Je 52:3 - Sơ̆p Hlabơar Nơ̆r 'Bok Kei-Dei

³ Noh Kră Yang hil mĭl kơ tơdrong kơnê̆ lu sư pơm tơ pơlei Jêrusalem păng tơ lăm dêh char Juđa, na Sư puh tơweh lu pơtao noh đơ̆ng anăp Sư. Sêđekia iung blah pơtao Babilôn.

Je 52:3 Referans Kwoze

Êsai 3:1

Âu, Kră Yang Kră Yang Tih Hloh, gô iŏk lê̆ tơdrong dŏng păng tơgŭm dôm tơmam kăl yua đơ̆ng pơlei Jêrusalem păng char Juđa, thoi kơ tơmam sa mă lu sư gơnang păng đak mă lu sư hơmĕng.

II Ho 36:13

Sư kư̆m iung blah pơtao Nebukatnessar, bơngai mă athei sư pơkă yua anăn Kră Yang 'Bok Kei-Dei. Sư jing kơchu arăng kơ̆l, ưh kơ wă wih tơ Kră Yang 'Bok Kei-Dei Isơrael.

Êsai 19:4

Inh gô jao kon pơlei Êyiptơ lăm ti lu yŏng pơgơ̆r kơnê̆ dêh păng ăn kơ minh 'nu pơtao chư̆ kơnê̆ gô pơgơ̆r lu sư. Kră Yang Tih Hloh khan thoi noh.

Bôk Bơthô 10:16

Răm-'băm tơpă kơ dêh char ayơ đei pơtao oei 'lơ̆p păng lu yŏng pơgơ̆r hăt kơ et sa pơrŏ đơ̆ng pơgê hrôih.

Tơdrông Pơđơk 28:2

Dêh char pơm kơnê̆, na đei lơ lu bơngai pơgơ̆r; Mă-lei bơngai hlôh wao na pơgơ̆r dêh char gei oei kơjăp đunh.

I Pot 10:9

Kơkuh bơnê kơ Kră Yang 'Bok Kei-Dei ih, yua kơ Sư lăp đon kơ ih ăn kơ ih hơ-oei kơpal tang-dŏ pơtao lu bơngai Isơrael! Yua kơ Kră Yang 'mêm kơ Isơrael ling-lang, thoi noh na Sư ăn kơ ih pơm pơtao wei-lăng wă kơ ih pơm tơdrong trŏ păng 'lơ̆ng tơpăt.

II Sam 24:1

Kră Yang hil dơ̆ng kơ kon pơlei Isơrael. Kră Yang pơdrŭt pơtao Đawit pơrăm lu sư, Sư khan hăm pơtao Đawit: “Athei năm jô̆ kon pơlei Isơrael păng kon pơlei Juđa.”

Bl 4:14

Âu, năr 'nâu, Ih pơpuh inh đơ̆ng teh âu, inh weh đơ̆ng muh măt Ih, gô thông mang huang jơ̆p kơ teh đak, đơ̆ng noh dah đei bu tơ'bơ̆p inh, sư gô pơlôch inh.”

Bl 4:16

Na Kain kơdŭn weh đơ̆ng Kră Yang păng oei tơ dêh Not, gah hơlĕch kơ pơgar Êđen.

II Pot 24:20

Tơdrong Kră Yang hil mĭl Sư ăn truh bơih kơ Pơlei Jêrusalem păng dêh Juđa, Kră Yang mah puh tơweh lê̆ lu sư đơ̆ng muh măt Kră Yang. Na Sêđekia iung blah pơtao đe Babilôn.

Je 7:15

Inh gô pơpuh lu iĕm đơ̆ng anăp Inh, kư̆m thoi Inh đei pơpuh boih 'nhŏng oh lu iĕm, đĭ-đăng lu adrĕch kon sâu Êphraim.

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

II Pot 17:18

Yua kơ thoi noh Kră Yang hil mĭl dêh kơ lu bơngai Isơrael, puh tơweh lu sư đơ̆ng anăp Kră Yang ưh pă đei bu dơ̆ng oei pă khŭl Juđa đĕch bơih.

II Pot 17:20

Lei na Kră Yang achăng lê̆ đĭ adrĕch Isơrael, pơm kơ lu sư pơmat-tat păng jao lu sư tơ lăm ti lu bơngai iŏk tơgar, dĭng đe chông phak lu sư ataih đơ̆ng muh măt Kră Yang.

II Pot 17:23

dĭng mah Kră Yang puh tơweh lê̆ lu sư đơ̆ng anăp Kră Yang thoi Sư hlôi yua 'bơ̆r lu đĭch đam Sư bơngai khan lê̆ adrol đei khan lê̆ bơih. Thoi noh na lu đe Isơrael, Kră Yang puh tơweh lu sư đơ̆ng dêh sư kơdih, phak lu sư tơ dêh Asiri dĭng truh tơ dang ei.

Esơra 4:15

ih lăng lăm hla bơar chih răk lu 'bok kră ih: Wă kơ băt lăm hla bơar hơ'mon noh roi băt kơ pơlei 'nâu, 'nâu pơlei mă juăt kơ blơ̆ blĕch pơm pơrăm pơtao, păng dêh char; đơ̆ng sơ̆ boih, đe juăt kơ tơblah băl tơ noh; yua kơ tơdrong ei boih na pơlei âu pơchah jing juơ ưh pă đei dơ̆ng.

Êsai 36:5

Ih, tơchĕng wă tơblah hăm inh hăm nơ̆r pơma 'bơ̆r hoh đĕch hă? Ih gơnang kơ bu mă pơ̆n tơblah hăm inh.