Je 52:11 - Sơ̆p Hlabơar Nơ̆r 'Bok Kei-Dei

¹¹ Đơ̆ng noh pơtao Babilôn kuek lê̆ 'bar pah măt Sêđekia, chô̆ sư hăm glang kong, chông ba sư tơ Babilôn, tah sư lăm hnam phak dĭng truh năr sư lôch.

Je 52:11 Referans Kwoze

Êsêkiên 12:13

Inh gô dăng hơnhuăl kơ sư, sư gô 'leh hơđong Inh, păng Inh gô chông ba sư tơ Babilôn, teh đak Kalđê. Mă-lei sư ưh kơ 'bôh teh đak noh ôh, sư gô lôch tơ noh.

Je 39:7

Pơtao Babilôn kuek lê̆ 'bar pah măt pơtao Sêđekia păng chô̆ hăm glang kong, chông ba tơ char Babilôn.

Êsêkiên 17:16

Kră Yang Tih Hloh khan: Tơpă thoi Inh mă arih, pơtao 'nâu gô lôch tơ Babilôn lăm teh đak pơtao mă pôk sư pơm pơtao, yua kơ sư hŭt lê̆ nơ̆r pơkă păng pơrăm tơdrong pơgơ̆p hăm pơtao Babilôn.

Je 21:7

Đơ̆ng rŏng kơ noh, Kră Yang khan: Inh gô jao Sêđekia, pơtao đe Juđa păng yŏng pơgơ̆r, hăm lu, kon pơlei sư mă oei arih lăm pơlei tih âu; oei arih huay kơ lôch rŭng, đơ̆ng đao gưm, hăm klaih đơ̆ng lôch kơ pơngot rơwĕt, Inh gô jao lu sư lăm ti Nebukatnessar pơtao Babilôn, lăm ti lu bơngai ayăt chă wă 'maih pơlôch lu sư. Pơtao Babilôn gô koh lu sư hăm đao gưm, pă đei mơnat, pă 'mêm kư̆m pă lăng lu sư boih.”

Nhom 2:6

Sư hơ'nglơh lê̆ pơk sư, thoi pơk lăm pơgar, Kŭm đei pơrăm anih lu sư juăt kơ akŭm. Tơ Siôn, Kră Yang pơm ăn kơ lu sư hiơt đĭ kơ năr akŭm tih păng năr Sa'bat.

Êsêkiên 23:24

Lu sư đơ̆ng gah yă-nơ̆m chĕp ba gre aseh tơblah, gre chơ tơmam, hăm lu linh lơ năm blah ih. Lu sư yua khêl, yơ̆l môk kơlăm năm blah ih đơ̆ng rim tơring. Inh gô pơjao ăn kơ lu sư tơdrong gơh sek tơlang păng lu sư gô sek tơlang ih kiơ̆ kơ khôi juăt lu sư.