Je 7:3 - Sơ̆p Hlabơar Nơ̆r 'Bok Kei-Dei

³ Kră Yang Tih Hloh 'Bok Kei-Dei bơngai Isơrael khan thoi âu: “Hơmet tơplih ming bĕ trong tơdrong arih lu iĕm păng tơdrong jang lu iĕm; lei na Inh ăn kơ lu iĕm oei oei lăm anih 'nâu.

Je 7:3 Referans Kwoze

Je 26:13

Na dang ei iĕm athei tơplih tơdrong arih iĕm păng tơdrong jang iĕm, mơ̆ng kiơ̆ bĕ nơ̆r Kră Yang 'Bok Kei-Dei lu iĕm, na Kră Yang gô tơplih đon tơdrong wă pơm kơ lu iĕm. Sư đei khan lê̆ adrol kơ lu iĕm băt.

Je 18:11

Na dang ei, khan bĕ kơ bơngai Juđa păng kon pơlei Jêrusalem, Kră Yang khan: ‘'Nâu, Inh wă iung pơrăm lu iĕm, Inh hơmet wă pơrăm lu iĕm. Rim 'nu athei weh đơ̆ng trong kơnê̆, hơmet ming tơdrong arih sa păng tơdrong pơm kơdih!’

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Tơdrông Pơđơk 28:13

Bơngai bu ôn tơdrong yoch sư ưh kơ đei pŭn hiôk; Mă-lei đei bu tơbral păng achăng lê̆ sư gô đei mơnat.

Ya 4:8

Iĕm năm jê̆ 'Bok Kei-Dei na 'Bok Kei-Dei oei jê̆ iĕm. Ơ lu bơngai yoch, 'nĕ pă pơm dôm tơdrong yoch iĕm juăt kơ pơm. Ơ lu bơngai đon 'bar pah, 'nĕ pă tơchĕng dôm tơdrong kơnê̆.

Je 35:15

Inh đei lơ wơ̆t boih wơh đĭch đam Inh, lu bơngai khan lê̆ adrol năm khan kơ lu iĕm: Dang ei ăn đĭ kơ lu iĕm weh bĕ đơ̆ng yoch, tơplih bĕ tơdrong lu iĕm pơm; păng kư̆m 'nĕ kơ kiơ̆ lu yang nai, lei na lu iĕm gơh mơ̆t oei tơ lăm char mă Inh gô ăn kơ lu iĕm păng kơ 'bok lu iĕm. Mă-lei lu iĕm ưh kơ wă pơgling đon mơ̆ng kiơ̆ Inh.

II Pot 17:13

Mă-lei Kră Yang yua 'bơ̆r lu bơngai khan lê̆ adrol păng băt lê̆ adrol na lu sư bơtho khan kơ lu bơngai Isơrael păng lu bơngai Juđa băt: “Weh bĕ đơ̆ng trong kơnê̆ lu iĕm, athei wei răk nơ̆r Inh tơtă, păng wei răk tơdrong juăt Inh, kiơ̆ thoi dôm tơdrong juăt Inh tơtă mă Inh yua bơih 'bơ̆r lu bơngai khan lê̆ adrol bơngai đĭch đam Inh na bơtho kơ lu yă 'bok lu iĕm.”

Je 4:1

Kră Yang khan: “Ơ Isơrael, tơdah ih wă wih brŏk tơ Inh, wih brŏk tơ Inh bĕ, Tơdah ih hŭt lê̆ dôm tơmam kơkuh kơ yang kơnê̆ đơ̆ng anăp Inh, Păng ih huay pă weh tơ nai dơ̆ng.

Je 18:8

Mă-lei tơdah adrĕch adrung mă Inh roi noh achăng lê̆ tơdrong yoch lu sư kơdih, lei Inh gô tơplih đon Inh mă wă pơrăm lu sư noh.

Esơra 10:11

Thoi noh dang ei, tơbral bĕ tơdrong yoch iĕm kơ Kră Yang Kră Yang 'Bok Kei-Dei 'bok lu iĕm păng pơm kiơ̆ kơ Sư lăp đon; athei weh bĕ đơ̆ng lu adrĕch tơmoi lăm dêh âu păng đơ̆ng lu bơngai tơmoi mă lu iĕm iŏk pơm akăn.

Je 6:16

Kră Yang khan: “Dơ̆ng bĕ tơ rok trong na răp lăng; Chă jet trong so, trong ayơ 'lơ̆ng yak kiơ̆ bĕ trong noh, Na chă ăn kơ bơhngol lu iĕm pơdơh hiôk.” Mă-lei lu sư khan: “Lu nhôn ưh kơ yak kiơ̆ ôh trong noh.”

Je 17:25

lei na lu pơtao hơ-oei tơ tang-dŏ pơtao Đawit gô hao gre aseh hao aseh hơdai hăm lu yŏng pơgơ̆r, lu bơngai Juđa hăm lu kon pơlei oei lăm Jêrusalem mơ̆t trong 'măng dur pơlei 'nâu; păng pơlei 'nâu oei đei bơngai oei ling-lang.

Je 35:16

Tơpă kon sâu Jônađap, kon drŏ-nglo Rêkap mơ̆ng boih dôm nơ̆r đơ̆ng 'bok lu sư bơtho khan, mă-lei lu kon pơlei 'nâu ưh kơ chu mơ̆ng nơ̆r Inh ôh.’