Je 8:16 - Sơ̆p Hlabơar Nơ̆r 'Bok Kei-Dei

¹⁶ Đơ̆ng tơring Đan, đe kơtơ̆ng aseh hmoi; wă kơtơ̆ng aseh ôr, đĭ-đăng jơ̆p kơ teh đak pơpơ̆; Lu sư truh wă pơrăm teh hăm lu tơmam lăm noh, lu pơlei tih hăm lu bơngai oei lăm pơlei noh.”

Je 8:16 Referans Kwoze

Lu 18:29

Lu sư krao anăn pơlei noh Đan, kiơ̆ anăn 'bok sư, Đan kon drŏ-nglo Isơrael; đe krao pơlei 'noh sơ̆ Lais.

Lu 5:22

Re jơwa kơchôp aseh, mơdrâp mơdrăp, Lu aseh hrơ̆t kơdâu hăt hot tơ jơ̆p-jang anih.

I Kor 10:28

Mă-lei dah đei bơngai lui 'bơ̆t noh sư khan: “'Nhĕm 'noh 'nhĕm sư sơmah kơ yang.” Dah iĕm kơtơ̆ng thoi noh lei iĕm 'nĕ pă sa, yua kơ bôl bơ̆n tơchĕng yoch dah bơ̆n sa.

I Kor 10:26

yua kơ lăm sơ̆p hla bơar 'Bok Kei-Dei đe chih khan thoi âu: “Plĕnh teh păng dôm tơmam lăm plĕnh teh, tơmam 'Bok Kei-Dei ngăl.”

Habakuk 3:10

Lu đak glung ro hrĕnh! Kơdâu ôn tơ nai, Hơlŭng jrŭ ôr hơdrăi, kơđĕl dơsĭ yơ̆r ti kơjung thuơ.

Na 3:2

Đe kơtơ̆ng re sơnguĕt, jơwa đơ̆ng jơ̆ng gre; aseh hrơ̆t kơdâu dơhrông, gre kơdâu hrĕnh kuăng.

Je 47:3

Lăp kơtơ̆ng jơ̆ng aseh kơdâu re mơdrâp mơdrăp, Gre aseh lu ayăt jơwa ơ-ŭr ơ-ăr, Jơ̆ng gre aseh re dơdĭng dơdăng. Mĕ 'bă pă wêr kon sâu lu sư, lu sư jơ̆ng ti lu sư tơtơ̆ tơtuei tơtuônh.

Je 10:25

Tuh bĕ tơdrong Ih hil mĭl kơ lu dêh char, Lu dêh char mă ưh kơ băt kơ Ih, Păng lu adrĕch adrung mă ưh kơ krao khan hăm anăn Ih. Yua kơ lu sư pơrăm boih Jakôp, Lu sư pơlôch pơrăm sư, Lu sư pơrăm dêh char sư.

Je 6:23

Lu sư chĕp hră păng tơju, lu sư minh adrĕch kơnê̆ nuih kơtang, ưh kơ đei băt mơnat, jơwa jơ̆ng lu sư yak nhen thoi đak dơsĭ poh-yă; lu sư hao aseh, lu sư săp pơrĕng thoi minh khŭl wă năm blah ih, Ơ kon adruh Siôn.”

Je 4:24

Inh lăng tơ lu kông; kông pơpơ̆ tơdrŏ ngăl, lu groi kư̆m tơdrŏ.

Horiso 24:1

Teh păng dôm tơmam kơpal teh, Teh đak păng lu bơngai oei tơ lăm noh. Tă kơ tơmam Kră Yang ngăl.

Lu 20:1

Đơ̆ng 'noh đĭ-đăng lu bơngai Isơrael akŭm băl, đơ̆ng Đan truh tơ Bêrsêba păng đơ̆ng dêh Gileat. Akŭm băl minh jơhngơ̆m đon thoi minh 'nu 'bơ̆t anăp Kră Yang tơ pơlei Mispa.

Jop 39:20

Ih hăm pơm kơ sư pơplŏng thoi lep, Aseh hmoi heh heh hăm pơm kơ đe hli?

Je 3:24

Đơ̆ng lu nhôn oei 'lơ̆p, tơdrong mơlâu sa pơrăm lê̆ đĭ, dôm tơdrong jang đei đơ̆ng 'bok yă lu nhôn, lu triu, rơmo, kon drŏ-nglo, kon drŏ-kăn lu sư.

Je 5:17

Lu sư gô luăn sa phe 'ba lu iĕm, luăn sa lu kon drŏ-nglo drŏ-kăn iĕm, lu sư gô 'buh sa triu păng rơmo lu iĕm. Gô phĕ sa plei hơmu păng plei hơra lu iĕm. Lu sư gô iŏk đao koh pơrăm lu pơlei tih kơjăp mă lu iĕm gơnang hơđơ̆ng.”

Je 30:5

'Nâu Kră Yang khan: “Inh đei kơtơ̆ng boih nơ̆r ôr krao hli tơrơ, ưh kơ đei hiôk-hian.

Je 30:16

Mă-lei đe bu kăp sa iĕm đe gô kăp sa lu sư; lu bơngai ayăt kơ iĕm gô jing bơnă; bu mă tơgar iŏk tơtông tơmam đơ̆ng iĕm, đe kư̆m gô blah tơgar iŏk đơ̆ng lu sư.”

Je 50:42

Lu sư chĕp hră, tơju, khĕnh dêh ưh kơ đei băt mơnat. Jơwa re lu sư thoi đak dơsĭ poh-yă; lu sư hao aseh. Lu sư hơmet lê̆ thoi linh năm tơblah wă tơblah hăm ih. Ơ kon adruh Babilôn.

Je 51:29

Teh đak pơpơ̆ pơpol, yua kơ Kră Yang wă pơm. Pơm kơ dêh char Babilôn jing char glă, Ưh pă đei bơngai oei.

Je 4:7

Dăm-brang lĕch boih đơ̆ng anih sư, lu bơngai chă pơrăm dêh char đe, pơtơm lĕch đơ̆ng anih lu sư boih wă pơrăm pơm ăn kơ teh âu jing bri brah, Lu pơlei tih iĕm jing juơ, pă đei bơngai oei.