Je 51:5 - Sơ̆p Hlabơar Nơ̆r 'Bok Kei-Dei

⁵ Yua kơ Kră Yang 'Bok Kei-Dei Tih Hloh ưh kơ achăng lê̆ ôh lu bơngai Isơrael hăm lu bơngai Juđa. Mă-lei char Babilônb 'bĕnh hăm tơdrong yoch blah plơ̆ Tơ'ngla 'Lơ̆ng Rơgoh Isơrael.

Je 51:5 Referans Kwoze

Sa 12:8

Lăm năr noh, Kră Yang boih Tơ'ngla dŏng tơgŭm kon pơlei oei lăm Jêrusalem păng lăm năr noh lu bơngai mă tơrăn hloh gô pran thoi Đawit, hnam Đawit gô nhen thoi Kră Yang 'Bok Kei-Dei, gô thoi linh jang 'lơ̆ng Kră Yang oei 'bơ̆t anăp lu sư.

Sa 12:6

Lăm năr noh, Inh gô pơm ăn kơ yŏng pơgơ̆r Juđa thoi gŏ blôk lăm tơnuh đei 'long ŭnh khơ̆ng păng kư̆m thoi pla ŭnh khơ̆ng đơ̆ng hơchô̆ hơnong 'ba lu sư soh sa pơđĭ tơ gah 'ma hăm tơ gah 'ngiĕo, lu sư gô soh pơđĭ lu kon pơlei mă oei tăp dăr kơ lu sư; păng kon pơlei Jêrusalem oei đei anih kơ lu sư kơdih kơtă dơnơ̆ng, wă khan pơlei Jêrusalem.”

Hôsia 4:1

“Ơ lu kon sâu Isơrael, mơ̆ng bĕ nơ̆r Kră Yang khan yua kơ Kră Yang đei jô̆ hil boih kơ kon bơngai mă oei lăm teh đak âu. Ưh kơ đei bu tơpăt, ưh kơ đei bu băt 'mêm mơnat, păng ưh kơ đei bu băt hlôh kơ Kră Yang 'Bok Kei-Dei.

Sa 2:12

Kră Yang gô đei char Juđa pơm mŭk tơmam Sư lăm teh đak rơgoh păng Sư gô rơih iŏk Jêrusalem.

Mi 7:20

Ih gô pơm 'long tơpăt tơ'bôh kơ Jakôp păng 'mêm mơnat kơ Abraham, noh boih mă tơdrong Ih đei pơkăm pơkă hăm lu 'bok yă lu nhôn đơ̆ng năr sơ̆ ki sơ̆ kach.

Mi 7:18

Hăm đei bu jing 'Bok Kei-Dei thoi Ih, huay kơ jô̆ yo kơ tơdrong kơnê̆ đe păng huay kơ 'blŏk tơdrong glăi đơ̆ng kon pơlei mă oei oei lăm pơlei Ih, Ih huay kơ oei blĕk khŏm khŏm, yua kơ Ih iŏk tơdrong 'mêm mơnat na hiôk chơt.

Hôsia 1:10

Mă-lei ră kon sâu Isơrael gô jing lơ thoi chuơh cheng đak dơsĭ, ưh kơ kĕ kơ jô̆, pă kĕ tơng. Kơplah noh kơnh, ki Inh krao lu iĕm âu ưh pă trŏ kon pơlei Inh boih, na dang ei Inh gô krao lu iĕm jing kon Kră Yang 'Bok Kei-Dei mă arih ling-lang.

Êsêkiên 9:9

Kră Yang tơl inh: “Tơdrong yoch lăm adrĕch Isơrael păng Juđa tih dêh tơpă; teh 'bĕnh kơ pham pơlôch băl, lăm pơlei 'bĕnh kơ tơdrong kơnê̆ pơrăm băl. Lu sư khan: ‘Kră Yang achăng lê̆ boih teh âu, Kră Yang ưh kơ 'bôh.’

Êsêkiên 8:17

Sư khan kơ inh: “Ơ kon bơngai, ih hăm 'bôh ưh? Noh adrĕch Juđa oei đei pơm tơdrong yoch kơnê̆ krưp, hăm trŏ tơdrong iĕ dah liơ? Lu sư pơm tơdrong kơnê̆ 'bĕnh lăm teh đak âu, păng tơblĕk Inh ling-lang dơ̆ng. Âu, lăng bĕ lu sư tah 'long lăm trôm muh wă tơblĕk Inh!

Je 50:20

Kră Yang khan: “Lăm năr noh, kơplah noh. Đe chă tơdrong glăi lăm lu bơngai Isơrael ưh kơ 'bôh ôh. Đe chă tơdrong yoch lăm lu bơngai Juđa kư̆m ưh kơ đei. Yua kơ Inh mơnat ăn huay pă jô̆ boih kơ lu bơngai, mă Inh oei 'măn lê̆ arih.”

Je 46:28

Kră Yang khan: “Ơ Jakôp đĭch đam Inh, ih 'nĕ kơ hli, Inh oei hơdai ih, Inh gô pơrăm đĭ lu dêh char mă Inh đei puh iĕm tơ noh; bĕ gah lu iĕm Inh ưh kơ pơlôch đĭ, mă-lei gô phak bơtho iĕm trŏ tơpăt hơnơ̆ng, ưh kơ đei lê̆ ôh tơdrong phak bơtho iĕm.”

Je 31:37

Kră Yang khan: “Tơdah đei bu gơh pơtŏ lu tăl plĕnh tơ kơpal ti dah gơh lăng băt kơ hơnă tơ ala plei teh sŭng, na kơplah noh, Inh gô achăng lê̆ adrĕch adrung Isơrael, yua kơ tơdrong yoch mă lu sư pơm.” Noh Kră Yang khan.

Je 23:15

Thoi noh Kră Yang Tih Hloh khan gah lu bơngai khan lê̆ adrol noh: “Inh gô ăn kơ lu sư sa 'long tăng păng nhă đak hơkăm, yua kơ đơ̆ng lu bơngai khan lê̆ adrol lăm pơlei Jêrusalem, tơdrong pơm yoch kơnê̆ dêh rai jơ̆p kơ dêh char.”

Je 19:4

Yua kơ lu sư achăng lê̆ Inh boih, pơm ăn kơ anih 'nâu jing 'mê̆-'mach, hăm tơdrong lu sư soh nhang pơyơ̆r tơmam soi 'buh kơ lu yang nai, mă lu sư, đe yă 'bok lu sư, lu pơtao đe Juđa tam lah băt, pơm kơ anih 'nâu 'bĕnh kơ pham lu bơngai ưh kơ yoch.

Je 16:18

Inh gô pơm 'mong kơ lu sư 'bar wơ̆t hloh, tơdrong yoch kơnê̆ lu sư pơm, yua kơ lu sư pơm 'mê̆-'mach kơ teh đak păng tơdrong jang Inh 'bĕnh hăm akâu lôch lu tơmam Inh areh,

Êsai 62:12

Đe gô krao lu sư Kon Pơlei Rơgoh. Kon pơlei mă Kră Yang huai iŏk; gah ih đe gô krao kơ ih pơlei tih đe chơchă, pơlei mă ưh pă hŭt lê̆ juơ dơ̆ng.

Êsai 44:21

“Ơ Jakôp, 'blŏk bĕ lu tơdrong 'nâu yua kơ iĕm jơ̆ đam Inh. Ơ Isơrael Inh bơih pơjing iĕm, iĕm đam Inh Ơ Isơrael Inh ưh kơ hiơt kơ iĕm ôh.

Horiso 94:14

Yua kơ Kră Yang ưh kơ đei achăng lê̆ kon pơlei Sư. Kŭm ưh kơ lê̆ ôh dôm lu bơngai jing kon pơlei pơla Sư,

Esơra 9:9

Yua kơ lu nhôn tơm hmơm sơ̆ jĭ bơngai pơm đĭch; mă-lei Kră Yang 'Bok Kei-Dei nhôn ưh kơ đei achăng lê̆ lu nhôn kơplah oei pơm đĭch sơ̆, Sư ăn kơ nhôn tơdrong Sư 'mêm sĭt 'bơ̆t anăp pơtao Phersia, wă ăn kơ lu nhôn arih 'biơ̆ wă kơ gơh pơm hnam akŭm Kră Yang 'Bok Kei-Dei lu nhôn păng wă kơ wih pơm ming đêl pơchah răm, kư̆m ăn kơ lu nhôn minh anih oei kơjăp lăm dêh Juđa păng pơlei Jêrusalem.

I Sam 12:22

Kră Yang yua kơ anăn Sư tih dêh, na Sư ưh kơ achăng lê̆ kon pơlei Sư: Sư wă kơ lu iĕm pơm kon pơlei Sư.

II Pot 21:16

Hloh kơ noh dơ̆ng, Manase kư̆m pơlôch lơ bơngai ưh kơ đei yoch dĭng mah pham 'bĕnh-'bang kơ pơlei Jêrusalem, đơ̆ng pah âu truh tơ pah to, 'nguaih kơ tơdrong pơm kơ lu bơngai Juđa pơm yoch păng pơm kơnê̆ 'bơ̆t anăp Kră Yang hai dơ̆ng.

I Pot 6:13

Inh gô oei hơdai lu bơngai Isơrael. Inh ưh kơ achăng lê̆ ôh bơngai Isơrael kon pơlei pơla inh.”

Hôsia 4:2

Lăm noh pôm băt kơ pơm tơdrong hơlĕnh pơdăr, plêl, pơlôch băl, tơtông klĕ păng pơm pơyô kư̆ kă; lu sư pơm lơ tơdrong kơnê̆, pơlôch băl rai dêh pơm plơ̆ pham 'mong pham.

Êsai 51:15

Inh jơ̆ Kră Yang 'Bok Kei-Dei iĕm Tơ'ngla pơm ăn đak dơsĭ poh-yă păng poh-yă re jơwa. Kră Yang Tih Hloh jơ̆ anăn Sư

Je 14:9

Liơ Ih nhen thoi bơngai đei tơdrong truh ưh kơ tam băt, nhen thoi bơngai nuih pran mă ưh kơ gơh dŏng pơklaih bu? Mă-lei ơ Kră Yang, Ih oei oei hơdai nhôn, đe krao nhôn kon Ih, apinh Ih 'nĕ kơ achăng lê̆ lu nhôn.

Je 14:19

Lei Ih wă achăng lê̆ lu bơngai Juđa hă? Ih kư̆m areh kơ Siôn hă? Liơ ih teh tôn lu nhôn, dĭng mah rơka lu nhôn hơmet pă klaih? Lu nhôn hơmĕng rŏ kơ hiôk-hian, Mă-lei ưh kơ đei tơdrong 'lơ̆ng; lu nhôn wă kơ gơh klaih, mă-lei rai tơ'bơ̆p tơdrong hli krưp.

Je 51:19

Kră Yang 'Bok Kei-Dei Jakôp ưh kơ thoi lu noh, yua kơ Sư boih Tơ'ngla pơjing tôm tơmam. Adrĕch adrung Isơrael jing tơmam gĭt Sư. Anăn Sư Kră Yang Tih Hloh.

Hôsia 2:1

“Krao bĕ kơ 'nhŏng oh lu iĕm: Ami kon pơlei Inh păng mŏ oh lu iĕm: Ruhama, Inh đei mơnat boih.

Hôsia 2:3

Tơdah ưh, kơnh Inh gô plôh lê̆ hơbĕn ao đơ̆ng sư lê̆ sư akâu hoh, thoi đe 'nao hơiơch kơ sư sơ̆; păng Inh pơm kơ sư thoi teh kro tơ char glă, pơm kơ sư lôch kơ rơhing.