Je 7:24 - Sơ̆p Hlabơar Nơ̆r 'Bok Kei-Dei

²⁴ Mă-lei lu sư ưh kơ wă mơ̆ng nơ̆r Inh kư̆m kuă kơ pơgling đon mơ̆n, lu sư arih kiơ̆ kơdih wă kiơ̆ kơ jơhngơ̆m kơnê̆, arăng kơ̆l, lu sư kơdŭn tơ rŏng ưh kơ năm tơ anăp.

Je 7:24 Referans Kwoze

Je 8:5

Lei liơ kon pơlei âu jrok hloi? Liơ kon pơlei Jêrusalem wơ̆l jrok ling-lang? Lu sư rôp kơjăp tơdrong hơlĕnh, sơngah kuă kơ wih brŏk.

Je 7:26

Mă-lei lu sư arăng kơ̆l ưh kơ wă mơ̆ng Inh, kư̆m ưh kơ wă pơgling đon mơ̆n, lu sư rai pơm kơnê̆ hloh kơ lu 'bok yă sư.

Both 29:19

Bơngai bu kơtơ̆ng dôm nơ̆r pơkă pơkăm lăm tơdrong pơgơ̆p 'nâu, 'nĕ sơkat pŭn hiôk kơdih 'nâu, 'nĕ kơ đei lăm jơhngơ̆m tơchĕng khan: Inh gô oei arih sa kiơ̆ tơdrong inh kơdih kư̆m bưh, huay kơ đei kiơ. Pơm thoi noh pơrăm iĕm kư̆m thoi teh hơiuh hăm teh hrĕng kro.

Êsêkiên 20:13

Mă-lei adrĕch Isơrael blah inh lăm char glă. Lu sư ưh kơ pơm kiơ̆ khôi juăt Inh, sơngah kơ nơ̆r inh tơtă, noh tơdrong mă bơngai bu pơm kiơ̆ gô arih; lu sư kư̆m pơm yoch 'mê̆-'mach lăm năr Sa'bat Inh dơ̆ng. Inh khan wă tuh tơdrong Inh hil mĭl tơ lu sư lăm char glă.

Je 32:33

Lu sư ưh kơ hue lăng Inh, tơwih kơ Inh rŏng. Mă khan Inh oei adrin bơtho lu sư, mă-lei lu sư kuă kơ mơ̆ng, kuă kơ chu kiơ̆ nơ̆r Inh bơtho khan.

Hôsia 4:16

Lu bơngai Isơrael kơchu thoi rơmo akăn kơchu, na thoi yơ Kră Yang wă 'me rong lu sư thoi kon triu lăm tơmăn 'nhĕt să.

Êsêkiên 20:21

Mă-lei lu kon sâu lu sư blah Inh; ưh kơ chu kiơ̆ khôi juăt Inh, ưh kơ wei răk nơ̆r Inh tơtă lu tơdrong mă tơdah bu pơm kiơ̆ gô arih; lu sư kư̆m pơm yoch 'mê̆-'mach lăm năr Sa'bat Inh. Thoi noh Inh khan bơih gô tuh tơdrong hil mĭl Inh tơ lu sư păng tơdrong blĕk Inh phak lu sư lăm char glă.

Êsêkiên 20:8

Mă-lei lu sư oei blah Inh, ưh kơ wă mơ̆ng Inh, ưh kơ hŭt lê̆ rup yang kơnê̆ krưp mă măt lu sư 'maih lăng; kư̆m ưh kơ hŭt lê̆ lu rup yang Êyiptơ. Yua kơ thoi noh Inh khan Inh gô tuh tơdrong Inh hil tơ lu sư, wă kơ hrăp tơdrong Inh blĕk kơ lu sư tơ lăm char Êyiptơ.

Je 15:6

Kră Yang khan: “Ih sơngah achăng lê̆ Inh boih. Ih kư̆m oei kơdŭn tơ rŏng, Na Inh gô yơ̆r ti pơrăm ih; Inh ưh pă đei mơnat boih kơ ih.

Je 3:17

Kơplah lăm năr noh đe gô krao pơlei Jêrusalem jơ̆ tăng dŏ pơtao Kră Yang păng rim kơ adrĕch adrung gô akŭm tơ pơlei Jêrusalem, lăm anăn Kră Yang. Ưh pă đei bu arăng kơ̆l kiơ̆ kơ jơhngơ̆m kơnê̆ lu sư dơ̆ng.

Je 2:27

Lu sư khan kơ 'long, ‘Ih boih 'bă inh,’ khan kơ tơmo, Ih boih pơjing kơ inh. Lu sư tơwih rŏng kơ Inh, ưh kơ tơwih gah muh măt; Mă-lei kơplah lu sư đei tơdrong rŭng răng, lu sư khan: ‘Iung na pơklaih nhôn bĕ!’

Ne 9:29

Ih pơma chrih kơ lu sư, wă kơ chông lu sư wih brŏk dơ̆ng tơ khôi juăt Ih lei ră lu sư kư̆ pơang kuă kơ mơ̆ng dôm lu khôi juăt Ih, pơm glăi kơ tơdrong juăt Ih. Tơdrong juăt mă tơdah bơngai bu chu pơm kiơ̆ gơh đei tơdrong arih; lu sư arăng kơ̆l wih rŏng ưh kơ wă pơm kiơ̆.

Êsêkiên 20:16

Inh pơm thoi noh yua kơ lu sư ưh kơ chu kiơ̆ nơ̆r inh tơtă, ưh kơ chu kiơ̆ khôi juăt inh păng pơm yoch pơ'mê̆ lăm năr Sa'bat inh; pơm kiơ̆ kơkuh kơ rup yang lu sư.

Je 23:17

Lu sư hrăn pơma roi kơ lu bơngai areh kơ Inh: ‘Kră Yang khan: Lu iĕm gô đei hiôk-hian.’ Lu sư pơma roi kơ đĭ lu bơngai arăng kơ̆l kiơ̆ thoi lu sư wă kơdih. ‘Ưh kơ đei tơdrong răm kiơ truh kơ iĕm ôh.’

Je 9:14

Mă-lei lu sư yak kiơ̆ jơhngơ̆m arăng lu sư kơdih, na kiơ̆ lu yang Baal, kiơ̆ thoi 'bok yă lu sư bơtho ăn boih kơ lu sư.”

Je 13:11

Pơtih thoi che tơ̆n kơiĕng klep tơ kơiĕng rim 'nu bơngai thoi yơ, Inh gô ăn kơ đĭ-đăng adrĕch adrung bơngai Isơrael, hăm adrĕch Juđa klep tơ Inh thoi noh, wă kơ lu sư jing kon pơlei pơla Inh, wă ư-ang, kơ Inh wă kơkuh bơnê kơ Inh. Mă-lei lu sư kuă kơ mơ̆ng Inh.”

Je 16:12

Gah lu iĕm kư̆m yoch kơnê̆ hloh kơ lu yă 'bok lu iĕm sơ̆, yua kơ rim 'nu lu iĕm yak kiơ̆ trong jơhngơ̆m kơnê̆ păng arăng kơ̆l lu iĕm, ưh pă wă mơ̆ng nơ̆r Inh.

Je 17:23

Mă-lei, lu sư ưh kơ wă mơ̆ng; ưh kơ wă pơgling đon; arăng kơ̆l ưh kơ wă mơ̆ng păng kư̆m ưh kơ wă chu Inh bơtho.”

Je 18:10

Tơdah adrĕch adrung noh pơm yoch ưh kơ wă mơ̆ng nơ̆r Inh, na Inh kư̆m tơplih tơdrong Inh pơkă khan wă tuh ăn pŭn hiôk kơ lu sư noh.

Je 18:12

Mă-lei lu sư oei khan: ‘Măk ai kơ nhôn. Lu nhôn oei kiơ̆ kơ đon nhôn kơdih, rim 'nu kư̆ kiơ̆ kơ jơhngơ̆m đon arăng kơnê̆ kơdih.’ ”

Je 35:15

Inh đei lơ wơ̆t boih wơh đĭch đam Inh, lu bơngai khan lê̆ adrol năm khan kơ lu iĕm: Dang ei ăn đĭ kơ lu iĕm weh bĕ đơ̆ng yoch, tơplih bĕ tơdrong lu iĕm pơm; păng kư̆m 'nĕ kơ kiơ̆ lu yang nai, lei na lu iĕm gơh mơ̆t oei tơ lăm char mă Inh gô ăn kơ lu iĕm păng kơ 'bok lu iĕm. Mă-lei lu iĕm ưh kơ wă pơgling đon mơ̆ng kiơ̆ Inh.

Hôsia 10:6

Sĭt tơpă đe gô tung ba rup 'noh tơ char Asiri pơm tơmam thuê̆ pơyơ̆r ăn kơ pơtao tơm Jarep. Lu bơngai Êphraim kơdơ̆, lu bơngai Isơrael gô mơlâu kơdih akâu.

Mi 6:16

Yua kơ lu iĕm oei bơwei tơdrong juăt Ômri păng đĭ-đăng tơdrong jang Ahap; lu iĕm yak kiơ̆ lu sư chă đon pơm kơnê̆, Inh gô pơrăm lu iĕm, na ăn kơ kon pơlei pơla lu iĕm đe gô pơjăm, lu iĕm gô pŭ iŏk tơdrong mơlâu đơ̆ng kon pơlei pơla Inh pơjăm.

Horiso 81:13

Ơ! Rŏ kơ lu kon pơlei Inh oei mơ̆ng Inh. Rŏ kơ Isơrael chu yak kiơ̆ trong Inh!

Je 3:13

‘Kư̆ mă ih chu pŭ iŏk tơdrong yoch. Tơdrong mă iĕm blah Kră Yang 'Bok Kei-Dei iĕm; iĕm chă hưch kơ lu yang nai ala tơm 'long hla hơmŭl, păng ưh pă chu yom kơ nơ̆r Inh,’ ” Kră Yang khan.

Je 6:16

Kră Yang khan: “Dơ̆ng bĕ tơ rok trong na răp lăng; Chă jet trong so, trong ayơ 'lơ̆ng yak kiơ̆ bĕ trong noh, Na chă ăn kơ bơhngol lu iĕm pơdơh hiôk.” Mă-lei lu sư khan: “Lu nhôn ưh kơ yak kiơ̆ ôh trong noh.”

Je 13:10

Kon pơlei kơnê̆ âu sơngah boih kuă kơ mơ̆ng nơ̆r Inh athei, arih pơm kiơ̆ kơ jơhngơ̆m arăng lu sư kơdih wă, kơkuh awih awăn kơ yang nai; na lu sư jing thoi che tơ̆n kơiĕng âu, ưh pă gơh wă yua pơm kiơ dơ̆ng.

Je 17:9

Jơhngơ̆m kon bơngai hơlĕnh pơdăr hloh kơ đĭ-đăng, păng kơnê̆ răm tơpă; Bu kĕ băt jơhngơ̆m kon bơngai?

Je 22:21

Inh đei bơtho khan boih kơ ih kơplah ih hiôk jơnap, mă-lei ih khan Inh ưh kơ wă mơ̆ng ôh. 'Nâu tơdrong ih đei pơm boih đơ̆ng ih oei 'lơ̆p sơ̆, ih oei ưh kơ wă mơ̆ng nơ̆r Inh.

Je 32:23

Lu sư iŏk boih teh đak âu jang sa mă-lei ưh kơ chu kiơ̆ nơ̆r Ih, ưh kơ arih kiơ̆ tơdrong juăt Ih păng ưh kơ pơm dôm tơdrong kiơ mă Ih đei bơtho tơtă wă kơ pơm. Yua kơ thoi noh na Ih đei ăn tơdrong gleh âu truh tơ lu sư.

Da 9:6

Lu nhôn ưh kơ mơ̆ng lu đĭch đam Ih wă khan lu bơngai khan lê̆ adrol, yua anăn Ih na khan kơ pơtao, lu kuan tih, lu 'bok yă nhôn păng đĭ kon pơlei kơpal teh.

Sa 7:11

Mă-lei lu sư ưh kơ wă mơ̆ng, tơwih rŏng păng chĭt lê̆ đon kuă kơ mơ̆ng.