Je 51:13 - Sơ̆p Hlabơar Nơ̆r 'Bok Kei-Dei

¹³ Lu bơngai oei jê̆ tơ lơ thong đak krong. Iĕm mơdrŏng đei lơ hnam tah tơmam gĭt, Năr tôch kơ ih truh boih, trŏ boih kơ chăl đe wă pơrăm chăl arih ih, khei 'năr ih arih kơtĕch boih.

Je 51:13 Referans Kwoze

Tơdrông Tơ'bôh 17:1

Đơ̆ng noh minh 'nu lăm tơpơh 'nu linh jang mă chĕp tơpơh tŏ pơnhan ei, sư năm tơ inh păng khan: “Kiơ̆ inh bĕ, inh gô tơ'bôh kơ ih tơdrong 'Bok Kei-Dei phak bơngai đi pơm pơyô ngôi kư̆ kă noh, bơngai ei oei 'bơ̆t cheng đak krong hăm đak glung.

Tơdrông Tơ'bôh 17:15

Na linh jang hei khan kơ inh dơ̆ng thoi âu: “Glung đak mă ih 'bôh bơngai drŏ-kăn oei hei noh, 'noh wă pơtih gia kơ tôm kơ adrĕch adrung khŭl kon bơngai lăm teh đak mă sư pơgơ̆r.

Êsai 45:3

Inh gô ăn kơ ih tơmam gĭt tah ôn lăm anih măng mu, Ăn kơ ih mŭk tơmam gĭt lăm anih hlơp, wă kơ ih băt kơ Inh bơih Kră Yang, 'Bok Kei-Dei đe Isơrael. Tơ'ngla krao ih hăm anăn ih.

Je 51:36

Lei na Kră Yang khan: “'Nâu Inh gô dŏng ih, Inh pơm tơwih kơ lu ayăt kơ ih. Inh gô pơhrơ̆ lê̆ đak dơsĭ sư, Ăn kơ rim tu đak sư hrơ̆ kro.

Bl 6:13

Kră Yang 'Bok Kei-Dei khan kơ Nôê thoi âu: “Inh gô pơrăm đĭ kon bơngai, yua kơ đơ̆ng kon bơngai na teh âu 'bĕnh kơ tơdrong kơnê̆. Thoi noh inh gô pơrăm lu sư hơdai hăm teh.

Tơdrông Tơ'bôh 18:19

Lu sư chup teh pơnŭk săi kơpal kơ̆l lu sư mơlŭng mơlăng, nhơ̆m hmoi ơh ol pơma ôr pơret khan: “Ô glăi, ô glăi, Pơlei Babilôn pơlei tih-tin, lu bơngai đei duk oei tơ đak dơsĭ mơdrŏng yua đơ̆ng sư, lăm minh jơ đĕch ưh kơ đunh mă hiong đĭ tơmam mơdrŏng, tơmam 'lơ̆ng rŏ.”

II Pet 2:3

Yua kơ lu sư bơngai ham dêh, na lu sư kư̆m hơlĕnh pơdăr kơ iĕm, wă kơ đei sa jên tơmam iĕm. Mă đơ̆ng sơ̆ 'Bok Kei-Dei phak lu bơngai thoi noh ngăl, na lu bơngai noh kơnh 'Bok Kei-Dei kư̆m phak mơ̆n, ưh kơ lê̆ ôh.

I Pet 4:7

Khei 'năr wă jê̆ tôch boih na iĕm athei tơchĕng đon mă hơgei wă kơ kơchăng kơ tơdrong krao khan pơnam.

Am 8:2

Sư khan: Amôs, ih 'bôh kiơ? Inh tơl: Inh 'bôh minh pôm bai plei 'long bơyan puih, Kră Yang khan kơ inh dơ̆ng thoi âu: Năr tôch truh boih tơ kon pơlei Isơrael; Inh ưh pă 'mêm kơ sư dơ̆ng.

Da 5:26

Âu wă tơblang lu chư noh: Mene wă khan Kră Yang 'Bok Kei-Dei jô̆ boih dêh char pơtao păng wă pơtôch lê̆.

Nhom 4:18

Lu sư lăng pơglăn tơ jơ̆ng lu bơ̆n. Dĭng mă lu bơ̆n pă gơh năm rok trong pơlei. Tơdrong jang lu bơ̆n wă jê̆ tôch boih! Năr lu bơ̆n trŏ boih! Tơpă, tơdrong năr tôch lu bơ̆n truh boih!

Je 50:37

Đao gưm blah plơ̆ lu aseh păng gre aseh, Păng đĭ-đăng lu linh đơ̆ng tơmoi, Pơm kơ lu sư gô jing thoi bơngai drŏ-kăn! Đao gưm blah lu hnam mong mŭk tơmam gĭt ăn kơ đe tơgar iŏk đĭ mŭk tơmam lu sư.

Je 50:31

Kră Yang Tih Hloh khan: “Ơ dêh char pơang, 'nâu inh hil blah ih! Năr ih truh boih, Năr jơ Inh wă phak pơmat ih truh boih.

Je 50:27

'Bet pơlôch bĕ đĭ-đăng rơmo tơno sư; ba tơ anih đe pơm 'nhĕm! Răm-'băm tơpă kơ lu sư, truh boih năr mă phak lu sư.

Je 17:11

Bơngai mă mơdrŏng đơ̆ng ưh kơ tơpăt, lu sư thoi sem trăk-tra 'nơ̆m kơtăp sem nai, đei cheh kon ưh kơ trŏ kon sư, ưh kơ đunh tơdrong mơdrŏng sư gô hiong đĭ, na tuch-luch đe jô̆ sư kơtul bơlŭk.

Êsai 43:14

Kră Yang, Tơ'ngla huai iŏk lu iĕm, Kră Yang 'lơ̆ng Rơgoh đe Isơrael khan thoi âu: “Yua kơ lu iĕm, Inh wơh đe năm truh tơ pơlei Babilôn, pơm kơ lu sư kơdâu đĭ wă khan lu bơngai Kalđê, kơdâu ôn jur tơ lu thŏng-nan nhơ̆m hmoi.

Êsai 57:17

Yua kơ yoch lu sư hưch ham chă lơi kơdih, na Inh hil mĭl păng teh sư. Lăm kơplah Inh blĕk, Inh ôn bơih muh măt Inh hil, mă-lei lu sư oei wih kiơ̆ trong lăm jơhngơ̆m sư kơdih.

Horiso 137:1

Lu nhôn oei ngôi cheng đak glung Babilôn. 'Blŏk kơ Siôn, na nhơ̆m.