Je 51:34 - Sơ̆p Hlabơar Nơ̆r 'Bok Kei-Dei

³⁴ Nebukatnessar pơtao Babilôn luăn sa inh boih, sư pơjuă inh hĕch hoch; sư huet inh 'biao thoi gŏ hoh, Luăn sa inh thoi yă-grai sa tơmam 'lơ̆ng inh 'bĕnh kơ klak sư; Na hăk lê̆ inh.

Je 51:34 Referans Kwoze

Je 50:17

Isơrael boih khŭl triu jrok, Đei dăm-brang druh rôp. Adrol sơ̆ pơtao Asiri hek sa lu sư boih; Đơ̆ng rŏng Nebukatnessar, pơtao Babilôn, kăp rĕn kơting sư.”

Je 51:44

Inh gô phak yang Bel lăm pơlei Babilôn, athei sư hăk lê̆ tơmam mă đêl sư luăn boih; Lu kon pơlei ưh pă đei pơtơm băl năm kơkuh dơ̆ng, Mă dur Babilôn gô hơlih pơchah đĭ!

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Jop 20:15

Mŭk măk sư tơtông luăn sa 'ngam gô hăk lê̆ tơ 'nguaih, Kră Yang 'Bok Kei-Dei bơih ăn kơ sư hăk lê̆ mŭk tơmam noh đơ̆ng hlŭng sư.

Na 2:2

Yua kơ Kră Yang gô tơiung dơ̆ng tơdrong ư-ang Jakôp, thoi tơdrong ư-ang Isơrael, đơ̆ng lu bơngai mă blah pơgŏ pơđep lu sư păng pơrăm lê̆ boih dơng hơmu sư.

Am 8:4

Iĕm mă lu bơngai luăn sa pơjuă bơhlơ̆r lu bơngai dơnuh hin păng pơrăm lu bơngai pơmat-tat kơpal teh, mơ̆ng bĕ nơ̆r 'nâu.

Êsêkiên 36:3

Yua kơ thoi noh khan lê̆ adrol thoi âu: ‘Kră Yang khan thoi âu: Yua kơ lu sư pơm kơ ih jing juơ rơhiăng pă đei, blah ih đơ̆ng gah puăn pah, pơm kơ ih jing tơmam lu adrĕch adrung oei đei yua iŏk păng jing nơ̆r đe pơma roi sa, pơjăm,

Nhom 2:16

Dôm lu ayăt kơ iĕm ha 'bơ̆r khan kơ iĕm, Hiĕk achơ̆, kăp hơnĕnh, thoi âu: Lu bơ̆n luăn lê̆ sư boih! 'Nâu trŏ boih năr mă lu bơ̆n chang gô,

Nhom 1:1

Ơu, pơlei tih âu sơ̆ đei lơ kon pơlei dêh, to dang ei ngôi hơdrô̆! Sơ̆ pơm tih kơ lu kon pơlei, 'nâu dang ei thoi yă adro! Sơ̆ lu drŏ-kăn jing yŏng tơ'ngla kơ lu tơring, dang ei jing đĭch đam!

Je 51:49

Kon pơlei Babilôn gô pơ̆k lôch yua kơ sư 'bet pơlôch boih kon pơlei Isơrael. Kŭm thoi, sư 'bet pơlôch kon pơlei pơ̆k tơ jơ̆p lăm teh đak.

Je 50:7

Đe bu tơ'bơ̆p lu sư rôp 'buh sa; Lu bơngai ayăt kơ lu sư khan. ‘Lu nhôn ưh kơ pơm yoch ôh, Lu sư pơm yoch boih hăm Kră Yang, Sư boih mă tơmăn 'nhĕt tơpă. Păng tơm tơdrong 'bok yă lu sư gơnang, Sư boih Kră Yang.’

Êsai 34:11

Sem bơrơ̆m păng jơma oei tơ anih noh, sem bơrơ̆m, sem ak gô oei tơ noh. Kră Yang 'Bok Kei-Dei gô dăng hăm tơlei tơdrong pơrăm lu sư păng pơtŏ hăm 'long thưk tơdrong tơhiong lu Sư.

Tơdrông Pơđơk 1:12

Lu bơ̆n gô luăn lu sư oei arih thoi dêh hơtâu, Păng luăn oei akâu hơpôm thoi đe huŏng lăm sơlŭng bơsat.

Horiso 74:13

Kră Yang yua boih tơdrong mơsêh Ih klah asong đak dơsĭ. Teh pơchah kơ̆l sem brem kơnê̆ lăm đak.

Hôsia 8:8

Đe luăn sa bơngai Isơrael boih, dang ei lu sư oei tŏk-bŏk hăm kon bơngai thoi pơnhan tơmam ưh kơ gĭt.

Êsai 42:22

Mă-lei kon pơlei Sư đe tơtông, đe tơgar iŏk, Đĭ-đăng lu sư huŏng lăm sơlŭng păng đe chĭt ôn lăm sơlŭng jrŭ, lu sư jing tơmam đe tơtông iŏk. Mă ưh kơ đei bu dŏng pơklaih lu sư, mă ưh kơ đei bu khan: “Pơdrâu kơ Inh wă!”