Je 51:41 - Sơ̆p Hlabơar Nơ̆r 'Bok Kei-Dei

⁴¹ Sêsach đe blah iŏk boih pơlei tih mă đĭ-đăng teh đak ư-ang đe kư̆m blah iŏk boih! Babilôn jing juơ tơtŭng kơ lu dêh char, lăng krưp.

Je 51:41 Referans Kwoze

Je 25:26

Ăn đĭ kơ pơtao gah yă-nơ̆m, oei jê̆ dah ataih, ăn kơ đĭ-đăng dêh char kơpal teh. Đơ̆ng noh ăn kơ Pơtao Sêsach kư̆m huch sik lăm kơchŏk noh.

Êsai 13:19

Babilôn jơ̆ pơlei đe ư-ang rim kơ teh đak, pơlei mă lu bơngai Kalđê ang pơyom kơ sư, Sư jing thoi pơlei Siđôm păng pơlei Gômôrơ, sư gô mă Kră Yang 'Bok Kei-Dei gô pơrăm lê̆.

Je 49:25

Ô pơlei đe ư-ang, pơlei tih hiôk chơt Đê̆ hiơt đĭ boih

Da 4:30

Na sư khan: 'Nâu ưh kơ trŏ hă pơlei tih Babilôn mă đei pơdơ̆ng đơ̆ng tơdrong pran inh, wă pơm pơlei tơm lăm chăl pơtao inh păng wă pơư pơang 'lơ̆ng rŏ kơ inh.

Da 4:22

Ơ pơtao, noh jơ̆ ih boih, ih pran kơtang tơdrong ih pơgơ̆r rai kơjung truh tơ plĕnh, tơdrong kĕ ih gom tơ jơ̆p lăm teh đak.

Da 2:38

Kră Yang 'Bok Kei-Dei đei ăn boih tơ lăm ti pơtao dôm lu adrĕch kon bơngai, lu kon sem brem, lu sem păr, tơ jơ̆p-jang anih mă khan lu sư oei tơ yơ, Sư kư̆m đei ăn pơtao pơgơ̆r đĭ-đăng; thoi noh kơ̆l pơm hăm maih noh ih boih.

Êsêkiên 27:35

Đĭ-đăng kon pơlei oei lăm lu bŏl đak dơsĭ, lăng hlĭch chrêu tơpă yua kơ tơdrong truh kơ ih; pơtao lu sư hli tơrơ dêh muh măt lu sư hơ'brơ̆p hơ'brăp.

Je 51:37

Babilôn gô jing rơ̆m rĕch, Jing anih kơ lu kŏ bri oei, Anih juơ rơhiăng, ưh pă đei bơngai oei tơ noh. Bu rok trong noh lăng krưp chơbơle.

Je 50:46

Tơdah kơtơ̆ng ang đe blah iŏk dêh char Babilôn, teh pơpơ̆, Kơtơ̆ng krao ôr dêh tơ jơ̆p kơ dêh char.”

Je 50:23

Ô lăng deh, đe teh tơgơ̆ pơchah boih Babilôn sư thoi mut teh pơrăm jơ̆p kơ teh đak! Babilôn jing juơ rơ̆m rĕk lăm teh đak, lăng krưp.

Êsai 14:4

Na iĕm gô yua nơ̆r pơma 'nâu wă pơjăm pơtao Babilôn: Lơliơ mă lu bơngai pơjuă pơđep hiong đĭ, bơngai mă hil areh pă 'bôh dơ̆ng bơih.

II Ho 7:21

Hnam 'nâu mă khan kơjung rŏ dang yơ, dah đei bu yak rok noh 'bôh hlĭch na jet! “Yua kơ kiơ Kră Yang pơm kơ char 'nâu păng hnam 'nâu thoi noh?”

Both 28:37

Lăm lu adrĕch adrung mă Kră Yang puh iĕm truh tơ yơ, đĭ-đăng kon pơlei tơ noh hli tơrơ, 'bôh tơdrong pơmat-tat lu iĕm. Lu iĕm jing bơngai pơm kơ đe pơjăm hiĕk ăr.