Je 51:53 - Sơ̆p Hlabơar Nơ̆r 'Bok Kei-Dei

⁵³ Mă khan dêh char Babilôn tih kơjung hơtŏ kơ plĕnh, mă sư man dur pơm kơđông kơjăp. Inh gô ăn lu bơngai năm blah pơrăm pơlôch sư.” Noh Kră Yang khan.

Je 51:53 Referans Kwoze

Je 49:16

Ih pơm kơ đe hli tơrơ, tơdrong kơnê̆ ih, tơdrong ih pơang blơ̆ ih boih; ơ bơngai mă oei lăm hơgơp tơmo. Oei kơpal wĕch kông; mă khan ih pơm tơpu kơjung thoi sem klang.” Inh gô tơhuŏng ih đơ̆ng noh, Noh Kră Yang khan.

Bl 11:4

Na khan thoi âu: “'Nâu bơ̆n athei pơjing minh pôm pơlei tih păng pơm hnam Thôt tŏk-bŏk pơlei, kơjung truh tơ plĕnh;a bơ̆n athei pơm ư-ang kơ bơ̆n; hli kơ bơ̆n tơklah tơklang tơ jơ̆p-jang kơpal teh đak âu.”

Je 51:25

Kră Yang khan: “Ơ kông ngăl pơrăm, 'nâu Inh pơrăm ih, ih boih mă pơrăm đĭ-đăng teh đak! Inh gô yơ̆r ti pơm kơ ih, tơlơ̆ ih đơ̆ng tơmo cheng kông, pơm ăn kơ ih jing thoi kông ŭnh sa khôi ngơr.

Am 9:4

Mă khan lu sư năm pơm bơnă 'bơ̆t anăp lu ayăt kơ lu sư, tơ noh inh kư̆m gô ăn đao gưm năm pơlôch lu sư. Inh gô răp lăng tơ lu sư wă pơrăm, ưh kơ trŏ wă ăn tơdrong hiôk ôh.

Da 4:30

Na sư khan: 'Nâu ưh kơ trŏ hă pơlei tih Babilôn mă đei pơdơ̆ng đơ̆ng tơdrong pran inh, wă pơm pơlei tơm lăm chăl pơtao inh păng wă pơư pơang 'lơ̆ng rŏ kơ inh.

Je 51:58

Kră Yang Tih Hloh khan: “Dur pơlei Babilôn hơ'bơ̆l, đe gô teh tơlơ̆ hơlih păk đĭ tơ teh, Lu 'măng jang sư kơjung ră, đe gô soh sa đĭ; kon pơlei gleh hrat mă ưh kơ yua kiơ, lu adrĕch adrung bơ̆jang gleh lap ăn kơ ŭnh sa đĕch.”

Je 51:48

Kơplah noh plĕnh, teh păng đĭ-đăng tơmam tơ plĕnh lăm teh, gô hơri chơt hiôk kơ Babilôn, yua kơ linh pơlôch pơrăm năm đơ̆ng yă-nơ̆m wă năm blah pơrăm dêh char Babilôn,” Noh Kră Yang khan.

Je 51:11

Maih bĕ 'brơ̆m tah 'bĕnh kơ jŏ chĕp bĕ khêl, Kră Yang pơdrŭt jơhngơ̆m lu pơtao char Mêđi, Iung blah dêh char Babilôn, Trŏ kơ Kră Yang pơlôch pơrăm sư. 'Nâu boih Kră Yang pơm tơwih. Sư pơm 'mong kơ hnam Sư.

Je 50:45

Thoi noh, mơ̆ng bĕ tơdă Kră Yang đei hơmet boih wă pơrăm dêh char Babilôn, păng tơdrong sư pơkă wă pơm kơ dêh char bơngai Kalđê. Mă lu kon triu iĕ đe kư̆m rôp ba đĭ đe gô pơrăm đĭ tơmăn 'nhĕt jing bri.

Je 50:25

Kră Yang pơih boih hnam tah tơmam tơblah Sư, Klơ̆m tơ 'nguaih boih tơmam tơblah Sư hil mĭl; Yua kơ Kră Yang Tih Hloh đei minh tơdrong athei pơm, Lăm teh đak bơngai Kalđê.

Je 50:21

Kră Yang khan: “Năm tŏk blah bĕ kon pơlei Mêrathaim păng pơm kơ lu bơngai oei lăm char Pêkôt. Pơlôch pơrăm đĭ-đăng lu sư, Pơm bĕ đĭ-đăng dôm tơdrong Inh đei tơtă boih kơ iĕm.

Êsai 47:7

Ih khan bơih: Inh gô jing pơtao drŏ-kăn ling-lang. Ih ưh kơ đei tơchĕng ih pơm kiơ dang ei păng kư̆m ưh kơ đei tơchĕng tơdrong gô truh dơning dơmônh.

Êsai 47:5

Ơ kon adruh bơngai Kalđê, hơ-oei hreh bĕ, năm bĕ lăm anih măng mu! Yua kơ đơ̆ng dang ei đe ưh pă krao ih drŏ-kăn pơtao kơ teh đak dơ̆ng bơih.

Êsai 41:25

Inh tơiung minh 'nu bơngai đơ̆ng gah yă-nơ̆m păng sư năm bơih; Minh 'nu đơ̆ng gah 'năr lĕch sư krao apinh hăm Anăn Inh Sư pơjuă kơpal lu 'bok pơgơ̆r nhen pơjuă teh hlŭt, nhen thoi bơngai man gŏ pơjuă teh lơ̆n.

Êsai 13:17

Inh gô pơtrŭt bơngai Mêdơ pơm kơ lu sư, lu bơngai noh sư ưh kơ gĭt kơ hu kư̆m ưh kơ wă kơ maih ôh.

Jop 20:6

Mă khan lu bơngai noh sư pơang truh tơ plĕnh Mă kơ̆l lu sư hơtŭt kơ hơmơ̆l,

Je 51:56

Lu bơngai pơlôch pơrăm năm blah boih pơlei Babilôn; đe rôp boih lu linh pran kơtang sư, hră lu sư gơ̆ lê̆ rơkhai; Yua kơ Kră Yang 'Bok Kei-Dei pơm tơwih trŏ thoi tơdrong lu sư pơm boih, Kră Yang gô pơm tơwih tơpă.

Am 9:2

Mă khan lu sư sir jrŭ truh tơ dêh hơtâu, ti inh kư̆m gô wŏk iŏk lu sư lĕch; mă khan lu sư tŏk truh tơ plĕnh, inh gô tơjur tơhuŏng lê̆ lu sư đơ̆ng noh.

Habakuk 2:9

Răm-'băm tơpă kơ lu bơngai bu jang sa ưh kơ tơpăt chă lơi kơ hnam dơnŏ kơdih akâu, wă pơm tơpu tơ kơpal kơjung, wă kơ klaih đơ̆ng ti lu bơngai pơm kơnê̆.