Je 51:47 - Sơ̆p Hlabơar Nơ̆r 'Bok Kei-Dei

⁴⁷ Thoi noh, gô đei năr, Inh phak lu rup yang dêh char Babilôn; jơ̆p kơ teh đak gô mơlâu kơdơ̆; lu bơngai đe gô 'bet pơlôch pơ̆k lăm đĭ dêh char.

Je 51:47 Referans Kwoze

Je 50:2

“Roi pơdah bĕ kơ đĭ-đăng dêh char, tơbăt bĕ, hơtŏk hla-kơ păng tơbăt bĕ, 'nĕ kơ ôn ôh tơdrong 'noh, tơbăt bĕ: ‘Đe gô iŏk Babilôn, đe pơm kơ yang Bel mơlâu, yang Mêrôđak 'bĕnh kơ hli tơrơ. Đĭ lu rup yang mơlâu, lu rup yang hli tơrơ.

Je 51:52

Mă-lei gô đei năr, truh tơpă Kră Yang khan: “Inh gô phak pơrăm lu rup yang đe Babilôn, jơ̆p kơ teh đak, lu bơngai rơka gô ôr tơngưih.

Êsai 21:9

To lu linh hao gre aseh lu sư năm hơgrop 'bar 'bar, sư tơl khan: ‘Pơlei Babilôn pơchah răm bơih! Dôm lu rup yang sư pơchah hĕch đĭ tơ teh bơih!’ ”

Je 51:43

Lu pơlei sư jing juơ, Teh đak Babilôn hrĕng kro jing juơ ưh pă đei bơngai oei, Kŭm ưh kơ đei bơngai bu chă yak drong găn.

Je 51:24

Inh gô pơm tơwih kơ dêh char Babilôn păng đĭ-đăng bơngai oei lăm char Kalđê 'bơ̆t anăp lu iĕm yua kơ đĭ-đăng tơdrong yoch lu sư pơm boih lăm pơlei Siôn.” Noh Kră Yang khan.

Je 51:18

Lu rup mă ưh kơ yua, noh tơmam hiap pơtê̆ chă hơlĕnh đĕch; truh năr sek tơlang gô pơrăm.

Je 25:12

Kră Yang khan: “Mưh đĭ kơ tơpơh-jĭt sơnăm noh boih, Inh gô phak pơtao Babilôn păng kon bơngai lăm char noh, yua kơ tơdrong yoch lu sư. Inh gô phak char bơngai Kalđê pơm ăn kơ char noh jing juơ hlŏng hloi.

Je 23:34

Dah 'bok soi, dah 'bok khan lê̆ adrol dah minh 'nu lăm lu kon pơlei khan: ‘'Nâu tơdrong trăp đơ̆ng Kră Yang,’ Inh gô phak bơngai noh hăm hnam dơnŏ sư hai.

Je 13:21

Ih gô pơma liơ mưh Kră Yang ăn minh 'nu bơngai tơmoi pơm yŏng pơgơ̆r ih. Lu bơngai mă buăl juăt iĕm, lu bơngai mă lu iĕm đei bơtho pơhrăm lê̆ sơ̆? Ih ưh kơ jĭ jơhngơ̆m klơm klak thoi bơngai drŏ-kăn hơiơch?

Je 11:22

Kră Yang Tih Hloh khan: “Inh gô phak lu sư, lu tơdăm gô lôch kơ đao gưm; lu adruh tơdăm kư̆m gô lôch kơ pơngot rơwĕt.