Je 50:9 - Sơ̆p Hlabơar Nơ̆r 'Bok Kei-Dei

⁹ 'Nâu, Inh gô tơiung lơ dêh char pơgơ̆p băl đơ̆ng gah yă-nơ̆m, lu sư gô mơ̆t blah dêh char Babilôn, Lu sư dă linh wă blah iŏk; 'brơ̆m lu sư prah thoi 'brơ̆m lu linh tơblah hơgei, ưh kơ đei brŏk hoh.”

Je 50:9 Referans Kwoze

Je 51:11

Maih bĕ 'brơ̆m tah 'bĕnh kơ jŏ chĕp bĕ khêl, Kră Yang pơdrŭt jơhngơ̆m lu pơtao char Mêđi, Iung blah dêh char Babilôn, Trŏ kơ Kră Yang pơlôch pơrăm sư. 'Nâu boih Kră Yang pơm tơwih. Sư pơm 'mong kơ hnam Sư.

Je 50:29

Krao bĕ lu bơngai chĕp hră, Blah prah pơlei Babilôn; Wang tăp dăr kơ pơlei; 'nĕ ăn kơ minh 'nu klaih! Pơm bĕ kơ sư thoi sư đei pơm kơ đe, pơm 'mong tơwih kơ sư thoi sư đei pơm boih; Yua kơ sư pơang blah plơ̆ Kră Yang, Tơ'ngla 'Lơ̆ng Rơgoh Isơrael.

Je 50:26

Năm pơm bĕ kơ sư đơ̆ng rim anih ataih, pơih bĕ pơk 'ba sư; pơpôi đĭ minh 'bôt thoi pôi 'ba. Pơlôch pơgoh bĕ, 'Nĕ pă lê̆ minh 'nu bu!

Je 50:21

Kră Yang khan: “Năm tŏk blah bĕ kon pơlei Mêrathaim păng pơm kơ lu bơngai oei lăm char Pêkôt. Pơlôch pơrăm đĭ-đăng lu sư, Pơm bĕ đĭ-đăng dôm tơdrong Inh đei tơtă boih kơ iĕm.

Je 50:14

Ơ lu bơngai chĕp hră, Dă bĕ lu iĕm tăp dăr dêh char Babilôn, Prah bĕ 'nĕ 'mêm kơ 'brơ̆m, Yua kơ sư pơm yoch blah Kră Yang.

Je 50:3

Đei dêh char đơ̆ng yă-nơ̆m blah sư, Pơm kơ dêh char noh jing juơ tơtŭng. Tơ noh pă đei bơngai oei, Mă kon bơngai păng lu kon sem brem kơdâu jăk đĭ.”

Je 15:14

Inh gô ăn kơ lu iĕm jang kơ lu bơngai ayăt kơ iĕm, lăm dêh char mă lu iĕm ưh tam băt, yua kơ lăm tơdrong Inh hil thoi ŭnh khơ̆ng, Soh chhông sa lu iĕm.”

Êsai 41:25

Inh tơiung minh 'nu bơngai đơ̆ng gah yă-nơ̆m păng sư năm bơih; Minh 'nu đơ̆ng gah 'năr lĕch sư krao apinh hăm Anăn Inh Sư pơjuă kơpal lu 'bok pơgơ̆r nhen pơjuă teh hlŭt, nhen thoi bơngai man gŏ pơjuă teh lơ̆n.

Êsai 21:2

Đei tơ'bôh kơ inh tơdrong hli krưp dêh. Lu bơngai chă tơgar oei chă tơgar, lu bơngai pơrăm, oei chă pơrăm, ơ bơngai Êlam tŏk bĕ, ơ bơngai Mêđi! Wang bĕ, Inh gô pơtôch lê̆ dôm nơ̆r ôr ơh sư.

II Sam 1:22

Hră jŭk Jônathan ưh kơ đei layơ wơ̆t brŏk, khan huay kơ đei pham bơngai lôch klep, Đao Sôl ưh kơ layơ brŏk hoh. Mă-lei layơ kư̆m đei rơmă lu bơngai nuih kơtang klep.

Hơri Hiôk 3:8

Đĭ-đăng lu sư chĕp đao gưm ngăl. Păng hơgei juăt kơ tơblah. Rim 'nu lu sư kiĕo đao tơ kơiĕng, Wă kơ răng hli kơ hơyăt kơplah măng mu.

Je 25:14

‘Mă lu sư kư̆m gô pơm đĭch kơ lu dêh char pran kơtang lu pơtao tih mơng Inh gô pơm tơwih kơ lu sư thoi lu sư đei pơm păng kiơ̆ kơ tơdrong jang đơ̆ng ti lu sư pơm.”

Je 25:26

Ăn đĭ kơ pơtao gah yă-nơ̆m, oei jê̆ dah ataih, ăn kơ đĭ-đăng dêh char kơpal teh. Đơ̆ng noh ăn kơ Pơtao Sêsach kư̆m huch sik lăm kơchŏk noh.