Je 50:8 - Sơ̆p Hlabơar Nơ̆r 'Bok Kei-Dei

⁸ Kơdâu bĕ đơ̆ng dêh char Babilôn, Lĕch bĕ đơ̆ng char bơngai Kalđê, Pơm thoi bơbe bram chông khŭl bơbe.

Je 50:8 Referans Kwoze

Je 51:6

Kơdâu lĕch bĕ đơ̆ng dêh char Babilôn, rim 'nu athei kơdâu wă pơklaih tơdrong arih kơdih akâu. 'Nĕ kơ lôch răm ôh yua kơ tơdrong yoch lu sư. Yua kơ trŏ boih năr Kră Yang pơm tơwih, Sư gô pơm tơwih trŏ thoi đe noh pơm boih,

Êsai 48:20

Lĕch bĕ đơ̆ng Babilôn! Kơdâu weh bĕ đơ̆ng bơngai Kalđê! Athei jreo ôr hiôk chơt na khan roi tơbăt bĕ tơdrong 'nâu. Ră roi dĭng jơ̆p truh tôch kơ lăm teh đak! Athei khan: “Kră Yang dŏng pơklaih adrĕch Jakôp bơih, đĭch đam Sư.”

Tơdrông Tơ'bôh 18:4

Đơ̆ng noh inh kơtơ̆ng 'bơ̆r nai sư kư̆m pơma đơ̆ng plĕnh thoi âu: “Ơ lu kon Inh, iĕm jah lĕch jăk tơ nai hli kơ iĕm hơdai yoch thoi sư, kơnh pŭ tơdrong gleh pơmat thoi sư noh.

Je 51:45

Ơ kon pơlei Inh, kơdâu lĕch bĕ đơ̆ng Babilôn pơklaih kơdih akâu bĕ, weh đơ̆ng tơdrong Kră Yang hil mĭl!

II Kor 6:17

“Thoi noh yua kơ Inh Kră Yang iĕm na Inh athei iĕm lĕch jăk đơ̆ng lu bơngai ưh kơ lui. Tơklah đơ̆ng lu sư, 'nĕ pă pel 'bơm dôm tơdrong kơnê̆ 'mê̆-'mach lu sư, na Inh gô sơng iŏk iĕm.

Êsai 52:1

Ơ pơlei Siôn, iung hơđơ̆r bĕ, iung hơđơ̆r bĕ, pơpôi jơhngơ̆m pran ih bĕ! Ơ pơlei Jêrusalem, jơ̆ pơlei 'lơ̆ng rơgoh, athei iŏk hrŭk ao 'lơ̆ng ih! Lu bơngai ưh kơ chu kăt tơdra akar, bơngai yoch kơnê̆ 'mê̆-'mach gô ưh pă mơ̆t tơ lăm ih dơ̆ng bơih.

Tơdrông Pơđơk 30:31

Iĕr tơmông bơbe bram yak nơnăm hăm pơrŏ jơ'nguơ̆ng; Păng thoi pơtao tơdah lu linh sư oei tăp dăr kơ sư.

Jo 16:26

Sư khan kơ tơpôl kon pơlei akŭm thoi âu: Dang ei athei weh bĕ ataih đơ̆ng anih bơsŭn lu bơngai pơm kơnê̆ âu păng kư̆m 'nĕ kơ hơtŭt 'bơm tơmam kiơ lu sư, kơnh hli kơ iĕm lôch yua kơ tơdrong yoch lu sư.

Êsai 52:11

Lu iĕm weh bĕ, weh bĕ, weh lĕch bĕ đơ̆ng anih noh. 'Nĕ hơtŭt 'bơm tơmam 'mê̆-'mach. Lĕch bĕ đơ̆ng noh pơm akâu kơdih mă rơgoh. Ơ lu bơngai chĕp tơmam Kră Yang.

Sa 2:11

Lăm năr noh, đei lơ teh đak gô chu drap kơkuh kơ Kră Yang păng gô jing kon pơlei Inh, Inh gô oei hơdai lu iĕm, lu iĕm gô băt Kră Yang Tih Hloh đei wơh inh truh tơ iĕm.