Je 52:6 - Sơ̆p Hlabơar Nơ̆r 'Bok Kei-Dei

⁶ Truh năr tơsĭn khei puăn lăm sơnăm noh, đei tơdrong pơngot rơwĕt tih lăm pơlei truh tơ kon pơlei oei lăm noh tơmam sa pă đei.

Je 52:6 Referans Kwoze

Je 39:2

Lăm năr tơsĭn khei puăn sơnăm mơjĭt-mônh chăl Sêđekia pơgơ̆r dur pơchah tơblŭt.

Êsai 3:1

Âu, Kră Yang Kră Yang Tih Hloh, gô iŏk lê̆ tơdrong dŏng păng tơgŭm dôm tơmam kăl yua đơ̆ng pơlei Jêrusalem păng char Juđa, thoi kơ tơmam sa mă lu sư gơnang păng đak mă lu sư hơmĕng.

Je 38:9

“Ơ yŏng tơ'ngla pơtao inh. Lu đe noh pơm kơ Jêrêmi bơngai khan lê̆ adrol kơnê̆ dêh, tah lê̆ sư lăm sơlŭng. Sư gô lôch pơngot tơ noh, mưh tơmam sa lăm pơlei âu ưh pă đei boih.”

II Pot 25:3

Năr tơsĭn, khei puăn, lăm pơlei đei pơngot rơwĕt tih, kon pơlei ưh kơ đei tơmam sa.

Sa 8:19

Kră Yang Tih Hloh đei khan thoi âu: “Tơdrong ơ̆t kơ sŏng sa lăm khei puăn păng tơdrong ơ̆t kơ sŏng sa lăm khei pơđăm, tơdrong ơ̆t kơ sŏng sa lăm khei tơpơh, tơdrong ơ̆t kơ sŏng sa lăm khei mơjĭt noh gô đei tơdrong chơt hiôk, 'nă hal păng et sa chơt hiôk kơ hnam Juđa. Thoi noh hưch hanh bĕ tơdrong tơpăt păng chơt hiôk.”

Êsêkiên 14:21

Kră Yang Tih Hloh khan thoi âu: “Rai krưp kơnê̆ hloh dơ̆ng mưh Inh ăn puăn tơdrong sek tơlang trăp; tơdrong đao hơlă tơblah, tơdrong pơngot rơwĕt, tơdrong sem bri pơrăm păng tơdrong lôch hơbuh truh tơ Jêrusalem wă pơlôch đĭ bơngai păng sem dơrong.

Êsêkiên 7:15

Tơ 'nguaih đei đao hơlă, tơ lăm đei lôch hơbuh păng pơngot rơwĕt. Lu bơngai oei tơ 'nguaih chŭn gô lôch kơ đao hơlă, lu bơngai oei tơ lăm pơlei, gô lôch kơ pơngot rơwĕt păng lôch kơ jĭ hơbuh đĭ.

Nhom 5:10

Akar lu nhôn tŏ thoi tŏ tơnuh ŭnh, Yua kơ đơ̆ng pơngot soh chhông lu nhôn.

Je 25:10

Hloh kơ noh, Inh gô pơm ăn kơ lu sư pă đei kơtơ̆ng nơ̆r đe hơri chơt hiôk, pă đei kơtơ̆ng nơ̆r keng đe hlôm pơchơt păng pă đei nơ̆r hiĕk chhôk chă klo akăn, kư̆m pă đei kơtơ̆ng re tơpăl đe peh 'ba păng kư̆m pă đei hơdah ŭnh kơđeng.

Je 21:9

Bơngai bu mă oei oei lăm pơlei âu sư gô lôch kơ đao gưm, lôch kơ pơngot rơwĕt, lôch kơ jĭ hơbuh, mă-lei bu kơdâu lĕch yơ̆r ti tơkan tơ bơngai Kalđê mă oei wang iĕm gô arih, kư̆m gô pơklaih akâu sư kơdih.

Je 19:9

Inh gô ăn kơ lu sư 'buh sa lu kon drŏ-nglo kon drŏ-kăn lu sư kơdih, lu sư gô 'buh sa băl tơduă, lăm năr đe wang lăm năr pơmat-tat, kơplah 'bơ̆t lu bơngai mă wă pơrăm tơdrong arih lu sư.’

Je 15:2

Tơdah lu sư apinh ih: ‘Lu nhôn gô năm tơ yơ?’ Ih khan kơ lu sư: 'Nâu Kră Yang khan: “Bu Inh pơkă ăn kơ sư lôch kơ hơbuh, gô chu lôch kơ hơbuh, Bu Inh pơkă wă pơlôch hăm đao gưm, gô lôch kơ đao gưm. Bu Inh pơkă wă ăn kơ sư lôch pơngot rơwĕt, gô lôch kơ pơngot rơwĕt. Bu Inh pơkă wă ăn pơm bơnă, sư gô pơm bơnă.”

Both 32:24

Inh ăn tơdrong pơngot rơwĕt, tơngiĕt găng pơm kơ lu sư hiong răm. Ba tŏ sa pơm kơ lu sư rơmơ̆n rơmok ăn tơdrong jĭ apoh pơm kơ lu sư lôch rŭng. Inh gô ăn sem bri kăp hek sa lu sư. Athei 'bih đei bih hơkăm năm choh lu Sư lôch.

Lêwi 26:26

Tơdah inh ăn tơdrong pơngot rơwĕt truh, mơjĭt 'nu adruh gô 'buh 'bĕng lu iĕm lăm minh tơnuh ŭnh păng kŏng 'bĕng noh na wih ăn kơ lu iĕm, lu iĕm sa ră mă-lei ưh kơ phĭ.

Je 37:21

Pơtao Sêđekia tơtă athei đe ba Jêrêmi tơ cham hnam anih đe gak, ăn kơ sư rim năr minh pôm 'bĕng mi, đơ̆ng hnam đe pơm 'bĕng lăm pơlei tih ei dĭng truh tơ tơpŭng 'bĕng lăm pơlei noh đĭ. Jêrêmi đe chĭt tơ cham hnam anih linh gak.

Nhom 1:11

Đĭ kon pơlei chă tơmam sa păng tơtok rah; Tơplih đĭ tơdrong chơt hiôk iŏk tơmam sa, wă kơ chhơp hiôk lăm jơhngơ̆m sư kơdih. Ơ Kră Yang, apinh Ih 'blŏk kơ inh, yua kơ inh jing bơngai pă rơ-a boih;

Êsêkiên 5:16

Layơ Inh prah 'brơ̆m tơdrong pơngot rơwĕt păng tơdrong lôch rŭng, wă prah pơrăm lu bơngai mă trŏ kơ pơlôch; Inh prah wă pơrăm ih, Inh gô pơthim tơdrong pơngot rơwĕt kơ ih păng gô pơrăm lê̆ trong tơmam sa ih.

Êsêkiên 14:13

“Ơ kon bơngai dah char ayơ pơm yoch hăm Inh, ưh kơ tơnăp tơnen hăm Inh, Inh yơ̆r ti phak lu sư pơrăm lê̆ hnam mong tơmam lu sư, ăn tơdrong pơngot rơwĕt truh păng pơlôch đĭ bơngai hăm sem dơrong lu sư.

Êsêkiên 31:1

Lăm sơnăm mă mơjĭt-mônh, khei pêng, năr mă mônh, Kră Yang khan kơ inh thoi âu: