Je 52:12 - Sơ̆p Hlabơar Nơ̆r 'Bok Kei-Dei

¹² Năr mơjĭt khei pơđăm, lăm sơnăm mă mơjĭt-tơsĭn chăl Nebukatnessar, pơtao Babilôn, na Nêbusar Adan, yŏng pơgơ̆r linh gak pơtao Babilôn, mơ̆t lăm pơlei Jêrusalem.

Je 52:12 Referans Kwoze

II Pot 25:8

Năr tơpơh, khei pơđăm sơnăm mơjĭt-tơsĭn, chăl Nebukatnessar, pơtao đe Babilôn pơgơ̆r, Nêbusarađan, Yŏng linh pơtao đe Babilôn năm tơ Pơlei Jêrusalem.

Sa 8:19

Kră Yang Tih Hloh đei khan thoi âu: “Tơdrong ơ̆t kơ sŏng sa lăm khei puăn păng tơdrong ơ̆t kơ sŏng sa lăm khei pơđăm, tơdrong ơ̆t kơ sŏng sa lăm khei tơpơh, tơdrong ơ̆t kơ sŏng sa lăm khei mơjĭt noh gô đei tơdrong chơt hiôk, 'nă hal păng et sa chơt hiôk kơ hnam Juđa. Thoi noh hưch hanh bĕ tơdrong tơpăt păng chơt hiôk.”

Je 52:29

Lăm sơnăm mă mơjĭt-tơhngam chăl Nebukatnessar pơgơ̆r, sư rôp chông ba pơm bơnă đơ̆ng pơlei Jêrusalem tơhngam-hrĕng pêng-jĭt 'bar 'nu.

Je 39:9

Nebusaradan yŏng lu linh gak pơtao, athei rôp lu kon pơlei mă oei oei lăm pơlei păng lu bơngai lĕch yơ̆r ti kiơ̆ sư păng lu thơ̆ tuh hling, hơjơ̆m chông ba pơm bơnă tơ char Babilôn.

II Pot 24:12

Na Jêhôiachin, pơtao đe Juđa, lu sư đe mĕ sư, đĭch đam sư, lu yŏng linh lu 'bok tih linh, năm kŭp kơ̆l yơ̆r ti kơ pơtao đe Babilôn. Lăm sơnăm mă tơhngam chăl pơtao đe Babilôn pơgơ̆r na rôp lu sư pơm bơnă.

Je 52:14

Đĭ-đăng lu linh bơngai Kalđê mă năm hơdai yŏng linh gak pơtao, năm pơrăm teh pơchah đĭ dur tăp pơlei Jêrusalem.

Bl 37:36

Lu bơngai Madian mơdro noh chông ba Jôsep truh tơ dêh char Êyiptơ, tĕch sư tơ Pôtipha, yŏng linh bơngai wei Pharaôn.

Esơra 5:12

Mă-lei 'bok yă lu nhôn ưh kơ chu Kră Yang 'Bok Kei-Dei plĕnh teh, na Sư jao lu nhôn tơ lăm ti Nebukatnessar, pơtao Babilôn, bơngai Kalđê; pơtao ei sơ̆ pơrăm hnam akŭm âu păng rôp kon pơlei chông ba tơ dêh Babilôn.

Ne 2:3

Na khan: Kơ pơtao hơpơi kơ pơtao arih ling-lang! Liơ mă inh ưh kơ sơ'ngon,

Horiso 79:1

Ơ Kră Yang 'Bok Kei-Dei, lu bơngai tơmoi blah iŏk boih teh đak Ih. Pơm mơgrĭ kơ hnam akŭm Ih păng pơm kơ Jêrusalem hĕch hoch đĭ.

Da 1:1

Sơnăm mă pêng lăm chăl Jêhôiakim, pơtao đe Juđa, na Nebukatnessar, pơtao Babilôn, năm truh tơ pơlei tih Jêrusalem wang wă blah iŏk.

Je 1:3

Kră Yang đei khan kơ sư dơ̆ng lăm chăl Jêhôiakim kon drŏ-nglo Jôsia pơm pơtao đe Juđa, dĭng truh tơ khei pơđăm sơnăm mơjĭt-mônh chăl pơtao Sêđekia kon drŏ-nglo Jôsia pơm pơtao đe Juđa, kơplah noh mă đe rôp kon pơlei Jêrusalem pơm bơnă.

Je 32:29

Lu bơngai Kalđê oei wang blah pơlei tih âu, gô iŏk ŭnh soh pơđĭ hnam anih dĭng truh tơ bơbŭng hnam mă đe pơyơ̆r tơmam 'bâu phu ăn kơ yang Baal păng đe đei soi pơyơ̆r tơmam huch boih kơ lu yang nai hai, lu sư pơm yoch hăm Inh wă tơblĕk Inh.

Je 39:11

Nebukatnessar, pơtao Babilôn athei tơtă kơ Nebusaradan yŏng lu linh gak pơtao, gah Jêrêmi khan:

Da 2:14

Kơplah jơ noh Đaniel kiơ̆ kơ tơdrong gơh hơgei hlôh wao sư na khan kơ Ariok. Bơngai wei-lăng pơtao, bơngai mă năm wă pơlôch lu bơngai hơgei lăm char Babilôn.