Je 50:7 - Sơ̆p Hlabơar Nơ̆r 'Bok Kei-Dei

⁷ Đe bu tơ'bơ̆p lu sư rôp 'buh sa; Lu bơngai ayăt kơ lu sư khan. ‘Lu nhôn ưh kơ pơm yoch ôh, Lu sư pơm yoch boih hăm Kră Yang, Sư boih mă tơmăn 'nhĕt tơpă. Păng tơm tơdrong 'bok yă lu sư gơnang, Sư boih Kră Yang.’

Je 50:7 Referans Kwoze

Je 14:8

Ơ Kră Yang Ih boih tơ'ngla mă lu bơngai Isơrael chang hơmĕng. Tơ'ngla mă dŏng pơklaih kơplah năr đei tơdrong truh, liơ Ih nhen thoi bơngai tơmoi lăm char âu, Thoi bơngai chă yak găn weh 'bĭch kơmăng đĕch.

Je 2:3

Isơrael boih minh adrĕch adrung 'lơ̆ng rơgoh 'măn kơ Kră Yang, plei blŭng-a đơ̆ng tơdrong jang Sư. Na bơngai bu mă luăn sa kon pơlei noh gô jô̆ yoch; tơdrong răm gô truh tơ lu sư.’ ” Noh Kră Yang khan.

Sa 11:5

lu bơngai răt triu pơlôch đĭ triu pơm 'nhĕm huay kơ jô̆ khan pơm yoch. Lu bơngai mă tĕch lu sư khan: Kră Yang trŏ kơ ư-ang, yua kơ inh mơdrŏng bơih; păng lăm lu bơngai wei triu ưh kơ đei minh 'nu bơngai bu mă 'mêm kơ lu triu.”

Je 31:23

Kră Yang Tih Hloh 'Bok Kei-Dei bơngai Isơrael khan: “Kơplah Inh chông tơwih bơngai bơnă brŏk, lăm char Juđa păng tơ rim pơlei gô khan: ‘Ơ lu anih mă 'lơ̆ng tơpăt Kră Yang, kông rơgoh, apinh Kră Yang ăn kơ anih âu pŭn hiôk!’

Je 50:17

Isơrael boih khŭl triu jrok, Đei dăm-brang druh rôp. Adrol sơ̆ pơtao Asiri hek sa lu sư boih; Đơ̆ng rŏng Nebukatnessar, pơtao Babilôn, kăp rĕn kơting sư.”

I Tim 1:1

Inh Pôl jơ̆ng 'bang Yêsu Krist chih hơpong kơ Timôthê. Hmach kơ ih, dăm. Ih kon inh tơpă kơlih kơ ih lui kơ Kră Yang Yêsu Krist đơ̆ng inh bơtho ih sơ̆. Kră Yang 'Bok Kei-Dei hăm Kon Sư Yêsu Krist athei inh pơm jơ̆ng 'bang Sư. 'Bok Kei-Dei dŏng pơklaih bơ̆n đơ̆ng tơdrong yoch. Bơ̆n lui kơ Yêsu Krist bơ̆n băt kơ Sư gô ăn kơ bơ̆n oei hơdai hăm Sư ning-mônh. Inh krao khan apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng ih tôm tơdrong. Apinh Sư mơnat kơ ih, hăm ăn kơ ih hiôk-hian ling-lang.

Sa 1:15

Păng Inh ưh kơ lăp jơhngơ̆m đon kơ adrĕch adrung mă oei hiôk. Sơ̆ Inh hli kơ kon pơlei pơla Inh lăp ai đĕch, mă-lei lu adrĕch adrung sư thim tơdrong pơmat kơ lu sư.’

Da 9:16

Ơ! Kră Yang 'Bok Kei-Dei, kư̆ kiơ̆ tơdrong tơpăt Ih, inh apinh Ih pơm kơ tơdrong Ih hil weh đơ̆ng pơlei Jêrusalem Ih, wă khan kông rơgoh Ih; yua kơ tơdrong yoch lu nhôn păng tơdrong kơnê̆ lu 'bok yă nhôn, na mă pơlei Jêrusalem păng kon pơlei pơla sư pŭ iŏk tơdrong pơ'brơh đơ̆ng lu bơngai oei tăp dăr kơ lu nhôn.

Da 9:6

Lu nhôn ưh kơ mơ̆ng lu đĭch đam Ih wă khan lu bơngai khan lê̆ adrol, yua anăn Ih na khan kơ pơtao, lu kuan tih, lu 'bok yă nhôn păng đĭ kon pơlei kơpal teh.

Je 50:33

Kră Yang Tih Hloh khan: “Kon pơlei Isơrael đe pơjuă pơđep păng Juđa kư̆m lei-lăi, Đĭ-đăng lu bơngai mă rôp lu sư, Rôp pơkơ̆ng lu sư kơjăp ưh kơ wă achăng lu sư.

Êsai 56:9

Ơ khŭl sem dơrong tơ anih tơmăn glă, Khŭl lu sem bri, đĭ-đăng năm sa bĕ.

Êsai 47:6

Inh hil mĭl kơ kon pơlei Inh, Inh pơm kơ mŭk tơmam Inh jing 'mê̆-'mach, Inh pơjao đĭ lu sư lăm tơpang ti ih. Mă-lei ih ưh kơ đei 'mêm mơnat kơ lu sư; Ih tơ'băk bơih 'long ăt trăp kơpal bơngai kră pă kĕ.

Êsai 9:12

Mă-lei kon pơlei ưh kơ wih brŏk ôh tơ tơ'ngla mă teh pơjĭ lu sư, kư̆m ưh kơ chơchă Kră Yang Tih Hloh.

Horiso 91:1

Bơngai bu oei lăm anih hlơp Kră Yang mă Tih Hloh. Gô oei lăm yơ̆p Tơ'ngla mơsêh mơyang.

Horiso 90:1

Ơ Kră Yang, Ih jơ̆ anih lu nhôn oei.a Lăm đĭ jơhnơr.

Horiso 79:7

Yua kơ lu sư luăn sa boih adrĕch Jakôp, păng pơrăm tơhiong boih teh tơring sư oei.

Horiso 71:5

Yua kơ, ơ Kră Yang! Ih boih mă inh chang gô. Mă inh gơnang đơ̆ng inh oei 'lơ̆p sơ̆.

Je 5:17

Lu sư gô luăn sa phe 'ba lu iĕm, luăn sa lu kon drŏ-nglo drŏ-kăn iĕm, lu sư gô 'buh sa triu păng rơmo lu iĕm. Gô phĕ sa plei hơmu păng plei hơra lu iĕm. Lu sư gô iŏk đao koh pơrăm lu pơlei tih kơjăp mă lu iĕm gơnang hơđơ̆ng.”

Je 10:25

Tuh bĕ tơdrong Ih hil mĭl kơ lu dêh char, Lu dêh char mă ưh kơ băt kơ Ih, Păng lu adrĕch adrung mă ưh kơ krao khan hăm anăn Ih. Yua kơ lu sư pơrăm boih Jakôp, Lu sư pơlôch pơrăm sư, Lu sư pơrăm dêh char sư.

Je 17:13

Ơ Kră Yang, Ih boih anih hơmĕng tơm kơ bơngai Isơrael, lu bơngai bu achăng lê̆ Ih gô mơlâu! Bơngai bu weh đơ̆ng Inh, chih jô̆ anăn lu sư gah anih lôch, yua kơ lu sư achăng lê̆ Kră Yang mă tu đak glung arih ling-lang.

Êsêkiên 34:5

Yua kơ ưh kơ đei bơngai bơwei, kon triu tơklah tơklang, lu sư tơklah tơklang jing tơmam sa lu sem bri.

Êsêkiên 35:12

Ih gô băt Inh boih Kră Yang kơtơ̆ng nơ̆r ih pơma pơjăm pơjuă hăm lu kông Isơrael khan: “Lu sư răm đĭ boih, lu sư gô jing tơmam sa lu bơ̆n.”

Je 33:15

“Lăm lu 'năr noh păng kơplah ei kơnh, Inh gô ăn đei minh pôm dơng tơpăt sĭt chăt đơ̆ng adrĕch Đawit. 'Bok noh gô pơm tơdrong tơpăt hơnơ̆ng lăm teh đak.

Je 33:16

Lăm lu năr noh; adrĕch Juđa gô đei dŏng pơklaih; Jêrusalem gô oei hiôk-hian păng gô krao anăn Kră Yang boih tơpăt hơnơ̆ng lu nhôn.’ ”

Je 50:14

Ơ lu bơngai chĕp hră, Dă bĕ lu iĕm tăp dăr dêh char Babilôn, Prah bĕ 'nĕ 'mêm kơ 'brơ̆m, Yua kơ sư pơm yoch blah Kră Yang.