Je 8:12 - Sơ̆p Hlabơar Nơ̆r 'Bok Kei-Dei

¹² “Trŏ kơ lu sư mơlâu pơm tơdrong kơnê̆ krưp, mă-lei lu sư ưh kơ băt mơlâu, Kŭm ưh kơ băt hlơ̆l lĕm. Thoi noh na lu sư gô huŏng pơ̆k hơdai lu bơngai mă pơ̆k huŏng; truh năr wă phak lu sư gô pơ̆k răm,” noh Kră Yang khan.

Je 8:12 Referans Kwoze

Je 3:3

Thoi noh na Inh pơgăn lê̆ đak 'mi, đak 'mi kư̆m pă đei lăm bơyan rei pơtăm. Lei ră ih ưh kơ đei mơlâu pơm 'mơng thoi drŏ-kăn ngôi kư̆ kă.

Je 6:15

Lu sư pơm yoch kơnê̆ dêh hăm mơlâu ưh? Lu sư ưh kơ đei mơlâu ôh, muh măt lu sư ưh kơ đei layơ đum rak mơlâu. Kŭm ưh kơ băt mơlâu noh kiơ. Lei na lu sư gô pơ̆k hơdai hăm lu bơngai mă pơ̆k huŏng; truh năr Inh phak pơmat lu sư, lu sư gô hraih đang.” Kră Yang khan thoi noh.

Êsai 3:9

Muh măt lu sư tơ'bôh pơdah blah plơ̆ kơdih akâu lu sư; lu sư pơdah tơdrong yoch lu sư kơdih thoi pơlei Sôđôm, ưh kơ gơh ôn hlơp ôh, Răm-'băm dêh kơ bơhngol lu sư, yua kơ lu sư ba tơdrong răm kơdih akâu.

Horiso 52:7

“To, bơngai mă ưh kơ gơnang kơ Kră Yang 'Bok Kei-Dei wei sư pran kơjăp. Mă-lei gơnang kơ tơdrong sư mơdrŏng.c Wă pơm kơ sư kơjăp lăm tơdrong sư pơm kơnê̆!”

Jêphania 3:5

Kră Yang oei tŏk-bŏk sư jơ̆ tơdrong tơpăt, ưh kơ đei pơm kơnê̆, rim pơgê sư pơdah tơdrong tơpăt Sư, tơ hơdah ưh kơ đei layơ ưh. Mă-lei lu bơngai kơnê̆ ưh kơ băt mơlâu.

Horiso 52:1

Ơ bơngai nuih pran, liơ ih pơang kơdih tơdrong kơnê̆. Tơdrong 'mêm mơnat Kră Yang 'Bok Kei-Dei oei oei ling-lang.

Both 32:35

Tơdrong pơm 'mong gô lê̆ kơ Inh, Inh gô pơm tôm. Trŏ năr jơ̆ng lu sư tơsĕr pơ̆k. Tơdrong răm wă jê̆ truh kơ lu sư bơih. Tơdrong pơlôch lu sư, gô truh tĕnh.

Philip 3:19

Lu sư pơm thoi noh, ning-mônh 'Bok Kei-Dei phak pơmat lu sư dêh. Lu sư 'mêm kơ klak lu sư, rŏ kơ klak yŏng na pơm thoi noh. Lu sư chă pơang kơ đe kiơ̆ tơdrong mă đe mơlâu. Đon lu sư tơchĕng ling-lang gah tơdrong ala teh.

Hôsia 5:9

Char Êphraim jing anih juơ lăm năr đei tơdrong bơtho pơjĭ; tơ adrĕch Isơrael Inh tơbăt tơdrong 'nâu truh sĭt.

Êsai 24:2

'Bok soi kư̆m thoi kon pơlei, yŏng tơ'ngla jing thoi đam sư, yă yŏng tơ'ngla kư̆m thoi đam drŏ-kăn sư, bơngai tĕch kư̆m thoi bơngai răt, bơngai ăn mưng kư̆m thoi bơngai iŏk mưng, bơngai đe hre kư̆m thoi bơngai oei hre.

Je 6:21

Yua kơ thoi noh Kră Yang khan: “'Nâu Inh gô găn anăp lu sư wă kơ lu sư pơ̆k. 'Bă păng kon drŏ-nglo lu sư gô răm; buăl juăt rông 'bôt lu sư gô lôch hiong đĭ.”

Je 10:15

Lu rup yang ưh kơ đei yua kiơ, chă hơlĕnh đĕch, Truh năr sek tơlang kơnh gô pơrăm đĭ.

Je 44:10

Dĭng truh tơ năr 'nâu lu sư ưh kơ wă chu tơbral, ưh kơ hli yom, ưh kơ wă arih kiơ̆ khôi juăt păng tơdrong juăt Inh mă đei ăn boih kơ lu iĕm hăm lu 'bok yă lu iĕm.”

Êsêkiên 23:18

Kơplah sư pơdah ngôi kư̆ kă, tơ'bôh tơdrong koh hoh sư, na Inh achăng lê̆ sư, thoi Inh achăng lê̆ mŏ sư.

Bl 19:34

Na năr dơning dơ̆ng, mŏ sư khan kơ oh sư: “'Nâu măng hei inh 'bĭch hăm 'bă boih; na ba kư̆m athei hling tơdrô gai 'bă dơ̆ng, na lê̆ e năm 'bĭch hăm 'bă, wă kơ đei adrĕch ioi đơ̆ng 'bă.”

Je 14:15

Thoi noh Kră Yang khan: “Gah lu bơngai mă khan lê̆ adrol hơlĕnh, lu sư yua anăn Inh na khan lê̆ adrol Inh ưh kơ đei wơh, mă-lei lu sư khan. ‘Đao gưm hăm pơngot rơwĕt ưh kơ truh tơ dêh char âu ôh.’ Lu bơngai khan lê̆ adrol noh boih gô lôch kơ đao gưm păng pơngot rơwĕt.

Je 23:12

“Thoi noh trong lu sư yak jing rơbơ̆r, Inh gô pơpuh lu sư tơ lăm măng mu, păng gô pơ̆k 'bĭch hloi tơ noh. Truh boih sơnăm Inh wă sek phak lu sư, Inh pơrăm lu sư.” Noh Kră Yang khan.