch. Pơlei hnam kơjăp lu yŏng pơtao lu bơngai tơmoi ưh pă jing pơlei dơ̆ng bơih, ưh pă đei layơ wă gơh man tơiung ming dơ̆ng.

Je 51:37

Babilôn gô jing rơ̆m rĕch, Jing anih kơ lu kŏ bri oei, Anih juơ rơhiăng, ưh pă đei bơngai oei tơ noh. Bu rok trong noh lăng krưp chơbơle.

Je 10:22

Mơ̆ng bĕ, đei tơdrong 'nao truh! Đei tơdrong rŭng răng đơ̆ng char gah yă-nơ̆m, Wă pơm ăn kơ pơlei tih Juđa jing juơ, Jing anih kŏ bri oei.

Êsai 34:13

Lu 'long jơla gô chăt lăm anih pơtao, 'long jơla chăt hro 'bĕnh lăm kơđông kơjăp noh jing anih lu kŏ bri păng anih pơdơh lu sem grơ̆-ă.

Êsai 13:22

Kŏ-so gô kuăl lăm pơlei kơjăp, kŏ bri gô kơlu lăm anih pơtao 'lơ̆ng rŏ. Khei sơnăm sư truh jê̆ bơih, măng năr sư ưh pă đunh dơ̆ng bơih.

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!

Nhom 3:47

Lu nhôn đei hloi tơdrong hli tơrơ, Hơlŭng tơdrong pơlôch păng hư răm.

Nhom 2:2

Kră Yang pơrăm boih, ưh pă đei mơnat, đĭ-đăng anih Jakôp oei. Đơ̆ng tơdrong Sư hil teh pơchah kơđông kơjăp kon adruh Juđa; Sư teh tơjruh tơ teh, pơm kơ lu teh đak sư hăm lu kră pơgơ̆r lăm char sư mơlâu.

Je 34:22

Kră Yang khan: “'Nâu Inh gô chông lu sư brŏk hơlơ̆k blah pơlei âu; lu sư gô soh pơlei 'nâu, Inh gô ăn đĭ-đăng lu pơlei lăm char Juđa jing juơ, ưh kơ đei bơngai oei.”

Je 26:18

Mika pơlei Môrêsêt, bơngai khan lê̆ adrol lăm chăl Hesekia, pơtao đe Juđa, kư̆m đei khan lê̆ adrol hăm lu bơngai Juđa: ‘Kră Yang Tih Hloh khan: Siôn đe gô choh rơuơ thoi chŭn, Jêrusalem gô pơchah răm jing juơ, păng kông đe man hnam akŭm jing bri kơdrơ̆ng.’

Je 25:11

Jơ̆p kơ teh âu jing juơ, đĭ kon pơlei lăm dêh char âu gô bơ̆jang kơ pơtao Babilôn lăm tơpơh-jĭt sơnăm.”

Horiso 79:1

Ơ Kră Yang 'Bok Kei-Dei, lu bơngai tơmoi blah iŏk boih teh đak Ih. Pơm mơgrĭ kơ hnam akŭm Ih păng pơm kơ Jêrusalem hĕch hoch đĭ.

Mi 6:16

Yua kơ lu iĕm oei bơwei tơdrong juăt Ômri păng đĭ-đăng tơdrong jang Ahap; lu iĕm yak kiơ̆ lu sư chă đon pơm kơnê̆, Inh gô pơrăm lu iĕm, na ăn kơ kon pơlei pơla lu iĕm đe gô pơjăm, lu iĕm gô pŭ iŏk tơdrong mơlâu đơ̆ng kon pơlei pơla Inh pơjăm.

Mi 1:6

Thoi noh Inh gô pơm kơ pơlei Samari thoi hla đuih lăm bri, thoi anih mơ̆r đe pơtăm hơmu păng kư̆m gô pơm kơ lu tơmo đơ̆ng noh grŏl pơđĭ tơ lăm thŭng păng gô pơdră dôm hơnă sư tơ 'nguaih.

Je 26:9

“Liơ ih pơ̆n yua anăn Kră Yang pơma lê̆ adrol khan: Hnam akŭm âu gô thoi Silô, pơlei âu gô juơ ưh kơ đei bơngai oei?” Na đĭ-đăng kon pơlei akŭm wang Jêrêmi lăm hnam Kră Yang.

Je 25:18

Pơlei tih Jêrusalem păng lu pơlei lăm char Juđa, ăn kơ lu pơtao lu yŏng pơgơ̆r, pơm ăn kơ lu sư răm jing rơ̆m rĕk, đe pơjăm đe blei hiap, đe lăng lu sư 'brơ̆ krưp thoi hrei 'nâu.

Êsai 44:26

Kră Yang pơsĭt nơ̆r lu đĭch đam sư pơma, păng pơsĭt trŏ hloi dôm nơ̆r lu bơngai pơtruh nơ̆r Sư; pơma gah pơlei Jêrusalem khan: “Gô đei bơngai oei lăm noh” păng pơma gah lu pơlei Juđa khan: “Gô pơjing ming,” Inh gô tơiung ming dơ̆ng lu anih đĭ juơ.

Ne 4:2

Sư khan 'bơ̆t anăp lu 'nhŏng oh sư păng lu linh char Samari; lu bơngai Juđa rơdu tơrăn ei pơm kiơ? Lu sư tơchĕng khan kĕ man ming dur pơlei ei hă? Lu sư khan wă pơyơ̆r tơmam soi hă? Lăm minh năr lu sư gô pơm keh hă? Tơmo đêl ŭnh sa đĭ boih, lu sư hăm wă gơh iŏk đĭ jing 'mui teh pơm pơjing thoi tơmo dơ̆ng hă?

Tơdrông Tơ'bôh 18:2

Sư pơma 'bơ̆r re kơ đe thoi âu: “Pơlei Babilôn, pơlei tih dêh, pơchah răm boih, ăn ngôi kơ yang sơmăt mă đe anăn yang kơnê̆ oei, păng đĭ lu sem brem sem păr pơm tơpu oei hơdai lăm noh 'mê̆-'mach dêh.

Lêwi 26:32

Inh gô pơrăm char iĕm, dĭng lu ayăt oei lăm noh lăng 'bôh 'băi hlĭch kơ tơdrong noh.

Horiso 44:19

Mă Kră Yang pơrăm nhôn lăm anih lu kŏ bri. Klơ̆p lê̆ lu nhôn hăm măng mu.

Je 1:15

'Nâu Kră Yang khan: “Inh gô krao lu adrĕch adrung đơ̆ng dêh char gah yă-nơ̆m,” Lu sư gô truh, rim 'nu lu sư kư̆m gô pơdơ̆ng anih pơtao lu sư tơ 'măng jang pơlei Jêrusalem; wă pơrăm dur tăp dăr kơ pơlei păng pơrăm đĭ lu pơlei lăm char Juđa.

Je 4:27

Kră Yang khan: “Đĭ kơ dêh char gô juơ tơtŭng mă-lei Inh ưh tam pơrăm đĭ ôh.

Je 44:2

Kră Yang Tih Hloh 'Bok Kei-Dei Isơrael, khan: “Ih 'bôh boih tơdrong răm mă Inh tuh tơ pơlei Jêrusalem păng lu pơlei lăm dêh char Juđa. Lăng to lu pơlei noh dang ei oei jing bri juơ ưh kơ đei bơngai oei,

Je 49:33

“Tơring char Hasor jing anih ăn kơ kŏ bri oei ling-lang, Jing juơ tơtŭng hlŏng hloi. Ưh kơ đei bu oei tơ noh, ưh pă đei bơngai bu dơ̆ng pơm anih oei tơ noh!

Je 50:3

Đei dêh char đơ̆ng yă-nơ̆m blah sư, Pơm kơ dêh char noh jing juơ tơtŭng. Tơ noh pă đei bơngai oei, Mă kon bơngai păng lu kon sem brem kơdâu jăk đĭ.”

Nhom 1:4

Lu trong năm tơ pơlei Siôn bơsĕl, yua kơ ưh kơ đei bu năm ngôi lăm năr giĕng tih. Rim 'măng jang đĭ juơ; lu 'bok soi tơtok tơtăm; Lu adruh hle pơmat-tat, lu sư bơih wă pŭ iŏk pơmat-tat dêh.

Both 29:23

'Bôh jơ̆p-jang kơ dêh 'nâu răm đĭ ŭnh păng 'boh sa đĭ teh ưh pă gơh rei pơtăm, ưh kơ đei kiơ gơh bluh chăt, ưh kơ đei minh tơnơm kiơ gơh chăt, nhen thoi pơlei Sôđôm Gômôrơ, Atma păng Sêbôlim, pơlei mă Kră Yang hil mĭl krưp pơlôch pơrăm lê̆ boih.

Horiso 107:43

Lu bơngai mă hlôh wao gơh hơgei 'blŏk kơ tơdrong 'nâu. Păng tơchĕng răk tơdrong 'mêm Kră Yang.

Je 8:22

Lăm dêh Gileat hăm pă đei 'long pơgang pơklaih rơka ưh? Hăm pă đei 'bok pơgang tơ noh? Liơ mă rơka lu kon pơlei inh ưh kơ klaih?

Je 16:10

Layơ ih roi ăn kơ đĭ-đăng kon pơlei dôm tơdrong âu, tơpă lu sư gô jet ih: ‘Liơ Kră Yang roi tơbăt ăn wă đei tơdrong răm truh kơ lu nhôn? Lu nhôn pơm tơdrong yoch kiơ? Lu nhôn đei pơm tơdrong glăi kiơ hăm Kră Yang 'Bok Kei-Dei lu nhôn?’