Je 51:56 - Sơ̆p Hlabơar Nơ̆r 'Bok Kei-Dei

⁵⁶ Lu bơngai pơlôch pơrăm năm blah boih pơlei Babilôn; đe rôp boih lu linh pran kơtang sư, hră lu sư gơ̆ lê̆ rơkhai; Yua kơ Kră Yang 'Bok Kei-Dei pơm tơwih trŏ thoi tơdrong lu sư pơm boih, Kră Yang gô pơm tơwih tơpă.

Je 51:56 Referans Kwoze

Habakuk 2:8

Yua kơ ih đei blah iŏk lơ dêh char nai, na lu kon pơlei mă oei oei gô plah tơgar iŏk đơ̆ng ih dơ̆ng, yua kơ pham lu sư, yua kơ tơdrong kơnê̆ ih pơrăm teh đak, pơrăm pơlei tih păng đĭ-đăng kon pơlei lu sư.

Je 51:48

Kơplah noh plĕnh, teh păng đĭ-đăng tơmam tơ plĕnh lăm teh, gô hơri chơt hiôk kơ Babilôn, yua kơ linh pơlôch pơrăm năm đơ̆ng yă-nơ̆m wă năm blah pơrăm dêh char Babilôn,” Noh Kră Yang khan.

Je 51:6

Kơdâu lĕch bĕ đơ̆ng dêh char Babilôn, rim 'nu athei kơdâu wă pơklaih tơdrong arih kơdih akâu. 'Nĕ kơ lôch răm ôh yua kơ tơdrong yoch lu sư. Yua kơ trŏ boih năr Kră Yang pơm tơwih, Sư gô pơm tơwih trŏ thoi đe noh pơm boih,

Horiso 46:9

Sư pơtôch tơdrong tơblah jơ̆p-jang teh đak. Gơ̆ lê̆ hră, gơ̆ lê̆? Tơju rơkhai rơkhônh. Sư soh lê̆ gre tơ lăm ŭnh.

Je 51:24

Inh gô pơm tơwih kơ dêh char Babilôn păng đĭ-đăng bơngai oei lăm char Kalđê 'bơ̆t anăp lu iĕm yua kơ đĭ-đăng tơdrong yoch lu sư pơm boih lăm pơlei Siôn.” Noh Kră Yang khan.

Êsai 59:18

Kră Yang pơm tơwih kiơ̆ kơ tơdrong jang lu sư pơm. Kră Yang hil mĭl kơ lu bơngai blah Sư, pơm 'mong kơ lu bơngai ayăt kơ Sư. Sư gô pơm tơwih kơ lu bơngai oei tơ bŏl đak dơsĭ.

Horiso 76:3

Tơ anih noh boih Sư gơ̆ lê̆ 'brơ̆m hră. Khêl đao hơlă păng dôm tơmam tơblah. Sêla

Both 32:35

Tơdrong pơm 'mong gô lê̆ kơ Inh, Inh gô pơm tôm. Trŏ năr jơ̆ng lu sư tơsĕr pơ̆k. Tơdrong răm wă jê̆ truh kơ lu sư bơih. Tơdrong pơlôch lu sư, gô truh tĕnh.

Tơdrông Tơ'bôh 19:2

Sư sek tơlang trŏ tơpă. Sư phak boih bơngai đi mă pơm jơ̆p kơ teh đak jing kơnê̆ 'mê̆-'mach, yua kơ tơdrong sư pơm kư̆ kă păng yua kơ sư pơlôch lu đĭch đam 'Bok Kei-Dei.”

Tơdrông Tơ'bôh 18:20

Đơ̆ng noh inh kơtơ̆ng 'bơ̆r nai dơ̆ng khan thoi âu: “Ơ lu đe mă oei tơ plĕnh, ơ lu kon 'Bok Kei-Dei, lu jơ̆ng 'bang Yêsu, lu bơngai pơtruh nơ̆r 'Bok Kei-Dei, hiôk bĕ lu iĕm yua kơ 'Bok Kei-Dei phak pơrăm boih pơlei noh mă pơm kơnê̆ kơ iĕm.”

Tơdrông Tơ'bôh 17:16

Mơjĭt tŏ ake mă ih 'bôh 'noh hei păng sem brem noh, lu sư hil areh kơ bơngai đi, na thu iŏk đĭ mŭk tơmam bơngai drŏ-kăn noh, jing akâu hoh, klaih kơ noh 'bet sa sư, 'buh pơkhoy tơ ŭnh.

II Tes 1:6

Păng Sư gô ăn tơdrong gleh kơ lu bơngai pơm kơnê̆ kơ bơ̆n.

Êsêkiên 39:9

Kơplah noh lu kon pơlei Isơrael mă oei lăm lu pơlei gô lĕch năm iŏk soh lu tơmam tơblah yua wă tơkuh, lu khêl tih iĕ, lu hră păng 'brơ̆m, lu hơlă, tơju, lu sư yua pơm 'long ŭnh tơkuh soh lăm tơpơh sơnăm.

Êsêkiên 39:3

Inh gô gơ̆ lê̆ hră đơ̆ng ti 'ngiĕo ih păng tơhuŏng lê̆ 'brơ̆m đơ̆ng ti gah 'ma ih.

Je 51:30

Lu linh dêh char Babilôn pơdơh tơblah, ôn akâu lu sư lăm kơđông kơjăp. Lu sư rơmơ̆n, jing thoi drŏ-kăn. Hnam lu sư đe soh đĭ, chơkăl 'măng jang lu pơlei sư tơgơ̆ boih.

Je 50:36

Đao gưm pơm kơ lu bơngai khan lê̆ adrol ô hơlĕnh, Lu sư gô jing bơngai kơwao! Đao gưm blah plơ̆ lu linh pran kơtang, lu sư gô hli tơrơ.

Je 50:10

Dêh char Kalđê đe gô blah tơgar iŏk, Đĭ-đăng lu bơngai mă blah iŏk lu sư noh gô phĭ hrăp, Kră Yang khan.

Je 49:35

Kră Yang Tih Hloh khan: “'Nâu, Inh gô gơ̆ lê̆ hră char Êlam, 'Nâu boih mă tơdrong pran kơtang tơm lu sư.

Êsai 35:4

Akhan bĕ kơ lu bơngai đei jơhngơ̆m hli tơtăm; “Chơ̆n jơhngơ̆m 'nĕ pă hli dơ̆ng! To, Kră Yang 'Bok Kei-Dei lu iĕm gô truh wă pơm 'mong păng pơrăm Sư gô truh dŏng pơklaih lu iĕm!”

Êsai 34:8

Yua kơ Kră Yang đei minh năr wă pơm 'mong. Đei sơnăm Sư wă pơm tơwih yua kơ pơlei Siôn.

Êsai 21:2

Đei tơ'bôh kơ inh tơdrong hli krưp dêh. Lu bơngai chă tơgar oei chă tơgar, lu bơngai pơrăm, oei chă pơrăm, ơ bơngai Êlam tŏk bĕ, ơ bơngai Mêđi! Wang bĕ, Inh gô pơtôch lê̆ dôm nơ̆r ôr ơh sư.

Horiso 137:8

Ơ lu kon drŏ-kăn Babilôn, lu bơngai đe wă pơrăm. Pŭn hiôk dêh bu wă pơm tơwih kơ iĕm, kiơ̆ tơdrong ih pơm kơnê̆ kơ lu nhôn.

Horiso 37:15

Đao lu sư gô 'bet jơhngơ̆m lu sư kơdih, Păng hră lu sư gô tơgơ̆.

I Sam 2:4

Hră lu bơngai kơtang tơgơ̆ bơih, mă-lei lu bơngai tơrăn oei đei jơhngơ̆m pran kơtang.

Bl 49:24

Đơ̆ng ti Kră Yang mơsêh Jakôp, Thoi noh hră sư huay kơ pơpơ̆; Đơ̆ng Kră Yang wei-lăng triu brĕ, noh tơmo kŭk Isơrael. Na 'bar pah ti sư jing pran.

Je 51:53

Mă khan dêh char Babilôn tih kơjung hơtŏ kơ plĕnh, mă sư man dur pơm kơđông kơjăp. Inh gô ăn lu bơngai năm blah pơrăm pơlôch sư.” Noh Kră Yang khan.

Am 2:15

Lu bơngai chĕp hră kư̆m đĭ ưh pă kĕ đơ̆ng; lu bơngai đei jơ̆ng hơbĕch hơbal kư̆m pă gơh weh, lu bơngai hao aseh kư̆m pă gơh pơklaih akâu sư kơdih,

Ob 1:15

Yua kơ năr Kră Yang wă jê̆ truh năr phak đĭ-đăng adrĕch kon bơngai boih năr ei kơnh đe gô pơm kơ ih kư̆m thoi ih đei pơm kơ đe dôm tơdrong jang ih gô tuh kơpal kơ̆l ih kơdih dơ̆ng.

Nhom 3:64

Ơ Kră Yang, Ih gô pơm tơwih kơ lu sư thoi tơdrong đêl lu sư pơm.