Je 51:9 - Sơ̆p Hlabơar Nơ̆r 'Bok Kei-Dei

⁹ Lu bơ̆n adrin ming pơklaih dêh char Babilôn, Mă-lei sư ưh kơ kĕ klaih. Lê̆ sư loh, lu bơ̆n bu bu brŏk bĕ tơ char kơdih, tơdrong phak sư tih dêh tŏk truh tơ plĕnh, Kơjung truh tơ hơmơ̆l kok.

Je 51:9 Referans Kwoze

Tơdrông Tơ'bôh 18:5

Yua kơ tơdrong yoch pơlei noh tih wă atŏ kơ plĕnh. Mă-lei 'Bok Kei-Dei ưh kơ hiơt ôh dôm tơdrong kơnê̆ pơlei sư pơm.

Je 50:16

Pơrăm bĕ bơngai rei adrĕch đơ̆ng lăm dêh char Babilôn hăm bơngai mă chĕp săng kô bơyan yuă; yua kơ đao lu bơngai wă blah pơrăm, ăn kơ rim 'nu brŏk tơ kon pơlei sư kơdih rim 'nu kơdâu brŏk tơ char sư kơdih.

Êsai 13:14

Kơplah ei kơnh rim 'nu nhen thoi kơtŏng đe druh prah, thoi khŭl triu ưh kơ đei bơngai wei, lu sư gô brŏk tơ kon pơlei sư kơdih, gô kơdâu klĕnh brŏk tơ dêh sư kơdih.

Je 46:16

Lu sư gô kơtơih pơ̆k. Lu sư gô pơ̆k hơtŭt tơduă lu sư. Lu sư khan: ‘Iung wih brŏk bĕ tơ adrĕch adrung lu bơ̆n, tơ char mă mĕ tơpŭ kơ bơ̆n, weh đơ̆ng đao gưm đe pơjuă pơđep!’

Esơra 9:6

na krao apinh thoi âu: “Ơ, Kră Yang 'Bok Kei-Dei inh! Inh kơdơ̆ mơlâu dêh, ưh kơ pơ̆n ngơk lăng muh măt tơ Ih, Ih boih Kră Yang 'Bok Kei-Dei inh; yua kơ tơdrong yoch kơnê̆ lu nhôn pơm kơjung hloh kơ kơ̆l lu nhôn păng tơdrong yoch lu nhôn pơm kơjung truh tơ plĕnh.

Je 46:21

Mă lu linh sư mưng oei hơdai sư, thoi kon rơmo bek 'lơ̆ng, kư̆m kơdâu tơklah ưh kơ kĕ dơ̆ng ôh. Yua kơ tơdrong răm truh tơ lu sư, trŏ năr phak lu sư boih.

Je 8:20

Bơyan yuă 'ba hloh boih, Bơyan phang đĭ boih, Mă-lei bơ̆n ưh tam mă đei dŏng pơklaih?

Êsai 47:15

Đĭ dôm lu bơngai jang gleh hrat hơdai ih jing thoi noh: Dôm lu bơngai mơdro mơchan hăm ih đơ̆ng oei 'lơ̆p. Rim 'nu jrok kiơ̆ trong kơdih, ưh kơ đei bu dŏng pơklaih ih!

II Ho 28:9

Tơ noh, đei minh 'nu 'bok khan lê̆ adrol Kră Yang anăn sư Ôdet, năm sơng lu linh brŏk tơ pơlei Samari păng khan: “'Nâu yua kơ Kră Yang 'Bok Kei-Dei 'bok lu iĕm hil kơ lu bơngai Juđa, na Sư đei pơjao đe Juđa lăm ti iĕm; mă-lei lu iĕm pơlôch lu sư lăm năr iĕm hil blĕk dêh mah truh tơ plĕnh.

Tơdrông Tơ'bôh 18:4

Đơ̆ng noh inh kơtơ̆ng 'bơ̆r nai sư kư̆m pơma đơ̆ng plĕnh thoi âu: “Ơ lu kon Inh, iĕm jah lĕch jăk tơ nai hli kơ iĕm hơdai yoch thoi sư, kơnh pŭ tơdrong gleh pơmat thoi sư noh.

Hôsia 7:13

Răm-'băm dêh kơ lu sư yua kơ lu sư tơklah ataih đơ̆ng Inh; Inh gô pơrăm lu sư yua kơ lu sư pơm yoch boih hăm Inh. Mă khan Inh wă dêh ră pơklaih lu sư, mă-lei lu sư pơma hơlĕnh kơ Inh.