Je 51:61 - Sơ̆p Hlabơar Nơ̆r 'Bok Kei-Dei

⁶¹ Jêrêmi khan kơ Sêraia: Tơdah ih truh tơ char Babilôn, ih athei đŏk mă re nơ̆r 'nâu.

Je 51:61 Referans Kwoze

Tơdrông Tơ'bôh 1:3

Bơngai bu đŏk ăn kơ đe tơdrong 'Bok Kei-Dei âu, bơngai noh sư hiôk boih. Bơngai mă mơ̆ng păng răk dôm nơ̆r pơma lăm hla bơar âu sư kư̆m hiôk mơ̆n, yua kơ ưh pă đunh boih 'Bok Kei-Dei wă tơ'bôh kơ kon bơngai dôm tơdrong Sư mă khan lê̆ adrol âu.

I Tes 5:27

Păng inh athei iĕm đŏk kơthơ âu kơ đĭ-đăng 'nhŏng oh bơngai lui hŏ. Iĕm athei đŏk ăn tơpă. Mă iĕm ưh kơ đŏk ăn mă iĕm khan đŏk ăn boih, kư̆m ưh kơ hlơp kơ Kră Yang ning-mônh.

I Tes 4:18

Kơlih kơ thoi noh tơdrong âu gô đei tơpă, na dang ei dôm lu bơ̆n oei arih iŏk dôm lu nơ̆r âu tơguăt kơdih lăm đon bĕ păng pơlung dih băl wă kơ chơt hiôk.

Kôlôsê 4:16

Iĕm đŏk lăng kơthơ âu, tôm kơ lu buăl iĕm kơtơ̆ng boih, na iĕm chĕp kơthơ noh pơtruh kơ lu bơngai lui tơ Pơlei Laodisê dơ̆ng hŏ, wă kơ lu sư hơdai đŏk lăng. Na kơthơ đơ̆ng inh chih kơ Pơlei Laodisê, iĕm kư̆m chĕp pơtruh kơ pơlei iĕm đŏk lăng.

Markôs 13:1

Lăp Yêsu lĕch đơ̆ng hnam akŭm 'Bok Kei-Dei tơm, đei minh 'nu bơngai pơhrăm păng Sư khan kơ Sư: “Ơ 'Bok Thây, Ih lăng deh, hnam âu đe pơm păng tơmo rŏ dêh iih?”

Mathiơ 24:1

Lăp Yêsu lĕch đơ̆ng hnam akŭm 'Bok Kei-Dei tơm wă năm tơ nai, na lu bơngai pơhrăm păng Sư tơ'bôh kơ Sư tơdrong hnam akŭm tơm noh 'lơ̆ng rŏ.

Je 51:60

Jêrêmi chih lăm minh sơnôm hla bơar dôm tơdrong răm wă truh kơ dêh char Babilôn, chih dôm nơ̆r roi gah dêh char Babilôn.

Je 51:62

Na ih athei krao khan: ‘Ơ Kră Yang, Ih khan boih Ih wă pơlôch pơrăm dêh char 'nâu, dĭng mă ưh pă đei bơngai oei dơ̆ng, mă lu kon sem brem kư̆m ưh, na anih 'nâu gô jing juơ ling-lang.’