Je 52:34 - Sơ̆p Hlabơar Nơ̆r 'Bok Kei-Dei

³⁴ Gah tơmam sư, pơtao ăn kơ sư tôm mah rim năr truh tơ sư lôch. Jêhôiachin oei arih dang yơ, lei pơtao Babilôn ăn tơmam kăl yua ling-lang, dĭng đĭ chăl arih sư.

Je 52:34 Referans Kwoze

II Sam 9:10

Thoi noh ih hăm lu kon drŏ-nglo păng đĭch đam ih athei choh pơtăm teh mir noh ăn kơ sư, đei plei phe 'ba na yua iŏk 'me hnam dơnŏ yŏng tơ'ngla ih, mă-lei gah Mêphibôset sư gô oei sŏng sa hơdai inh pôm gơ'bang hlŏng hloi boih. Siba đei mơjĭt-pơđăm 'nu kon drŏ-nglo păng 'bar-jĭt 'nu đĭch đam.

Luka 11:3

Apinh Ih ăn kơ nhôn đei sŏng sa mah rim năr.

Mathiơ 6:11

Apinh Ih ăn kơ nhôn năr 'nâu đei sŏng sa mah.

II Pot 25:30

Pơtao đe Babilôn tơgŭm sư tơmam sa mah ling-lang dĭng đĭ chăl arih sư.

Je 40:5

Jêrêmi oei tam mă drơ̆ng Nebusaradan khan dơ̆ng: “Dah ih wă brŏk oei hơdai hăm Gêđalia kon drŏ-nglo Ahikam sâu Saphan bơngai mă pơtao Babilôn pôk sư pơm yŏng lu pơlei lăm dêh char Juđa, oei hơdai bĕ hăm lu kon pơlei, dah wă năm oei tơ yơ, ih kư̆ năm tơ noh.” Đơ̆ng noh 'bok yŏng linh ăn kơ sư tơmam lăng jơ̆ng ti tơmam sa na lê̆ sư yak năm.