Je 6:13 - Sơ̆p Hlabơar Nơ̆r 'Bok Kei-Dei

¹³ “Iŏk đơ̆ng bơngai kơhlôh truh tơ bơngai hơgei, tă kơ chă lơi ngăl. Đơ̆ng lu bơngai khan lê̆ adrol truh tơ lu 'bok soi kư̆m sa pơgâm.

Je 6:13 Referans Kwoze

Je 23:11

“Đĭ lu bơngai khan lê̆ adrol hăm đĭ lu 'bok soi tă kơ pơm kơnê̆ dêh, Inh 'bôh boih lu sư pơm kơnê̆ truh tơ lăm hnam Inh hloi.” Noh Kră Yang khan,

Je 8:10

Thoi noh Inh gô ăn kơ đe nai iŏk akăn lu sư, chŭn mir lu sư kư̆m ăn kơ đe nai jang. Iŏk đơ̆ng lu bơngai pơm iĕ truh tơ lu bơngai pơm tih, tă kơ chă lơi kơdih ngăl. Đơ̆ng lu 'bok khan lê̆ adrol truh tơ lu 'bok soi, rim 'nu kơ lu sư tă kơ sa pơgâm ngăl.

Mi 3:11

Lu bơngai sek tơlang sek pơgâm, lu 'bok soi bơtho tơ'bôh yua kơ jên đe apah, bê̆ gah lu bơngai khan lê̆ adrol pơma tơ'bôh kư̆m yua kơ jên. Mă-lei lu sư pơm gơnang kơ Kră Yang na khan: Kră Yang ưh kơ oei lăm lu bơ̆n hă? Tơdrong răm huay kơ truh tơ lu bơ̆n ôh!

Je 22:17

Mă-lei măt păng jơhngơ̆m ih 'maih chă lơi, pơlôch lu bơngai ưh kơ đei yoch, păng 'maih chă rôp pơgŏ pơjuă pơđep pơm kơnê̆ dêh.

Mi 3:5

'Nâu jơ̆ nơ̆r Kră Yang khan gah lu bơngai khan lê̆ adrol, chông kon pơlei Inh na jrok trong, lu bơngai mă ăn rơnŭk rơnua tơmam sa lăm 'bơ̆r lu sư, lu sư khan: Wă tơblah hăm lu bơngai mă ưh kơ ăn tơmam sa kơ lu sư.

Je 14:18

Tơdah inh năm tơ mir chŭn, to akâu lu bơngai lôch kơ đao gưm, tơdah inh mơ̆t tơ pơlei tih, to 'bôh lu bơngai jĭ jăn yua kơ pơngot rơwĕt! Lu 'bok khan lê̆ adrol păng lu 'bok soi. Chă yak năm lăm dêh char mă lu sư ưh kơ lah băt.

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”

Êsai 57:17

Yua kơ yoch lu sư hưch ham chă lơi kơdih, na Inh hil mĭl păng teh sư. Lăm kơplah Inh blĕk, Inh ôn bơih muh măt Inh hil, mă-lei lu sư oei wih kiơ̆ trong lăm jơhngơ̆m sư kơdih.

II Pet 2:3

Yua kơ lu sư bơngai ham dêh, na lu sư kư̆m hơlĕnh pơdăr kơ iĕm, wă kơ đei sa jên tơmam iĕm. Mă đơ̆ng sơ̆ 'Bok Kei-Dei phak lu bơngai thoi noh ngăl, na lu bơngai noh kơnh 'Bok Kei-Dei kư̆m phak mơ̆n, ưh kơ lê̆ ôh.

I Tim 3:3

Sư ưh kơ lah suai sik păng ưh kơ tôn teh đe. Sư bơngai dim khôn tơpă ưh kơ wă pơjah pơjăng păng đe. Sư ưh kơ hăt sa jên lơ ôh.

Luka 16:14

Lu bơngai Pharisi kư̆m kơtơ̆ng dôm tơdrong Yêsu bơtho noh mơ̆n, na lu sư pơm hiĕk kơ Yêsu yua kơ lu sư 'mêm kơ mŭk tơmam tơ ala teh âu.

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.

Êsêkiên 22:12

Lăm ih đei bơngai iŏk sa pơgâm wă pơm tơdrong đei tuh pham, ăn đe tŏk iŏk đei iŏk lơi adrol păng iŏk jên kon lơ dêh; ih pơjuă sa lu bơngai jê̆ ih păng ih hiơt kơ Inh, Kră Yang khan thoi noh.

Nhom 4:13

Noh đơ̆ng tơdrong yoch lu bơngai khan lê̆ adrol sư păng tơdrong kơnê̆ lu 'bok soi sư. Lu sư tŭk boih pham lu bơngai tơpăt.

Je 32:32

Tơdrong yoch kơnê̆ mă kon sâu Isơrael păng kon sâu Juđa pơm boih wă kơ tơblĕk Inh, đei lu sư, lu pơtao, lu yŏng pơgơ̆r, lu 'bok soi, lu bơngai khan lê̆ adrol lu sư, hơdai hăm lu bơngai Juđa păng kon pơlei Jêrusalem.

Je 2:26

Kŭm thoi lu bơngai tơtông mưh đe rôp, mơlâu pă kĕ, na adrĕch Isơrael; mă pơtao mă yŏng pơgơ̆r, mă lu 'bok soi, mă lu bơngai khan lê̆ adrol kư̆m gô mơlâu thoi noh.

Je 2:8

Lu 'bok soi ưh pă jet: ‘Tơ yơ Kră Yang?’ Lu 'bok bơtho khôi juăt ưh pă băt kơ Inh dơ̆ng. Lu bơngai pơgơ̆r blah Inh. Lu 'bok khan lê̆ adrol yua anăn yang Baal na khan lê̆ adrol, kiơ̆ lu yang nai ưh kơ đei yua kiơ.

Êsai 28:7

Mă-lei lu đe noh kư̆m wing măt yua kơ sik hơmu pơm. Nơnăm 'ma 'ngiĕo yua kơ suai kơ tơdrô 'lơ̆ng! 'Bok soi păng 'bok khan lê̆ adrol wing măt yua kơ suai kơ tơdrô 'lơ̆ng, tơdrô pơrăm đĭ đon tơchĕng lu sư, tơdrô pơm kơ lu sư yak năm we-wo 'ma 'ngiĕo oei mơngưt mơngat kơplah lu sư đei tơdrong tơ'bôh. Lu sư glăi lăm tơdrong sek tơlang.

II Pet 2:1

Kơplah noh sơ̆ đei lu bơngai mơ'nah hơlĕnh pơdăr khan sư bơngai pơtruh nơ̆r 'Bok Kei-Dei. Na đei 'bok bơtho lu iĕm mơ'nah dang ei kư̆m lei-lăi, lu sư mơ̆t chur tơ tŏk-bŏk lu iĕm pơm chă bơtho pơjing kơdih khan tơdrong 'Bok Kei-Dei. Tơdrong lu sư chă bơtho noh wă pơrăm lu bơngai lui đĕch păng lu sư sơngah kơ Yŏng bơ̆n Yêsu Krist tơ'ngla mă huai iŏk lu sư tăm. Lu sư pơm thoi noh, 'Bok Kei-Dei Sư ưh kơ anat ôh, Sư gô phak hloi tơpă.

Je 2:29

Yua kơ kiơ iĕm jŏk kơ Inh? Đĭ-đăng lu iĕm pơm yoch blơ̆ inh boih,” Kră Yang khan thoi noh.

Je 17:11

Bơngai mă mơdrŏng đơ̆ng ưh kơ tơpăt, lu sư thoi sem trăk-tra 'nơ̆m kơtăp sem nai, đei cheh kon ưh kơ trŏ kon sư, ưh kơ đunh tơdrong mơdrŏng sư gô hiong đĭ, na tuch-luch đe jô̆ sư kơtul bơlŭk.

Je 27:15

Kră Yang khan: “Inh ưh kơ đei wơh lu sư, lu sư yua anăn Inh khan lê̆ adrol hơlĕnh. Tơdah lui kơ lu sư Inh gô pơpuh tơweh lu iĕm păng pơlôch pơđĭ lu iĕm păng lu bơngai khan lê̆ adrol noh.”

Je 42:1

Đĭ-đăng lu yŏng linh 'bih Jôhanan, kon drŏ-nglo Karea, Jêsania, kon drŏ-nglo Hôsaia păng đĭ-đăng lu kon pơlei, đơ̆ng bơngai pơm tih truh tơ bơngai pơm iĕm,

Je 23:10

‘Dêh char âu 'bĕnh kơ lu bơngai pơm pơyô kư̆ kă, Yua kơ đơ̆ng Kră Yang hiap pơtê̆, teh hrĕng kro, tơmăn 'nhĕt tơ char glă kro đĭ. Lu sư kơdâu kiơ̆ trong kơnê̆; yua iŏk tơdrong gơh kĕ ưh kơ trŏ.’ ”