Je 52:4 - Sơ̆p Hlabơar Nơ̆r 'Bok Kei-Dei

⁴ Na năr mơjĭt khei mơjĭt, lăm sơnăm mă tơsĭn chăl Sêđekia pơgơ̆r, Nebukatnessar, pơtao Babilôn, chông ba đĭ linh sư năm blah Jêrusalem, lu sư pơm bơsŭn, lu sư bơ̆ teh wă tŏk wang tăp wă blah iŏk pơlei Jêrusalem.

Je 52:4 Referans Kwoze

Je 39:1

Lăm khei mơjĭt sơnăm mă tơsĭn, chăl Sêđekia, pơm pơtao pơgơ̆r teh đak Juđa, Nebukatnessar, pơtao dêh Babilôn, hăm đĭ-đăng lu linh sư năm wang blah pơlei Jêrusalem.

Sa 8:19

Kră Yang Tih Hloh đei khan thoi âu: “Tơdrong ơ̆t kơ sŏng sa lăm khei puăn păng tơdrong ơ̆t kơ sŏng sa lăm khei pơđăm, tơdrong ơ̆t kơ sŏng sa lăm khei tơpơh, tơdrong ơ̆t kơ sŏng sa lăm khei mơjĭt noh gô đei tơdrong chơt hiôk, 'nă hal păng et sa chơt hiôk kơ hnam Juđa. Thoi noh hưch hanh bĕ tơdrong tơpăt păng chơt hiôk.”

Je 52:7

Dur pơlei đe bŏk bơlih hlôh, Sêđekia 'bôh sư hăm lu linh sư kơdâu klĕnh kơmăng lĕch rok trong 'măng jang sơlam dur jê̆ pơgar pơkao pơtao; kơplah lu bơngai Kalđê oei wang pơlei, lu sư kơdâu lĕch yak klă tơ gah thŭng Arabah.

Je 32:24

To lu linh Kalđê wang blah pơlei; lu sư oei bơ̆ teh wă tŏk blah iŏk pơlei. Pơlei âu gô huŏng lăm ti lu sư, kơplah oei tơblah, đei tơdrong pơngot rơwĕt, tơdrong jĭ apoh. Tơdrong Ih khan truh boih, 'nâu âu, Ih 'bôh boih.

Luka 21:20

Yêsu oei bơtho lu sư thoi âu: “Lăp iĕm 'bôh linh lơ tơpă oei tăp dăr kơ Pơlei Jêrusalem, lei iĕm băt kơ lu sư wă jê̆ mơ̆t blah lăm pơlei iĕm pơchah pơchek đĭ.

Luka 19:43

“Ning-mônh lu bơngai ayăt kơ iĕm gô wang tăp dăr kơ pơlei iĕm. Lu sư gô pơgăn trong iĕm păng ưh kơ ăn iĕm jăk achăng pơlei iĕm ôh.

Êsêkiên 21:22

Ti gah 'ma pơtao đei hlang lăng tơ'bôh gah pơlei Jêrusalem, athei dan tơmam tơblah wă pơrăm pơlei, nơ̆r wơh athei pơlôch ôr tơblah, dan tơmam tơblah wă pơrăm lu 'măng jang pơlei, sir sơlŭng bơ̆ man bơnơ̆ wang tăp dăr.

Êsai 29:3

Inh gô pơm anih wang tăp dăr kơ ih, pơjing kơđông wang ih, pơm anih blah ih.

Lêwi 26:25

Inh gô ăn đao hơlă pơm kơ lu iĕm. Wă pơm 'mong đêl iĕm pơm glăi tơdrong pơgơ̆p Inh; tơdah lu iĕm akŭm băl lăm pơlei tih lu iĕm, Inh gô ăn tơdrong jĭ hơbuh 'bơm tơ lu iĕm păng jao iĕm lăm ti lu bơngai ayăt kơ iĕm.

Je 34:1

'Nâu nơ̆r Kră Yang khan kơ Jêrêmi, kơplah Nebukatnessar pơtao Babilôn, hăm đĭ-đăng lu linh sư, đĭ-đăng kơ lu teh đak chu kơ nơ̆r sư oei wang blah pơlei tih Jêrusalem păng lu pơlei nai tăp dăr.

Êsêkiên 26:8

Sư gô yua đao pơlôch lu kon pơlei ih tơ lăm chŭn mir, Sư gô bơ̆ bơnơ̆ ter dur păng hiŏng khêl blah ih.

Êsêkiên 33:21

Lăm năr pơđăm khei mơjĭt, sơnăm mơjĭt-'bar đơ̆ng rŏng kơ lu nhôn jing bơnă đe, đei minh 'nu bơngai klaih đơ̆ng pơlei Jêrusalem năm tơbăt kơ inh: “Pơlei Jêrusalem đe iŏk boih.”

Êsêkiên 40:1

Lăm sơnăm mă 'bar-jĭt pơđăm đơ̆ng rŏng kơ lu nhôn pơm bơnă, sơnăm blŭng-a, năr mơjĭt lăm khei, noh trŏ mơjĭt-puăn sơnăm đơ̆ng rŏng kơ pơlei Jêrusalem đe blah iŏk, Lăm năr noh ti Kră Yang chro kơpal inh păng Kră Yang chông ba inh năm tơ noh.

Je 4:17

Lu sư wang pơlei Jêrusalem kơjăp đơ̆ng puăn pah thoi đe wei mir chŭn; Yua kơ pơlei âu iung blah Inh,” Kră Yang khan.

Je 21:2

“Apinh ih krao apinh bĕ Kră Yang tơgŭm lu nhôn, yua kơ Nebukatnessar pơtao đe Babilôn oei năm wang blah lu nhôn. Rŏ lăng băt Kră Yang pơm tơdrong mơsêh kơ nhôn kiơ̆ thoi tơdrong mơsêh Sư pơm sơ̆, pơm ăn kơ pơtao Babilôn kơdŭn weh đơ̆ng lu nhôn.”

Êsêkiên 21:27

Răm đĭ, răm đĭ, Inh gô pơrăm đĭ; tơdrong âu kư̆m ưh pă truh dơ̆ng bơih, dĭng truh tơ yŏng Tơ'ngla tơpăt hơnơ̆ng truh wă sek tơlang. Inh gô pơjao ăn kơ Sư tơdrong noh.