Je 51:30 - Sơ̆p Hlabơar Nơ̆r 'Bok Kei-Dei

³⁰ Lu linh dêh char Babilôn pơdơh tơblah, ôn akâu lu sư lăm kơđông kơjăp. Lu sư rơmơ̆n, jing thoi drŏ-kăn. Hnam lu sư đe soh đĭ, chơkăl 'măng jang lu pơlei sư tơgơ̆ boih.

Je 51:30 Referans Kwoze

Na 3:13

'Nâu kon pơlei ih, lu linh ih rơdu thoi bơngai drŏ-kăn oei tŏk-bŏk ih. Lu 'măng jang char ih pơih boih rai să ăn kơ lu linh ayăt mơ̆t ŭnh sa đĭ boih lu mam chơkăl sư.

Nhom 2:9

Lu 'măng jang tơkơ̆l đĭ tơ teh păng gơ̆ lê̆ chơkăl sư; Pơtao hăm lu kră pơlei oei hơdai hăm lu kon pơlei, Jing anih ưh pă đei khôi juăt! Lu 'bok khan lê̆ adrol ưh pă đei 'bôh păng pă đei kơtơ̆ng boih nơ̆r Kră Yang.

Êsai 19:16

Lăm năr noh kơnh, bơngai Êyiptơ gô nhen thoi bơngai drŏ-kăn, hli tơrơ kơ ti Kră Yang Tih Hloh wă pơrăm lu sư.

Horiso 76:5

Lu bơngai nuih kơtang đe tơgar iŏk tơmam tơblah lu sư đĭ boih. Lu sư tep hlŏng hloi pă đei bu nuih pran mă oei gơh hiŏng kơkŏng ti.

Am 1:5

Inh gô gơ̆ lê̆ 'long chơkăl 'măng jang pơlei Đamas, Inh gô pơrăm lu kon pơlei oei lăm thŭng Awen păng bơngai mă chĕp 'long jra pơtao sư tơ dêh Bet Eđen; gah kon pơlei Siri gô năm pơm bơnă tơ tơring Kir, Kră Yang khan thoi noh.

Je 48:41

Pơlei Kêriôt đe gô blah iŏk, lu kơđông kơjăp đe iŏk; lăm năr noh lu linh nuih kơtang char Môap jơhngơ̆m lu sư thoi drŏ-kăn hơiơch.

Tơdrông Tơ'bôh 18:10

Lu sư dơ̆ng ataih kơ Pơlei Babilôn ei hli kơ trŏ tơdrong răm thoi pơlei noh. Na lu sư khan: “Ô glăi, ô glăi, Pơlei Babilôn tih-tin 'lơ̆ng rŏ, mă-lei 'Bok Kei-Dei phak blah pơchah kơbĭ dôm yơ.”

Je 51:57

Yŏng Pơtao, anăn Sư Kră Yang Tih Hloh khan: “Inh gô ăn kơ lu yŏng wei-lăng păng lu yŏng pơgơ̆r hơgei, lu yŏng pơgơ̆r char păng yŏng pơgơ̆r tơring hăm lu linh sư gô suai sik, tep ling-lang, ưh pă kĕ iung dơ̆ng.”

Je 51:32

Đak krong, lu anih đơ̆ng juăt tŏk đe blah iŏk boih, lu anih trâp hlŭt đe soh boih, Lu linh tơblah hli tơrơ.”

Horiso 147:13

Yua kơ Sư đei pơm kơjăp boih kơ chơkăl 'măng jang ih. Ăn tơdrong pŭn hiôk kơ kon sâu mă oei hơdai ih.a

Horiso 107:16

Yua kơ Sư pơrăm boih 'măng jang bơsei. Sư chơ̆ng tơgơ̆ lê̆ boih lu dơhlông bơsei.

Êsai 47:14

To lu sư gô nhen thoi hơnong 'ba; ŭnh sa pơđĭ; lu sư ưh kơ gơh pơklaih kơdih lu sư đơ̆ng pla ŭnh. Ŭnh noh ưh kơ đei ngar wă nhur tơnŏ ôh, ưh pă đei tơnuh ŭnh wă ngôi nhur.

Je 50:15

Jreo tơkĕch bĕ tăp dăr puăn pah. Sư yơ̆r ti thuơ boih, Lu hnam gak pơchah boih, Dur pơlei teh pơchah hơlih boih: Noh tơdrong Kră Yang pơm 'mong! Pơm 'mong bĕ! Pơm 'mong kơ sư thoi sư đei pơm boih kơ đe.