Je 6:14 - Sơ̆p Hlabơar Nơ̆r 'Bok Kei-Dei

¹⁴ Lu sư hơmet rơka kon pơlei Inh 'bơ'biơ̆ đĕch na khan hiôk-hian hiôk-hian; mă tơpă ưh kơ đei hiôk-hian ôh.

Je 6:14 Referans Kwoze

Êsêkiên 13:10

Lu sư hơlĕnh pơm kơ kon pơlei Inh wơ̆l jrok hăm nơ̆r sư khan, “Hiôk-hian,” mă-lei ưh kơ đei hiôk-hian. To, kon pơlei Inh man dur ưh kơ kơjăp, âu lu sư hơlĕnh bah hăm chŭr kok.

Je 23:17

Lu sư hrăn pơma roi kơ lu bơngai areh kơ Inh: ‘Kră Yang khan: Lu iĕm gô đei hiôk-hian.’ Lu sư pơma roi kơ đĭ lu bơngai arăng kơ̆l kiơ̆ thoi lu sư wă kơdih. ‘Ưh kơ đei tơdrong răm kiơ truh kơ iĕm ôh.’

Je 4:10

Inh khan: “Ơ Kră Yang! Tơpă Ih đei hơlĕnh boih kơ lu kon pơlei âu păng pơlei Jêrusalem Ih khan: Lu iĕm gô đei hiôk-hian! Mă-lei pla đao 'bơm tơ hơko nhôn boih.”

Nhom 2:14

Lu bơngai khan lê̆ adrol iĕm 'bôh boih tơdrong hơlĕnh păng chă pơhlŭ iĕm. Lu sư ưh kơ đei tơ'bôh tơdrong yoch iĕm ôh, wă kơ lu iĕm huay kơ pơm bơnă. Tơ'bôh ăn kơ lu iĕm khan lê̆ adrol hơlĕnh păng chă pơhlŭ wă pơrăm iĕm.

Je 14:13

Inh khan: “Ơ Kră Yang Tih Hloh, lu bơngai khan lê̆ adrol ling-lang khan kơ lu sư, ‘Lu iĕm ưh kơ đei 'bôh đao gưm, kư̆m huay kơ đei pơngot rơwĕt truh mơ̆n, Inh gô ăn kơ lu iĕm đei rơnŭk rơnua ling-lang lăm dêh char âu.’ ”

II Pet 2:1

Kơplah noh sơ̆ đei lu bơngai mơ'nah hơlĕnh pơdăr khan sư bơngai pơtruh nơ̆r 'Bok Kei-Dei. Na đei 'bok bơtho lu iĕm mơ'nah dang ei kư̆m lei-lăi, lu sư mơ̆t chur tơ tŏk-bŏk lu iĕm pơm chă bơtho pơjing kơdih khan tơdrong 'Bok Kei-Dei. Tơdrong lu sư chă bơtho noh wă pơrăm lu bơngai lui đĕch păng lu sư sơngah kơ Yŏng bơ̆n Yêsu Krist tơ'ngla mă huai iŏk lu sư tăm. Lu sư pơm thoi noh, 'Bok Kei-Dei Sư ưh kơ anat ôh, Sư gô phak hloi tơpă.

Êsai 30:26

Măt khei gô hơdah rang nhen hơdah măt 'năr păng tơdrong hơdah măt 'năr gô hơdah hloh tơpơh wơ̆t, thoi tơdrong hơdah kơ tơpơh năr, lăm năr Kră Yang ming rơka jĭ kon pơlei Sư păng ming hơmet pơklaih đêl rơka Sư teh.

Mi 2:11

Tơdah đei bơngai bu kiơ̆ tơdrong hiong răm păng pơma hơlĕnh khan: Inh gô pơma khan lê̆ adrol kơ lu iĕm gah đak sik hơmu păng đak hơmu păng đak tơdrô, bơngai noh jing trŏ bơngai khan lê̆ adrol kơ kon pơlei 'nâu!

Êsêkiên 13:22

Yua kơ lu iĕm iŏk tơdrong hơlĕnh pơm kơ lu bơngai tơpăt rơdu sơ'ngon mă Inh tam pơm kơ lu sư rơdu sơ'ngon ôh, păng yua kơ lu iĕm pơhlŭ lu bơngai kơnê̆ wă kơ lu sư ưh kơ tơbral lê̆ trong kơnê̆, na gơh đei arih,

Je 14:17

Apinh ih khan kơ lu sư nơ̆r 'nâu: Ăn kơ măt inh lĕch đak măt ling-lang, Măng năr ưh kơ pơdơh, yua kơ kon adruh inh, kơ kon pơlei inh, răm-'băm jĭ rơka hơbur dêh, đe pơm jĭ pơmat dêh kơ lu sư.

Je 5:12

Lu sư hơlĕnh khan: Kră Yang. Ưh kơ đei pơm kiơ kơ lu bơ̆n ôh, Lu bơ̆n huay kơ 'bôh tơdrong răm truh ôh. Kŭm huay kơ tơ'bơ̆p tơdrong răm kơ đao gưm, pơngot rơwĕt.

Je 28:3

Lăm 'bar sơnăm đơ̆ng rŏng, dôm tơmam gĭt lăm hnam Kră Yang mă đêl Nebukatnessar pơtao Babilôn iŏk đơ̆ng anih âu ba tơ char Babilôn, na Inh gô iŏk pơdrâu tơ anih âu.’ ”

Êsai 1:6

Đơ̆ng tơpang jơ̆ng truh tơ kơpal kơ̆l, ưh kơ đei 'bơ̆t yơ 'lơ̆ng. Tă kơ pơ'ngeh đêl teh păng rơka pham ro, tam mă ôp hăm pơ̆n hơmet păng tam mă pik đak pơgang rơmă ôliwơ mơ̆n.

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.

II Sam 17:3

Inh gô chông ba đĭ-đăng kon pơlei pơla wih tơ ih; mưh lu sư wih brŏk đĭ, lăp minh 'nu mă ih oei druh chă noh đĕch; na đĭ-đăng kon pơlei pơla gô đei tơdrong hiôk rơnŭk.”

Êsai 30:10

Lu sư khan kơ lu bơngai đei tơdrong tơ'bôh: “'Nĕ pă 'bôh;” khan kơ lu bơngai khan lê̆ adrol: “'Nĕ pă khan lê̆ adrol kơ lu nhôn gah tơdrong sĭt. Pơma roi bĕ kơ lu nhôn tơdrong nhôn lăp đon chơt, roi bĕ kơ lu nhôn tơdrong 'bôh ưh kơ đei tơpă.

Êsêkiên 13:16

Noh lu 'bok khan lê̆ adrol Isơrael đei khan lê̆ adrol kơ pơlei Jêrusalem 'bôh tơdrong tơ'bôh hiôk-hian, mă ưh kơ đei hiôk-hian kiơ, Kră Yang Tih Hloh đei khan thoi noh.’ ”

Êsêkiên 14:9

“Tơdah đe pơhlŭ bơngai khan lê̆ adrol na sư khan lê̆ adrol pơma minh nơ̆r ayơ noh, Inh boih Kră Yang lê̆ kơ đe pơhlŭ bơngai khan lê̆ adrol noh, păng Inh gô yơ̆r ti pơm plơ̆ kơ sư păng pơlôch pơrăm lê̆ sư đơ̆ng lăm kon pơlei Isơrael Inh.

Mi 3:5

'Nâu jơ̆ nơ̆r Kră Yang khan gah lu bơngai khan lê̆ adrol, chông kon pơlei Inh na jrok trong, lu bơngai mă ăn rơnŭk rơnua tơmam sa lăm 'bơ̆r lu sư, lu sư khan: Wă tơblah hăm lu bơngai mă ưh kơ ăn tơmam sa kơ lu sư.