Je 51:6 - Sơ̆p Hlabơar Nơ̆r 'Bok Kei-Dei

⁶ Kơdâu lĕch bĕ đơ̆ng dêh char Babilôn, rim 'nu athei kơdâu wă pơklaih tơdrong arih kơdih akâu. 'Nĕ kơ lôch răm ôh yua kơ tơdrong yoch lu sư. Yua kơ trŏ boih năr Kră Yang pơm tơwih, Sư gô pơm tơwih trŏ thoi đe noh pơm boih,

Je 51:6 Referans Kwoze

Je 50:8

Kơdâu bĕ đơ̆ng dêh char Babilôn, Lĕch bĕ đơ̆ng char bơngai Kalđê, Pơm thoi bơbe bram chông khŭl bơbe.

Je 50:28

Mơ̆ng bĕ, nơ̆r krao ôr đơ̆ng lu bơngai kơdâu klaih hlôi đơ̆ng dêh char Babilôn, Roi tơbăt lăm pơlei Siôn. Tơdrong Kră Yang, 'Bok Kei-Dei lu bơ̆n, Sư pơm 'mong hnam Sư.

Je 50:15

Jreo tơkĕch bĕ tăp dăr puăn pah. Sư yơ̆r ti thuơ boih, Lu hnam gak pơchah boih, Dur pơlei teh pơchah hơlih boih: Noh tơdrong Kră Yang pơm 'mong! Pơm 'mong bĕ! Pơm 'mong kơ sư thoi sư đei pơm boih kơ đe.

Je 51:45

Ơ kon pơlei Inh, kơdâu lĕch bĕ đơ̆ng Babilôn pơklaih kơdih akâu bĕ, weh đơ̆ng tơdrong Kră Yang hil mĭl!

Je 25:14

‘Mă lu sư kư̆m gô pơm đĭch kơ lu dêh char pran kơtang lu pơtao tih mơng Inh gô pơm tơwih kơ lu sư thoi lu sư đei pơm păng kiơ̆ kơ tơdrong jang đơ̆ng ti lu sư pơm.”

Jo 16:26

Sư khan kơ tơpôl kon pơlei akŭm thoi âu: Dang ei athei weh bĕ ataih đơ̆ng anih bơsŭn lu bơngai pơm kơnê̆ âu păng kư̆m 'nĕ kơ hơtŭt 'bơm tơmam kiơ lu sư, kơnh hli kơ iĕm lôch yua kơ tơdrong yoch lu sư.

Tơdrông Tơ'bôh 16:19

Pơlei Babilôn pơlei tih dêh đei tơdrong truh kơ lu sư hơling hơlơ̆m pêng pah kueng pơgăn. Păng jơ̆p-jang kơ teh đak kon pơlei pơla nai kư̆m pơchah răm lei-lăi. Pơlei Babilôn 'Bok Kei-Dei hil kơ lu sư ưh kơ chu, na Sư ăn kơ lu sư et sik pơhrăp tơdrong Sư hil.

I Tim 5:22

Ih 'nĕ kơ hăt hot pel kơ̆l krao khan kơ đe wă ăn kơ đe wei-lăng bơngai lui. Ih athei gô pơlong lăng sư đunh 'mơ̆i. Dah ih hơloh pel kơ̆l krao khan kơ sư, na sư ưh tam tơchĕng đon hơdrol noh, hli kơ sư pơm yoch ning-mônh, dang lĕ ih athei sư pơm yoch. Ih athei pơm 'lơ̆ng tơpăt ling-lang.

Je 51:50

Lu iĕm klaih boih đơ̆ng đao gưm, kơdâu bĕ, 'nĕ pă dơ̆ng! 'Blŏk bĕ kơ Kră Yang đơ̆ng dêh char ataih, tơchĕng 'blŏk bĕ kơ pơlei Jêrusalem lăm kơ̆l 'ngok.

Je 51:11

Maih bĕ 'brơ̆m tah 'bĕnh kơ jŏ chĕp bĕ khêl, Kră Yang pơdrŭt jơhngơ̆m lu pơtao char Mêđi, Iung blah dêh char Babilôn, Trŏ kơ Kră Yang pơlôch pơrăm sư. 'Nâu boih Kră Yang pơm tơwih. Sư pơm 'mong kơ hnam Sư.

Je 51:9

Lu bơ̆n adrin ming pơklaih dêh char Babilôn, Mă-lei sư ưh kơ kĕ klaih. Lê̆ sư loh, lu bơ̆n bu bu brŏk bĕ tơ char kơdih, tơdrong phak sư tih dêh tŏk truh tơ plĕnh, Kơjung truh tơ hơmơ̆l kok.

Je 50:31

Kră Yang Tih Hloh khan: “Ơ dêh char pơang, 'nâu inh hil blah ih! Năr ih truh boih, Năr jơ Inh wă phak pơmat ih truh boih.

Êsai 48:20

Lĕch bĕ đơ̆ng Babilôn! Kơdâu weh bĕ đơ̆ng bơngai Kalđê! Athei jreo ôr hiôk chơt na khan roi tơbăt bĕ tơdrong 'nâu. Ră roi dĭng jơ̆p truh tôch kơ lăm teh đak! Athei khan: “Kră Yang dŏng pơklaih adrĕch Jakôp bơih, đĭch đam Sư.”

Je 46:10

Mă-lei năr noh năr Kră Yang; năr Kră Yang Tih Hloh pơm 'mong kơ lu bơngai mă ayăt kơ Sư. Đao gưm đe yua koh pơlôch dĭng hrăp huch pham dĭng klaih rơhing; Yua kơ noh Kră Yang Kră Yang Tih Hloh. Pơm giĕng soi pơyơ̆r Tơ lăm char gah yă-nơ̆m cheng Krong Ơphrat.

Je 27:7

Đĭ-đăng bơngai lăm dêh char gô chu yom kơ sư, kơ kon, kơ sâu sư dĭng truh kơ năr lu dêh char păng lu pơtao tih mơng gô rôp sư pơm đĭch.’ ”

Je 25:16

Lu sư gô huch, suai wơnh yak nơnăm mơngưt mơngat, yua kơ đao gưm mă Inh đei ăn truh tơ lăm lu sư.”

Tơdrông Pơđơk 13:20

Bơngai bu pơm buăl juăt hăm bơngai hơgei gô gơh hơgei. Mă-lei bơngai bu pơm buăl juăt hăm bơngai kơtul kơwao gô răm.

Both 32:43

Ơ lu adrĕch adrung kon bơngai! Hiôk chơt bĕ hăm kon pơlei Kră Yang. Yua kơ Sư gô iung kơting, pơm 'mong pham kơ đĭch đam Sư, Sư pơm 'mong blah lu bơngai ayăt kơ Sư, mơnat ăn kơ dêh char Sư păng lu kon pơlei pơla Sư.

Both 32:41

Kơplah inh pat đao rang mơnhal Ti Inh chĕp đao, Inh hơ-oei sek tơlang. Inh gô pơm 'mong kơ lu bơngai ayăt păng pơm tơwih kơ lu bơngai areh kơ Inh.

Both 32:25

Tơ rok trong tih, đei đao gưm pơlôch lu sư, tơ lăm hnam đei tơdrong hli tơrơ ling-lang Tơdăm, adruh, bơngai kră păng lu kon nge gô lôch răm đĭ.

Êsai 63:4

Lăm jơhngơ̆m Inh pơkă bơih kơ năr wă pơm 'mong, păng sơnăm mă Inh dŏng pơklaih truh bơih.

Je 48:6

Kơdâu ôn bĕ, pơklaih kơdih akâu, thoi aseh iĕ lăm char glă!

Je 51:36

Lei na Kră Yang khan: “'Nâu Inh gô dŏng ih, Inh pơm tơwih kơ lu ayăt kơ ih. Inh gô pơhrơ̆ lê̆ đak dơsĭ sư, Ăn kơ rim tu đak sư hrơ̆ kro.

Je 51:56

Lu bơngai pơlôch pơrăm năm blah boih pơlei Babilôn; đe rôp boih lu linh pran kơtang sư, hră lu sư gơ̆ lê̆ rơkhai; Yua kơ Kră Yang 'Bok Kei-Dei pơm tơwih trŏ thoi tơdrong lu sư pơm boih, Kră Yang gô pơm tơwih tơpă.

Nhom 3:64

Ơ Kră Yang, Ih gô pơm tơwih kơ lu sư thoi tơdrong đêl lu sư pơm.

Horiso 94:1

Ơ Kră Yang, Ih boih Kră Yang 'Bok Kei-Dei, iung kơting. Ih boih Kră Yang 'Bok Kei-Dei iung kơting. Pơchrang bĕ tơdrong Ih hil mĭl.